ERIYARARE 15:3 - Edisana ñwed Abasi Ibom

³ Mmɔ enyuŋ ekwɔ ikwɔ Moses owo Abasi ye ikwɔ Eyen-erɔŋ, ete, Mme utom Fo ekponi enyuŋ enyene nyɔ, O Ɔbɔŋ Abasi, Andikara kpukpru ŋkpɔ; Mme usuŋ Fo enen enyuŋ edi akpanikɔ, O Edidem mme obio.

ERIYARARE 15:3 ပူးပေါင်းရင်းမြစ်များ

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

1 CHRONICLES 6:49

Ndien Aaron ye nditɔ-iren esie efɔp uwa ke itie edifɔp uwa, ye ke itie ufɔp incense, ke ofuri utom ata edisana ebiet, ye ke erisio isop nnɔ Israel, kpa nte Moses owo Abasi eketemede kpukpru.

2 CHRONICLES 24:6

Ekem edidem okot Jehoiada etubom, onyuŋ ɔdɔhɔ enye, ete, Nsinam afo mukpakke mme Levite, ete ebɔ Judah ye Jerusalem utomo Moses, owo Jehovah, ye eke esop Israel, eda edi ke efe ntiense?

NEHEMIAH 9:14

onyuŋ anam mmɔ efiɔk edidsana sabbath fo, onyuŋ ada ubɔk Moses owo fo owuk mmɔ mbet, ye ewuhɔ ye ido:

ŊWED JOB 36:24

Afo amanam idiɔk? Tim ti ndikpono utom esie emi owo ekwɔde.

ŊWED JOB 5:9

Emi anamde ikpɔ ŋkpɔ eke mikemeke ndiduŋɔ; mme utibe ŋkpɔ tutu ekan ibat:

ŊWED MME PSALM 100:5

Koro Jehovah ɔmɔfɔn; ima esie ebigi ke nsinsi; akpanikɔ esie onyuŋ ebigi ke ofuri emana.

ŊWED MME PSALM 105:5

Eti mme utibe ŋkpɔ esie emi enye anamde; ŋkpɔ-ndyɔ esie, ye mme ikpe inua esie;

ŊWED MME PSALM 111:2

Ŋkpɔ emi Jehovah anamde emekpon, etim enyuŋɔ mmɔ ke ofuri ima esit mmɔ.

ŊWED MME PSALM 111:7

Akpanikɔ ye edinen ikpe edi se ubɔk esie anamde; kpukpru item esie emewuhɔ.

ŊWED MME PSALM 139:14

Nyekɔm fi, koro nyenede ndyɔ ye ndik; se afo anamde edi utibe; ukpɔŋ mi onyuŋ ɔfiɔk enene.

ŊWED MME PSALM 145:17

Jehovah emenen ke kpukpru usuŋ esie, onyuŋ ɔfɔn ido ke kpukpru se enye anamde.

ŊWED MME PSALM 145:6

Ndien mmɔ eyedɔhɔ ebaŋa odudu ŋkpɔ ndik fo: ndien ama edi ubom fo, nyebuk enye.

ŊWED MME PSALM 18:30

ŋkaŋa ibibene. Abasi! usuŋ esie ɔfɔn ama; ema edomo uyo Jehovah; enye edi otu-ekɔŋ kpukpru mmɔ eke ebuɔtde idem mmɔ ye enye.

ŊWED MME PSALM 78:12

Enye akanam mme utibe ŋkpɔ ke iso mme ete mmɔ, ke idut Egypt, ke isɔŋ Zoan.

ŊWED MME PSALM 92:5

O Jehovah, se afo anamde okpon didie! Ekikere fo emetuŋɔ eti-eti.

ŊWED MME PSALM 99:4

Ndien odudu edidem ama ikpe; afo omowuk se inende, afo ekpe edinen ikpe ke Jacob.

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

ISAIAH 45:21

Mbufo etiŋ, enyuŋ eda edi; yak mmɔ enyuŋ esobo ibuot ɔtɔ kiet: anie okobuk emi ke eset? anie eketiŋ enye tutu ko? Nte idige ami Jehovah? ndien Abasi efen iduhe ke mibɔhɔke ami: edinen Abasi emi onyuŋ edide andinyaŋa iduhe ikɔrɔ ye ami.

DANIEL 6:20

Ndien adaŋemi enye osimde obube oro, enye ada uyo mbɔm eseme okot Daniel. Edidem ɔbɔrɔ onyuŋ ɔdɔhɔ Daniel, ete, O Daniel, owo Abasi uwem, nte Abasi fo emi afo anamde ŋkpɔ esie kpukpru ini, emekeme ndinyaŋa fi mbɔ mme lion?

DANIEL 9:11

Ofuri Israel ŋko ema ebiat mbet fo, enyuŋ ekabare ete ikukop uyo fo. Ndien afo aŋwaŋa nnyin isuŋi ke idem, ye uŋwɔŋɔ emi ewetde ke ŋwed mme ewuhɔ Moses owo Abasi, koro nnyin iduede ye enye.

HOSEA 14:9

Anie owo enyene ibuot, man enye otim ese ŋkpɔ emi? Anie owo edi ɔniɔŋ, man enye ɔfiɔk mmɔ? Koro mme usuŋ Jehovah enende; ndinen owo eyenyuŋ esaŋa mmɔ ke esit: ndien mmɔ eke eduede eyeduɔŋɔ ke esit.

MICAH 7:20

Afo eyenɔ Jacob akpanikɔ, ɔnɔ Abraham ufɔn oro afo ɔkɔŋwɔŋɔde ɔnɔ mme ete nnyin ke eyo oko.

ZEPHANIAH 3:5

Edinen Jehovah odu enye ke esit: enye idinamke se ikwaŋade: eyeda ikpe esie kpukpru usenubɔk onim ke uŋwana: enye ikpuhe; edi owo ŋkwaŋa ifiɔkke but.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

JOHN 1:17

Koro ekɔnɔ ibet ke ubɔk Moses; edi Jesus Christ akada mfɔn ye akpanikɔ edi.

DEUTERONOMY 31:30

Ndien Moses emen kpukpru ikɔ ikwɔ emi etiŋ ke utɔŋ ofuri esop Israel, tutu mmɔ ekure.

DEUTERONOMY 32:3

Koro nyetaŋa enyiŋ Jehovah; mbufo enɔ Abasi nnyin ubom.

DEUTERONOMY 34:5

Ndien Moses owo Jehovah akpa do ke isɔŋ Moab, ke uyo Jehovah.

1ŊWED TIMOTHY 1:17

Yak emen ukpono ye ubɔŋ enɔ Edidem emi akarade ke kpukpru eyo, emi mikemeke ndikpa, enyin minyuŋ ikemeke ndikut Enye, kpa Abasi kierakiet ke nsinsi-nsinsi. Amen.

MME HEBREW 3:5

Ndien ke akpanikɔ Moses akanam akpanikɔ ke ofuri ufɔk Abasi nte asaŋutom, man enye edi ntiense mme ŋkpɔ eke editiŋde ke ukperedem;

JOSHUA 22:5

Edi mbufo ekpeme ndinim mbet ye mme ewuhɔ emi Moses owo Jehovah eketemede mbufo, enyuŋ ema Jehovah Abasi mbufo, enyuŋ esaŋa ke kpukpru usuŋ esie, enyuŋ etim enim mbet esie, enyuŋ eyire ye enye, enyuŋ enam ŋkpɔ esie ke ofuri esit mbufo, ye ke ofuri ukpɔŋ mbufo.

ERIYARARE 1:8

Ami ndi Alpha ye Omega; ntem ke Jehovah Abasi, emi odude-du, okonyuŋ odude-du, edinyuŋ edide, Andikara kpukpru ŋkpɔ, ɔdɔhɔ.

ERIYARARE 11:17

Abasi, ete, Imɔkɔm Fi, O Ɔbɔŋ Abasi, Andikara kpukpru ŋkpɔ, emi odude-du, okonyuŋ odude-du; koro Afo amada akwa odudu Fo ada ubɔŋ.

ERIYARARE 14:3

Ndien mmɔ ekwɔ ikwɔ emi etiede nte obufa ikwɔ ke iso ebekpo, ye ke iso ŋkpɔ-uwem inaŋ oro ye mbiowo; baba owo kiet inyuŋ ikemeke ndikpep ikwɔ oro, ke mibɔhɔke thousand owo ikie ye aba ye inaŋ, kpa mmɔ oro ekefakde esio efep ke isɔŋ.

ERIYARARE 14:8

Ekem angel eŋwen, emi edide udiana-akpa, etiene ke edem, ɔdɔhɔ ete, Babylon, akwa obio oro, ɔmɔduɔ, ɔmɔduɔ, emi akanamde kpukpru mme idut eŋwɔŋ wine ifuresit use esie.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 19:16

Enye onyuŋ enyene enyiŋ emi ewetde ke ɔfɔŋ-idem Esie ye ke ifuhi Esie ete, EDIDEM NDIDEM YE ƆBƆŊ MBƆŊ.

ERIYARARE 19:2

koro mme ikpe Esie edi ata akpanikɔ enyuŋ enen; koro Enye ama ebiere ikpe akwa akpara, emi akadade use esie abiat isɔŋ, Enye onyuŋ ada usiene iyip ikɔt Esie odori enye ke ibuot.

ERIYARARE 4:8

Ndien ŋkpɔ-uwem inaŋ oro enyene mba itiokiet, emi enyin eyɔhɔde mmɔ ke enyɔŋ ye ke esit. Mmɔ inyuŋ inyeneke nduɔk-odudu ke uwem-eyo ye ke okoneyo, esuk edɔdɔhɔ ete, Edisana, edisana, edisana, Jehovah Abasi, Andikara kpukpru ŋkpɔ. Enye emi okodude-du, emi onyuŋ odude-du, emi edinyuŋ edide.