ERIYARARE 14:4 - Edisana ñwed Abasi Ibom

⁴ Mmɔ emi edi owo emi mikasabakere idem ye iban; koro mmɔ mikɔdɔhɔ ndɔ. Emi edi mmɔ emi etienede Eyen-erɔŋ eka ɔtɔ nte Enye akaka. Ekefak mmɔ esio ke otu owo, ete mmɔ edi akpa mbuŋwum enɔ Abasi ye Eyen-erɔŋ.

ERIYARARE 14:4 ပူးပေါင်းရင်းမြစ်များ

ŊWED MME PSALM 45:14

Eyesine enye mbuaha ɔfɔŋidem eda esɔk edidem, eda nditɔ-iban, mme nsaŋa esie emi etienede enye ke edem, esɔk fi.

ŊWED MME PSALM 74:2

Ti mbon esop fo, emi afo ekedepde ke eset; afo akafak esien udeme fo, obot Zion emi afo oduŋde ke esit.

IKWƆ SOLOMON 1:3

Eti aran fo enem utebe; enyiŋ fo edi aran eke eŋwaŋade; mmɔdo nditɔ-iban emade fi.

IKWƆ SOLOMON 6:8

Mbɔŋ-iban ata edu mi, ye iban-esa anaŋ, ye nditɔ-iban eke mibatke.

JEREMIAH 2:3

Israel ekedi edisana ikɔt Jehovah, akpa mfri ŋkɔri esie: kpukpru mmɔ eke ediade enye ekedue isop; idiɔk-ŋkpɔ okosim mmɔ; Jehovah ɔdɔhɔ.

AMOS 6:1

OSUK ɔdɔdiɔk ɔnɔ mmɔ emi etiede ke ifure ke Zion, enyuŋ ebuɔtde idem mmɔ ke obot Samaria, akpan owo ke otu mme etubom mme idut, emi ufɔk Israel etienede mmɔ!

MATTHEW 19:12

Koro mme eunuch edu emi emanade ntem ke idibi eka mmɔ; mme eunuch enyuŋ edu emi edide owo enam mmɔ edi eunuch; mme eunuch enyuŋ edu ŋko emi enamde idem mmɔ eunuch kabaŋa Obio Ubɔŋ Heaven. Owo eke ekemede ndibɔ, yak ɔbɔ.

MATTHEW 25:1

ADAŊORO eyeda Obio Ubɔŋ Heaven edomo ye nditɔ-iban duop, eke emende utuenikaŋ mmɔ ewɔŋɔ eka ekosobo ye ɔdɔ-ndɔ.

MATTHEW 8:19

Ndien scribe kiet edi edidɔhɔ Enye ete, Andikpep, nyetiene Fi ŋka ebiet eke Afo edikaka.

JOHN 10:27

Mme erɔŋ Mi ekop Mi uyo, Ami mmonyuŋ mfiɔk mmɔ, mmɔ enyuŋ etiene Mi.

JOHN 12:26

Edieke owo ekededi anamde ŋkpɔ ɔnɔ Mi, yak enye etiene Mi; ndien ebiet eke Ami ndude, asaŋutom Mi edidu do ŋko. Edieke owo anamde ŋkpɔ ɔnɔ Mi, Ete Mi eyekpono enye.

JOHN 13:37

Peter ete Enye, Ɔbɔŋ, nsidi ntak eke mme-ndikemeke nditiene Fi ke idem idahemi?

JOHN 8:12

Ntre ke Jesus ɔtɔŋɔ ntak etiŋ ɔnɔ mmɔ, ete, Ami ndi uŋwana ererimbot; owo eke etienede Mi idisaŋake ke ekim, edi eyenyene uŋwana uwem.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

1 ŊWED CORINTH 16:15

Edi mmekpe mbufo ubɔk, nditɔ-ete; mbufo emediɔŋɔ ufɔk Stephanas, ete edi akpa mbuŋwum eke ekpeŋede ke Achaia, mmɔ enyuŋ esin ifik enamŋkpɔ enɔ ikɔt Abasi.

1 ŊWED CORINTH 6:20

Mbufo inyuŋ idige eke mbufo. Ekedep mbufo ke ekɔm-urua; mmɔdo enɔ Abasi ubɔŋ ke ikpɔhidem mbufo.

1 ŊWED CORINTH 7:28

Edi edieke afo ɔdɔde ndɔ, uduehe; edieke eyen-aŋwan ɔdɔde ndɔ, enye inyuŋ iduehe. Edi mmɔ emi enamde ntre eyekut ukut ke obukidem, ndien ɔdɔŋ mi nte mbufo ebɔhɔ ukut oro.

2 ŊWED CORINTH 11:2

Koro mmenyene ufup Abasi mbaŋa mbufo; koro ŋkada mbufo nnɔ ebe kiet, man ŋkpemen mbufo nte edisana eyen-aŋwan nnɔ Christ.

ŊWED MBON EPHESUS 1:14

kpa Spirit emi edide akpa ubak udeme nnyin, tutu osim ini eke edifakde ofuri udeme enɔ nnyin ida inyene, man ubɔŋ Abasi enyene itoro.

ŊWED MBON EPHESUS 5:27

anam enye asana; man akpada enye ɔnɔ Idem Esie nte ufɔk Abasi emi ɔyɔhɔde ye ubɔŋ, minyuŋ inyeneke ntɔi mme eriŋwine mme oruk ŋkpɔ eke etiede ntre; edi man enye asana onyuŋ anana ndo.

1ŊWED TIMOTHY 4:3

Mmɔ oro ebiɔŋɔ owo ndidɔ ndɔ, enyuŋ ewuk ete ebet nsio-nsio oruk udia, emi Abasi okobotde ete mmɔ emi enimde ke akpanikɔ enyuŋ efiɔkde akpanikɔ ebɔ edia ye ekɔm.

MME HEBREW 12:23

emi ewetde enyiŋ mmɔ ke heaven; enyuŋ esaŋa ekpere Abasi, Ebierikpe ofuri ekondo, ye mme spirit ndinen owo emi enamde mmɔ efɔn ema,

JAMES 1:18

Oto ke uduak Esie ke Enye akada ikɔ akpanikɔ aman nnyin, man nnyin ikpetie nte akpa mbuŋwum ke otu mmɔ emi Enye okobotde.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 21:22

Edi ŋkwe temple do, koro Jehovah Abasi Andikara kpukpru ŋkpɔ ye Eyen-erɔŋ edi temple esie.

ERIYARARE 21:23

Obio inyuŋ iyomke utin ye ɔfiɔŋ ndiyama nnɔ enye; koro ubɔŋ Abasi anamde enye aŋwaŋa, Eyen-erɔŋ onyuŋ edide utuenikaŋ esie.

ERIYARARE 3:4

Edi emenyene enyiŋ ifaŋ do ke Sardis emi mikasabakere edisine-ŋkpɔ mmɔ; mmɔ oro eyesine afia ɔfɔŋidem esaŋa ye Ami, koro mmɔ edotde.

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;