ERIYARARE 14:5 - Edisana ñwed Abasi Ibom

⁵ Ndien owo ikwe mmɔ abiaŋa ke inua; mmɔ inyuŋ inyeneke ndo.

ERIYARARE 14:5 ပူးပေါင်းရင်းမြစ်များ

ŊWED MME PSALM 32:2

Ɔfɔfɔn ɔnɔ owo eke Jehovah mi-batke mme ukwaŋ-ŋkpɔ inɔ enye, baba abiaŋa minyuŋ iduhe ke spirit esie.

ŊWED MME PSALM 34:13

Kpeme edeme fo ke idiɔk, kpeme mkpɔk-inua fo ke abiaŋa.

ŊWED MME PSALM 55:11

Ibak odu enye ke ufɔt: utuk ye abiaŋa idinyuŋ idahake ke aŋwa esie.

MME ŊKE 8:8

Kpukpru ikɔ inua mi edi se inende; baba kiet eke akwaŋade, eke onyuŋ oyurɔde, iduhe ke otu mmɔ.

IKWƆ SOLOMON 4:7

Ima mi afo emeye ama; ndo baba kiet iduhe fi ke idem.

ISAIAH 53:9

Mmɔ enim udi esie ye mme idiɔk owo, edi enye odu ye owo inyene ke mkpa esie; koro enye mikanamke baba afai, abiaŋa mikonyuŋ iduhe enye ke inua.

DANIEL 6:4

Ndien ikpɔ owo ye mbɔŋ oro esin ubɔk eyom ndikut ikɔ eke ekpedoride Daniel ke edem ŋkpɔ obio; edi mmɔ ikemeke ndikut baba ŋkpɔ kiet ye idiɔk ido kiet eke ekpedoride enye, koro enye edide owo akpanikɔ, ndien mmɔ ikwe baba ndudue kiet, ye baba idiɔk ido kiet eke ekpedoride enye.

HOSEA 10:2

Ebahare esit mmɔ; mmɔ eyesio isop idahemi: enye eyewuri itie-uwa mmɔ, eyebiat mbiet-ŋkpɔ mmɔ.

ZEPHANIAH 3:13

Ubak Israel emi ɔsuhɔde idinamke ukwaŋ-ŋkpɔ, idinyuŋ isuhe nsu: owo idinyuŋ ikwe edeme abiaŋa ke inua mmɔ: koro mmɔ eyedia ŋkpɔ enyuŋ esuhɔre ena, ndien baba owo kiet eke anamde mmɔ ndik ididuhe.

MALACHI 2:6

Ewuhɔ akpanikɔ okodu enye ke inua, ndien ikwe ukwaŋ-ŋkpɔ ke mkpɔk-inua esie enye asaŋa ye ami ke emem ye ke edinen ido, onyuŋ akabare ediwak owo ke idiɔk ido efep.

MATTHEW 12:34

Mbufo ubon urukikɔt, mbufo emi ediɔkde ekeme didie nditiŋ nti ŋkpɔ? Koro oto ke uyɔhɔ esit ke inua osio etiŋ.

LUKE 23:4

Pilate ɔdɔhɔ ikpɔ oku ye mme otu owo, ete, Ŋkwe idiɔk ke idem owo emi.

JOHN 1:47

Jesus okut Nathanael nte asaŋade edi, onyuŋ abaŋa enye ete, Sese, ata eyen Israel, emi ŋkari miduhe enye ke esit.

ŊWED MBON EPHESUS 5:27

anam enye asana; man akpada enye ɔnɔ Idem Esie nte ufɔk Abasi emi ɔyɔhɔde ye ubɔŋ, minyuŋ inyeneke ntɔi mme eriŋwine mme oruk ŋkpɔ eke etiede ntre; edi man enye asana onyuŋ anana ndo.

ŊWED MBON COLOSSAE 1:22

edi ke emi Jesus akada mkpa Esie anam mbufo etie ke emem ye Abasi ke obukidem Esie, man Enye anam mbufo edi ndisana owo emi enanade ndo, emi owo minyuŋ ikemeke nditiŋ ŋkpɔ ndian, ada onim ke iso Esie:

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

1 PETER 1:19

edi ekada iyip eke ɔsɔŋde urua efak mbufo, nte iyip eyen-erɔŋ eke ananade ndo onyuŋ ananade ntɔi, kpa eke Christ:

1 PETER 2:22

Enye ikanamke idiɔk-ŋkpɔ, akanam inyuŋ ikwe Enye abiaŋa ke inua.

1 PETER 3:10

Koro, Owo emi edimade uwem, Edinyuŋ oyomde ndikut edifɔn ini, Yak enye afara edeme esie ke idiɔk, onyuŋ ekpeme mkpɔk-inua esie okubiaŋa abiaŋa.

JUDE 1:24

Ama edi Enye emi ekemede ndikpeme mbufo, ete, ekuduɔ, ndinyuŋ nnam mbufo eda ke iso Ubɔŋ Esie ke akwa idaresit, enana ndo;