ERIYARARE 13:16 - Edisana ñwed Abasi Ibom

¹⁶ Enye onyuŋ anam kpukpru owo, ŋkpri ye ikpɔ, ye mbɔŋ ye mme ubuene, ye nditɔ-isɔŋ ye ifin, ete enɔ mmɔ idiɔŋɔ ke ubɔk nnasia, mme ke ɔkpɔ-iso;

ERIYARARE 13:16 ပူးပေါင်းရင်းမြစ်များ

2 CHRONICLES 15:13

ndien kpukpru owo eke midiyomke Jehovah Abasi Israel eyekpa, edide ekpri, onyuŋ edide akamba, edide eren-owo, onyuŋ edide ŋwan.

ŊWED JOB 34:19

Man ɔdɔhɔ enye emi miteŋeke mbɔŋ enyin, minyuŋ isehe mbon inyene ikan ubuene: koro edi ubɔk esie akanam kpukpru.

ŊWED MME PSALM 115:13

Eyediɔŋ mmɔ eke ebakde Jehovah, ye ŋkpri ye ikpɔ.

ŊWED MME PSALM 49:2

ekpaŋ utɔŋ: nditɔ ifin ye nditɔ owo ŋko, ye mbɔŋ ye mme ubuene.

EXODUS 13:9

Ndien enye eyedu fi ke ubɔk nte idiɔŋɔ fo, eyenyuŋ odu fi ke ufɔt enyin, nte ŋkpɔ eke edade eti, man mbet Jehovah okpodu fi ke inua: koro Jehovah adade ɔkpɔsɔŋ ubɔk osio fi ke Egypt.

EZEKIEL 9:4

Ndien Jehovah ɔdɔhɔ enye, ete, Saŋa ke ufɔt obio, ke ufɔt Jerusalem be; nyuŋ nim idiɔŋɔ ke ɔkpɔ-iso mmɔ eke esemede enyuŋ etuade ebaŋa kpukpru mbubiam ido emi mmɔ enamde ke ufɔt esie.

ZECHARIAH 13:6

Ndien owo eyebup enye, ete, Nsidi mme unan emi ke ubɔk fo? Ndien enye eyebɔrɔ ete, Edi se ŋkadade ke ufɔk mme ufan mi.

UTOM MME APOSTLE 26:22

Edi sia nnyenede erinyaŋa ke ubɔk Abasi, ndu uwem tutu osim mfin, ntiŋ ikɔ nte ntiense nnɔ ŋkpri ye ikpɔ owo, ntiŋke baba ŋkpɔ kiet, ibɔhɔke se mme prophet ye Moses ekɔdɔhɔde ete eyetibe:

1 ŊWED CORINTH 12:13

Koro ke Spirit kiet ke ema enim kpukpru nnyin baptism esin ke ikpɔhidem kiet, ye idide Jew inyuŋ idide Greek, idide ifin inyuŋ idide nditɔ: ema enyuŋ enam kpukpru nnyin iŋwɔŋ Spirit kiet isin ke idem.

ŊWED MBON GALATIA 3:28

Jew ye Greek ikemeke ndidu, ofin ye eyen-isɔŋ ikemeke ndidu, erenowo ye ŋwan inyuŋ ikemeke ndidu; koro kpukpru mbufo edi kiet ke Christ Jesus.

ŊWED MBON GALATIA 6:17

Ɔtɔŋɔde ke emi baba owo kiet okutimere mi, koro mbiomde idiɔŋɔ Jesus ke idem nsaŋa.

ŊWED MBON EPHESUS 6:8

Koro mbufo efiɔkde ete eti ŋkpɔ ekededi eke owo anamde, kpa oro ke enye editɔŋɔ ntak ɔbɔ ke ubɔk Ɔbɔŋ, ye enye edide ofin ye enye edide eyen-isɔŋ.

DEUTERONOMY 11:18

Mbufo eda ndien ikɔ emi esin ke esit mbufo, ye ke ukpɔŋ mbufo, enyuŋ etebe mmɔ edian ke ubɔk mbufo nte idiɔŋɔ, yak mmɔ enyuŋ ena mbufo ke ufɔt enyin ke ŋkpɔ ɔkpɔ-iso.

DEUTERONOMY 6:8

Nyuŋ yiri mmɔ ke ubɔk fo man edi idiɔŋɔ, yak enyuŋ edu fi ke ufɔt enyin nte frontlet.

ŊWED MBON COLOSSAE 3:11

emi Greek mme Jew, mme ana mbobi me owo eke minaŋa mbobi, mme owo esit ikɔt, mme owo Scyntia, mme ofin mme eyen-isɔŋ miduhe ke enye, edi Christ edi kpukpru ŋkpɔ onyuŋ odu ke kpukpru ŋkpɔ.

2 ŊWED TIMOTHY 3:8

Nte Jannes ye Jambres ekaŋwanade ye Moses, kpasuk ntre ke mbon emi eŋwana ye akpanikɔ; mmɔ edi owo eke esit mmɔ ama akabiara, mmɔ ewɔrɔ obukpo ke uwem mbuɔtidem.

ERIYARARE 11:18

Mme idut ekeyat esit ndien iyaresit Fo ama edi. Ndien ekem ini nte ekpede ikpe mme akpa-mkpa, enyuŋ enɔde ikɔt Fo mme prophet utip mmɔ, enyuŋ enɔde nti owo eke mmɔ ye mmɔ emi eteŋede enyiŋ Fo, ŋkpri ye ikpɔ; nte enyuŋ esobode mmɔ emi esobode isɔŋ.

ERIYARARE 15:2

Ekem ŋkut se ibietde inyaŋ glass emi abuahade ye ikaŋ; ye mmɔ emi ekekande ebɔhɔ unam oro ye mbiet esie ye ibat enyiŋ esie, nte edade ke mben inyaŋ glass oro, ye harp Abasi ke ubɔk mmɔ.

ERIYARARE 19:18

man eta obuk ndidem, ye obuk mme etubom-ekɔŋ, ye obuk mkpɔsɔŋ owo, ye obuk enaŋ-mbakara, ye eke mme andidoro mmɔ ke edem, ye obuk kpukpru owo, nditɔ ye ifin, ŋkpri ye ikpɔ.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.

ERIYARARE 19:5

Uyo onyuŋ oto ke ebekpo ɔwɔrɔ ete, Etoro Abasi nnyin, kpukpru mbufo ikɔt Esie, Emi eteŋede Enye, ŋkpri ye ikpo.

ERIYARARE 20:12

Ndien ŋkut mme akpa-mkpa, ikpɔ ye ŋkpri, nte edade ke iso ebekpo. Ndien ekibɔre mme ŋwed; enyuŋ ekibɔre mme ŋwed mme ŋwed eŋwen, emi edide ŋwed uwem; enyuŋ eda se ewetde esin ke ŋwed oro ekpe ikpe mme akpa-mkpa, nte ekemde ye se mmɔ ekenamde.

ERIYARARE 20:4

Ekem ŋkut mme ebekpo, owo enyuŋ etie ke esit, enyuŋ eyak ubiere ikpe esin mmɔ ke ubɔk; ye mme ukpɔŋ owo oro ekebigide mmɔ ibuot ke ntak ikɔ ntiense Jesus ye ikɔ Abasi, ye kpukpru mmɔ emi mikatuakke ibuot inɔ unam oro ye mbiet esie, mikonyuŋ ibɔhɔ idiɔŋɔ ke ɔkpɔ-iso ye ke ubɔk mmɔ; mmɔ enyuŋ edu uwem, enyuŋ eda ubɔŋ ye Christ ke tɔsin isua.

ERIYARARE 6:15

Ndien ndidem isɔŋ, ye mbɔŋ, ye ikpɔ mme etubom ekɔŋ, ye mbon inyene, ye mkpɔsɔŋ owo, ye kpukpru ifin ye nditɔ-isɔŋ edibe ke mme aba ye ke ikpɔ itiat emi edude ke ikpɔ obot;

ERIYARARE 7:3

Ekubiat obot ye inyaŋ ye mme eto tutu idifik ikɔt Abasi nnyin idiɔŋɔ ke ɔkpɔ-iso mmɔ.