ERIYARARE 13:6 - Edisana ñwed Abasi Ibom

⁶ Ndien enye atat inua osuŋi Abasi, man osuŋi enyiŋ Esie, ye ebiet iduŋ Esie, kpa mmɔ emi eduŋde ke heaven.

ERIYARARE 13:6 ပူးပေါင်းရင်းမြစ်များ

ŊWED JOB 3:1

KE ŋkpɔ emi ebede, Job atat inua esie, onyuŋ osuŋi usen esie.

ŊWED MME PSALM 73:9

Enim inua mmɔ ese enyɔŋ, edeme mmɔ onyuŋ asaŋa ke ererimbot.

DANIEL 11:36

Ndien edidem eyenam kpa nte enye amade, onyuŋ emenere idem esie ke enyɔŋ, onyuŋ onim idem esie ke akamba akan kpukpru abasi, onyuŋ etiŋ mme utibe ŋkpɔ abaŋa Abasi mme abasi, eyenyuŋ oforo tutu ikpahesit okure ama: koro enye eyenam se ekewukde.

DANIEL 7:25

Ndien enye eyetiŋ ikɔ abaŋa Ata Edikoŋ, onyuŋ osobo edisana ikɔt Ata Edikoŋ; onyuŋ ekere ndikpuhɔre ini ye mme ewuhɔ: ndien eyeda mmɔ esin enye ke ubɔk tutu ekem ke ini ye ini iba ye ubak ini.

DANIEL 7:8

Ntie nse nduk oro, ndien, sese, ekpri nduk eŋwen otibe ke otu mmɔ oro: ndien enye odibere ita ke nduk oro ekebemde enye iso; ndien, sese, enyin eke ebietde enyin owo odu ke nduk emi, ye inua ŋko eke etiŋde ikpɔ ŋkpɔ.

MATTHEW 12:34

Mbufo ubon urukikɔt, mbufo emi ediɔkde ekeme didie nditiŋ nti ŋkpɔ? Koro oto ke uyɔhɔ esit ke inua osio etiŋ.

MATTHEW 15:19

Koro mme idiɔk ekikere eto ke esit ewɔŋɔ, ye obom, ye efibe, ye use, ye inɔ, ye ikɔntiense nsu, ye isuŋi.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

ŊWED MBON ROME 3:13

Odudu itɔŋ mmɔ edi ana-iŋwaŋ udi: mmɔ eda edeme mmɔ ebiaŋa abiaŋa Ifɔt ibɔm odu mmɔ ke idak mkpɔk-inua:

ŊWED MBON COLOSSAE 1:19

Koro ofuri uyɔhɔ Abasi onyime ndiduŋ enye ke idem,

ŊWED MBON COLOSSAE 2:9

Koro ofuri Uyɔhɔ Abasi ke ododuŋ Enye ke idem; mbufo enyuŋ enyene uyɔhɔ mbufo ke Enye;

MME HEBREW 9:2

Koro ekewuk Ataya, akpa Ataya, emi uwuk-utuenikaŋ, ye okpokoro, ye uyo-iso-Abasi edude ke esit: emi ekerede Edisana Ebiet.

MME HEBREW 9:24

Koro Christ ikebehe iduk ke edisana ebiet emi edade ubɔk enam, emi onyuŋ edide mbiet ata Edisana Ebiet; edi ebe oduk ke ata heaven, man Enye ada ke iso Abasi ke emi kabaŋa nnyin.

ERIYARARE 11:12

Ndien mmɔ ekop ɔkpɔsɔŋ uyo otode ke enyɔŋ ɔdɔhɔ mmɔ ete, Edɔk edi ken. Mmɔ enyuŋ esaŋa ke obubit enyɔŋ edɔk eduk ke heaven, mme asua mmɔ enyuŋ ekut mmɔ.

ERIYARARE 12:12

Ntre edara, O mme heaven, ye mbufo emi eduŋɔde ke esit. Mbɔm isɔŋ ye inyaŋ, Koro andidori ikɔt Abasi ikɔ ama ɔsuhɔre etiene mbufo; Enye asaŋa ye akwa ifuresit, sia enye ɔdiɔŋɔde ete ini imɔ edi ibio.

ERIYARARE 15:5

Ke ŋkpɔ emi ema ekebe, ŋkut, ndien eberere esit-esit ubet efe ntiense emi odude ke heaven;

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.

ERIYARARE 21:3

Ndien ŋkop ɔkpɔsɔŋ uyo nte otode ke ebekpo ɔwɔrɔ ete, Sese, ebiet iduŋ Abasi omodu ye owo. Enye eyenyuŋ oduŋ ye mmɔ; ndien mmɔ eyedi ikɔt Esie, Abasi ke Idem Esie eyenyuŋ odu ye mmɔ, onyuŋ edi Abasi mmɔ.

ERIYARARE 4:1

KE ŋkpɔ emi ema ekebe, ŋkut, ndien sese, inua-otop eberere ke heaven; ndien akpa uyo eke ŋkokopde, nte ukorowo osiorode uyo ke utɔŋ mi, ete, Dɔk di ken, ndien nyewut fi se idisude ke ini emi edidide.

ERIYARARE 4:4

Ebekpo edip ye inaŋ enyuŋ ekan ebekpo oro ekuk; ndien ke mme ebekpo oro mbiowo edip ye inaŋ etie, esine mfia ɔfɔŋidem, enyuŋ eyara anyanya o-gold ke ibuot mmɔ.

ERIYARARE 5:13

Ndien ŋkop kpukpru ŋkpɔ emi ekebotde, emi edude ke heaven, ye ke isɔŋ, ye ke idak isɔŋ, ye ke inyaŋ, ye kpukpru ŋkpɔ eke edude mmɔ ke esit, nte edɔhɔde ete, Yak eridiɔŋ, ye ukpono, ye ubɔŋ, ye erikara ofuri ekondo, enyene Enye emi etiede ke ebekpo, enyuŋ enyene Eyen-erɔŋ ke nsinsi-nsinsi.

ERIYARARE 7:15

Mmɔdo mmɔ edude ke iso ebekpo Abasi; enyuŋ enam ŋkpɔ enɔ Enye uwemeyo ye okoneyo ke temple Esie: ndien Enye emi etiede ke ebekpo eyetat ataya Esie ofuk mmɔ.

ERIYARARE 7:9

Ke ŋkpɔ emi ema ekebe, ŋkut, ndien sese, akwa otu owo, eke baba owo kiet mikemeke ndibat, eke etode ke kpukpru obio ye esien ye idut ye usem eda ke iso ebekpo ye ke iso Eyen-erɔŋ, esine mfia ɔfɔŋidem, enyuŋ ekama ndak eyop ke ubɔk;