ERIYARARE 14:7 - Edisana ñwed Abasi Ibom

⁷ ndien enye ɔdɔhɔ ke ɔkpɔsɔŋ uyo ete, Mbufo eteŋe Abasi, enyuŋ enɔ Enye ubɔŋ; koro ekem ini ikpe Esie; enyuŋ etuak ibuot enɔ Enye emi okobotde enyɔŋ ye isɔŋ ye inyaŋ ye idim mmɔŋ.

ERIYARARE 14:7 ပူးပေါင်းရင်းမြစ်များ

GENESIS 22:12

Ndien enye ɔdɔhɔ ete, Kuda ubɔk fo utuk eyen oro, kunyuŋ unam enye baba ŋkpɔ kiet: koro ke emi ke mfiɔk nte afo efefehe Abasi, afo unyuŋ usinke mi eyen fo kierakiet.

NEHEMIAH 9:6

Afo edi enye, O Jehovah, afo ikpɔŋ: edi afo akanam ikpa-enyɔŋ, ye ata enyɔŋ, ye kpukpru udim mmɔ, ye isɔŋ, ye kpukpru se idude ke esit, ye inyaŋ ye kpukpru se idude ke esit, afo onyuŋ onim kpukpru mmɔ uwem; udim enyɔŋ enyuŋ etuak ibuot enɔ fi.

ŊWED MME PSALM 115:15

Jehovah andinam enyɔŋ ye isɔŋ akam ɔdiɔŋ mbufo.

ŊWED MME PSALM 124:8

Erinyaŋa nnyin odu ke enyiŋ Jehovah, emi akanamde enyɔŋ ye isɔŋ.

ŊWED MME PSALM 33:6

Ekeda uyo Jehovah enam enyɔŋ; ekeda ibifik inua esie enam kpukpru udim mmɔ.

ŊWED MME PSALM 36:1

IDIƆK ɔdɔhɔ idiɔk owo ke ɔwɔŋ esit esie: baba uteŋe Abasi iduhe enye ke iso.

ŊWED MME PSALM 89:7

Abasi ekpenyene uteŋe ke odu ndisana owo; ndik esie okonyuŋ odoro kpukpru owo eke ekande enye ekuk.

ŊWED MME PSALM 95:5

Emi inyaŋ edide esiemɔ: koro edide enye akanam enye: ndien ubɔk esie okobot obot.

EXODUS 20:11

koro Jehovah akadade usen itiokiet anam enyɔŋ, ye isɔŋ, ye inyaŋ, ye kpukpru se idude mmɔ ke esit, ndien odop ke ɔyɔhɔ usen itiaba: mmɔdo Jehovah ɔdiɔŋde usen sabbath, onyuŋ onim enye ke edisana.

ISAIAH 40:3

Kop! uyo andifiori ke wilderness, ete, Mbufo ediɔŋ usuŋ Jehovah, emenere ɔkpɔ-usuŋ enɔ Abasi nnyin ke desert.

ISAIAH 40:6

Uyo ɔdɔhɔ, ete, Fiori, Ndien owo ɔdɔhɔ, ete Nso ke ndifiori? Ofuri obukidem edi mbiet, ofuri mfɔn esie onyuŋ ebiet ediye ikɔŋ ikɔt: mbiet amasat,

ISAIAH 40:9

Afo Zion emi obukde eti mbuk, dɔk ke edikoŋ obot; O Jerusalem emi obukde eti mbuk, sɔŋɔ menere, uyo fo; menere, kudige; dɔhɔ mme obio Judah, ete, Se Abasi mbufo!

ISAIAH 42:12

Eyenim ubɔŋ enɔ Jehovah, enyuŋ ebuk itoro esie ke otu mme isuo.

ISAIAH 44:23

O enyɔŋ, mbufo ekwɔ: koro Jehovah amanam: isɔŋ ke idak, sio mkpo: ikpɔ obot, mbufo ebumere ekwɔ; mbufo, akai ye kpukpru eto emi edude ke esit: koro Jehovah afakde Jacob, eyenyuŋ ada ubɔŋ ke Israel.

ISAIAH 58:1

SIORO uyo ke itɔŋ fiori, kumum idem, menere uyo fo nte ukorowo, nyuŋ tiŋ idiɔk ido ikɔt mi nɔ mmɔ, tiŋ mme oburobut ido ufɔk Jacob nɔ mmɔ.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

EZEKIEL 7:2

Ndien afo ŋko eyen owo, ntem ke Ɔbɔŋ Jehovah ɔdɔhɔ isɔŋ Israel, ete,

EZEKIEL 7:6

Idiɔk-ŋkpɔ, idiɔk-ŋkpɔ kierakiet, sese, emedi, utit emedi, utit emedi; emedemere ebet fi, sese, emedi.

DANIEL 8:19

Enye onyuŋ ɔdɔhɔ mi, ete, Sese, ami nyesian fi se idiwɔrɔde ke ukperedem ifuresit: koro utit eyedu ke ini emi edoride.

HOSEA 8:1

SIN ukorowo ke inua fo. (Duɔ) ufɔk Jehovah nte ntrukpom: koro mmɔ ebiatde ediomi mi, enyuŋ eduede mbet mi.

MALACHI 2:2

minyuŋ inimke ke esit, minyuŋ inɔŋɔ enyiŋ mi ukpono, Jehovah mme udim ɔdɔhɔ, nyedɔŋ isuŋi oro utom ke ɔtɔ mbufo, nnyuŋ nnam nti ŋkpɔ mbufo ekabare edi isuŋi: mma nnyuŋ nsuŋi mmɔ mma, koro mbufo mikereke ke esit.

MATTHEW 25:13

Ekpeme ndien koro mbufo mifiɔkke usen mme hour.

LUKE 17:18

Nte owo baba kiet iduhe ndifiak nditoro Abasi, ke mibɔhɔke esen owo emi?

UTOM MME APOSTLE 14:15

Mbɔŋ owo, nso ke mbufo enam? Nnyin nde idi owo, ibiet mbufo ke uduot nnyin, inyuŋ ida eti etop isɔk mbufo, ite mbufo ekabare ekpɔŋ mme ikpikpu ŋkpɔ emi etiene Abasi uwem, emi akanamde enyɔŋ ye isɔŋ ye inyaŋ ye kpukpru se idude mmɔ ke esit.

JOSHUA 7:19

Ndien Joshua ɔdɔhɔ Achan, ete, Mbɔk, eyen mi, kpono Jehovah Abasi Israel, nyuŋ toro enye; nyuŋ men se afo akanamde tiŋ nɔ mi, mbɔk, kudip mi.

1 PETER 4:7

Edi utit kpukpru ŋkpɔ ke ekpere. Mmɔdo mbufo enyene eti ibuot, enyuŋ efara ke idem, man ekeme ndibɔŋ akam.

ERIYARARE 11:13

Ke idem ini oro akwa unyek-isɔŋ otibe, ubak obio kiet ke itie duop onyuŋ ɔduɔ; thousand owo itiaba enyuŋ ekpaŋa ke unyek-isɔŋ oro. Ndien mmɔ eke esuhɔde ekabare edikhe eti-eti, enyuŋ eyak ubɔŋ enɔ Abasi heaven.

ERIYARARE 11:18

Mme idut ekeyat esit ndien iyaresit Fo ama edi. Ndien ekem ini nte ekpede ikpe mme akpa-mkpa, enyuŋ enɔde ikɔt Fo mme prophet utip mmɔ, enyuŋ enɔde nti owo eke mmɔ ye mmɔ emi eteŋede enyiŋ Fo, ŋkpri ye ikpɔ; nte enyuŋ esobode mmɔ emi esobode isɔŋ.

ERIYARARE 15:4

Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.

ERIYARARE 16:9

Akwa ufiop onyuŋ ɔfɔp owo; ndien mmɔ esuŋi enyiŋ Abasi emi enyenede odudu ndida mme ufen oro mmia owo; inyuŋ ikabakere esit inɔ Enye ubɔŋ.

ERIYARARE 18:10

Mbɔm, mbɔm, akwa obio, ɔkpɔsɔŋ obio Babylon! koro ke hour kiet ubiom-ikpe akabuat fi.

ERIYARARE 18:17

koro ke hour kiet inyene eke ewakde ntem ema ekabare ekpu. Ndien kpukpru etubom ubom ye mmɔ emi eyode ke inyaŋ, ye mbon uwat, ye kpukpru mme ebin mbubine ke inyaŋ,

ERIYARARE 18:19

Mmɔ enyuŋ ewobi ntɔŋ eduɔk ke ibuot, esio mkpo, etuaŋa enyuŋ efuhɔ, ete, Mbɔm, mbɔm, akwa obio, emi akanamde kpukpru mme enyene ubom ke akpa eforo oto ke eriduɔk inyene esie! ke hour kiet ema enam enye odu ke ndobo.

ERIYARARE 19:5

Uyo onyuŋ oto ke ebekpo ɔwɔrɔ ete, Etoro Abasi nnyin, kpukpru mbufo ikɔt Esie, Emi eteŋede Enye, ŋkpri ye ikpo.

ERIYARARE 4:11

Ɔbɔŋ ye Abasi nnyin, Afo omodot ndibɔ ubɔŋ ye ukpono ye odudu, koro Afo okobotde kpukpru ŋkpɔ; ndien oto uduak Fo ke mmɔ edu, ekenyuŋ eboro.

ERIYARARE 4:9

Ndien ke adaŋemi ŋkpɔ-uwem edimende ubɔŋ ye ukpono ye ekɔm enɔ Anditie ke ebekpo, kpa

ERIYARARE 8:10

Ekem ɔyɔhɔ angel ita ofri; akamba ntantafiɔŋ, emi asakde nte nsaraŋ ikaŋ, oto ke enyɔŋ ediduɔ; ɔduɔ ke ubak akpa kiet ke itie ita ye ke idim-mmɔŋ.

1 SAMUEL 6:5

Mbufo enam ndien mbiet akpasak mbufo, ye mbiet usine mbufo emi ebiatde isɔŋ; ntre ke mbufo edikpono Abasi Israel: mme enye eyesuk ubɔk esiemɔ odorore mbufo ke idem, ye ke idem mme abasi mbufo, ye ke isɔŋ mbufo.