ERIYARARE 14:2 - Edisana ñwed Abasi Ibom

² Ndien ŋkop uyo emi otode ke heaven, ebiet uyo ediwak mmɔŋ, onyuŋ ebiet uyo ɔkpɔsɔŋ obuma; uyo oro ŋkopde onyuŋ etie nte uyo mme ebre-harp, emi ebrede ikwɔ ke harp mmɔ.

ERIYARARE 14:2 ပူးပေါင်းရင်းမြစ်များ

2 SAMUEL 6:5

Ndien David ye ofuri ufɔk Israel ebre ke iso Jehovah ke kpukpru oruk ŋkpɔ eto cypress, kpa ke harp, ye psaltery, ye ekɔmɔ, ye nsak, ye cymbal.

2 CHRONICLES 20:28

Ekem mmɔ esim ke Jerusalem ekama psaltery, ye harp, ye ukorowo, edi ke ufɔk Jehovah.

ŊWED MME PSALM 147:7

Mbufo eda ikwɔ-ekɔm ekwɔ enɔ Jehovah; ebre enɔ Abasi nnyin ke harp:

ŊWED MME PSALM 149:3

Yak mmɔ etoro enyiŋ esie ke unek: emen ekɔmɔ ye harp ebre enɔ enye.

ŊWED MME PSALM 33:2

Mbufo ekɔm Jehovah ke harp: eda psaltery uruk duop ekwɔ enɔ enye.

ŊWED MME PSALM 43:4

Ndien nyeka ke itie-uwa Abasi, kpa Abasi ata idaresit mi: nyeda harp ŋkɔm fi, O Abasi, Abasi mi.

ŊWED MME PSALM 57:8

Ubɔŋ mi, demere; mbufo, psaltery ye harp, edemere: nyedemere usiere.

ŊWED MME PSALM 92:3

ye ke psaltery, ye ke uyom harp.

ŊWED MME PSALM 93:4

Jehovah ke enyɔŋ ɔmɔsɔŋ akan uyom ediwak mmɔŋ, kpa mkpɔsɔŋ aya inyaŋ ibom.

ŊWED MME PSALM 98:5

Ekwɔ enɔ Jehovah ke harp, ke harp, ye uyo ikwɔ.

EXODUS 19:16

Edikem ke ɔyɔhɔ usen ita, ke ini eyo esierede, uyom enyɔŋ ye obuma edu, idiɔk enyɔŋ onyuŋ ofuk obot, uyom ukorowo onyuŋ ɔsɔŋ eti-eti; ndien kpukpru owo eke edude ke nna enyek idem.

EXODUS 20:18

Ndien kpukpru owo ekut uyom enyɔŋ; ye obuma, ye uyom ukorowo, ye nte obot ɔwɔrɔde nsuŋikaŋ: ndien adaŋemi kpukpru owo ekutde, mmɔ efiak edem, ekeda nsan-nsan.

ISAIAH 17:13

Ata ediwak owo ekpot nte akamba mmɔŋ okpotde: edi Enye aduat mmɔ, ndien mmɔ efeŋe anyan usuŋ, enyuŋ ebine mmɔ nte mbio ibokpot ke enyɔŋ obot ke iso ofum, ye nte ŋwewere ŋkpɔ ke iso oyobio.

EZEKIEL 43:2

Ndien, sese, ubɔŋ Abasi Israel oto ke edem usiaha-utin edi: uyo esie onyuŋ ebiet uyo ediwak mmɔŋ: ubɔŋ esie onyuŋ ayama ke isɔŋ.

ZECHARIAH 9:14

Ndien eyekut Jehovah ke enyɔŋ mmɔ, ndien idaŋ esie eyewɔrɔ nte obuma: ndien ɔbɔŋ Jehovah eyefuri ukorowo, onyuŋ asaŋa ke oyobio Teman.

1 ŊWED CORINTH 13:1

ŊKPESEM usem mme owo ye eke mme angel, ndien nnyeneke ima, mmakabare nyomo uyom nte akpa ŋkpaŋ, nnyuŋ nsioro uyo nte ekpri ŋkanika.

ERIYARARE 1:10

Ŋkodu ke Spirit ke usen Ɔbɔŋ ndien ŋkop, ɔkpɔsɔŋ uyo ke edem mi, emi ebietde uyo ukorowo, nte ɔdɔhɔde ete,

ERIYARARE 1:15

enyin Esie ebiet edeme-ikaŋ; ukot Esie enyuŋ ebiet nsak-nsak okpoho eke etemde asasana ke ikaŋ; uyo Esie onyuŋ ebiet uyom uwak mmɔŋ.

ERIYARARE 11:12

Ndien mmɔ ekop ɔkpɔsɔŋ uyo otode ke enyɔŋ ɔdɔhɔ mmɔ ete, Edɔk edi ken. Mmɔ enyuŋ esaŋa ke obubit enyɔŋ edɔk eduk ke heaven, mme asua mmɔ enyuŋ ekut mmɔ.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 15:2

Ekem ŋkut se ibietde inyaŋ glass emi abuahade ye ikaŋ; ye mmɔ emi ekekande ebɔhɔ unam oro ye mbiet esie ye ibat enyiŋ esie, nte edade ke mben inyaŋ glass oro, ye harp Abasi ke ubɔk mmɔ.

ERIYARARE 18:22

Owo idikopke aba mme ebre harp ye mme ɔkwɔ-ikwɔ ye mme ofri-ifiom ye mme ofri-ukorowo, nte enamde uyom ke esit fo; idinyuŋ ikwe aba mbon-usɔ, eke enamde ubɔk-usɔ ekededi, ke esit fo;

ERIYARARE 5:8

Ekem ke adaŋemi Enye ɔkɔbɔde ŋwed, ŋkpɔ-uwem inaŋ, ye mbiowo edip ye inaŋ oro eduɔŋɔ ke iso Eyen-erɔŋ; mmɔ kiet kiet enyene harp ye eso o-gold, emi eyɔhɔde ye incense, emi edide mme akam nti ikɔt Abasi.

ERIYARARE 6:1

EKEM ŋkut ke adaŋemi Eyenerɔŋ ama akadianare ufik-ŋkpɔ kiet ke itiaba oro, nnyuŋ ŋkop kiet ke otu ŋkpɔ-uwem inaŋ oro, nte ɔdɔhɔde ke uyo eke ebietde obuma, ete, Wɔrɔ di.

ERIYARARE 8:7

Akpa angel ofri; ndien edim-itiat ye ikaŋ, eke abuahade ye iyip, etibe, enyuŋ eŋwaŋa mmɔ eduɔk ke isɔŋ; ndien ikaŋ ata ubak isɔŋ kiet ke itie ita, onyuŋ ata ubak eto kiet ke itie ita, onyuŋ ata ofuri awawa mbiet.