ERIYARARE 13:10 - Edisana ñwed Abasi Ibom

¹⁰ Edieke ekenimde enɔ owo ndidi ibuot-ekɔŋ, enye eyedi ibuot-ekɔŋ; edieke owo owotde owo ke ofut, eyeda ofut ewot enye. Edi mi ke ime ye mbuɔtidem ikɔt Abasi ewut idem.

ERIYARARE 13:10 ပူးပေါင်းရင်းမြစ်များ

ISAIAH 14:2

Ndien mbio-obio eyemen mmɔ eda edi ke ebiet mmɔ: ufɔk Israel eyenyuŋ ada mmɔ enyene ke isɔŋ Jehovah, onim ke ifin iren ye ifin iban: ntre ke mmɔ editaŋ mme mmɔ emi eketaŋde mmɔ efep; enyuŋ ekara mme mmɔ emi eketukde mmɔ.

ISAIAH 26:21

Koro, sese, Jehovah ɔmɔŋ oto ke ebiet esiemɔ ɔwɔrɔ, ete inɔ ererimbot ufen ibaŋa mme idiɔk ido mmɔ: ndien isɔŋ eyeyarare iyip esie, idinyuŋ ifukke aba nditɔ esie emi ekpaŋade afai.

ISAIAH 33:1

IFƆNKE fɔn inɔ fi emi obumede, ndien mibumeke fi; emi onyuŋ owode ŋwo, ndien miwoho ŋwo ye afo! ke ini afo etrede ndibume eyebume fi; ama onyuŋ owo ŋwo ama, eyewo ŋwo ye afo.

JEREMIAH 15:2

Ndien ama ekem, ke mmɔ edidɔhɔde fi, ete, Nnyin idiwɔŋɔ ika mmɔŋ? Dɔhɔ mmɔ ndien, ete, Ntem ke Jehovah ɔdɔhɔ, ete, Mmɔ emi enimde mmɔ enɔ mkpa, ewɔŋɔ eka mkpa, ye mmɔ emi enimde mmɔ enɔ ofut, ewɔŋɔ eka ofut, ye mmɔ eke akaŋ eka akaŋ, ye mmɔ eke ntaŋ-mfep, yak etaŋ mmɔ efep.

JEREMIAH 43:11

Ndien enye eyedi edisuan isɔŋ Egypt, ada eke mkpa ɔnɔ mkpa; ataŋ eke ntaŋ-mfep efep, ada eke ofut ɔnɔ ofut.

ŊWED ESEME 3:26

Ɔfɔn ndidori enyin, nnyuŋ ntie ndop mbet erinyaŋa Jehovah.

HABAKKUK 2:3

Koro ŋkukut anade kaŋa ɔnɔ ini emi enimde; ndien enye eyesioro uyo ke utit, idinyuŋ isuhɔ nsu: enye ama ebigi, bet enye; koro enye miditreke ndidi, midinyuŋ ibehe ini.

MATTHEW 26:52

Jesus ɔdɔhɔ enye ete, Sin ofut fo ke efɔk: koro kpukpru owo eke emende ofut eyekpaŋa ke ofut.

MATTHEW 7:2

Koro nte mbufo esioŋode owo ndo, kpa ntre ke edisioŋo mbufo ndo. Ndien udomo eke mbufo edade edomo, ke edida edomo enɔ mbufo.

LUKE 21:19

Edida erime ime ke ukut ebɔ ukpɔŋ mbufo eda enyene.

ŊWED MBON COLOSSAE 1:11

Abasi akpakam onyuŋ ada kpukpru odudu Esie ɔsɔŋɔ mbufo idem, nte asaŋade ekekem ye ukeme ubɔŋ Esie, man mbufo ekeme ndibiom kpukpru ŋkpɔ nnyuŋ mme anyan ime ye idaresit;

MME HEBREW 6:12

man mbufo ekukop ifem, edi edi mendikpebe mmɔ emi ekesaŋade ke mbuɔtidem ye ime ebɔ mme uŋwɔŋɔ Abasi enyene.

ERIYARARE 1:9

Ami John, eyen-ete mbufo, emi mbuanade ye mbufo ke ukut ye Obio Ubɔŋ ye ime eke edude ke Jesus, ŋkodu ke isuo emi ekerede Patmos, ke ntak ikɔ Abasi, ye ikɔ-ntiense mbaŋa Jesus.

ERIYARARE 11:18

Mme idut ekeyat esit ndien iyaresit Fo ama edi. Ndien ekem ini nte ekpede ikpe mme akpa-mkpa, enyuŋ enɔde ikɔt Fo mme prophet utip mmɔ, enyuŋ enɔde nti owo eke mmɔ ye mmɔ emi eteŋede enyiŋ Fo, ŋkpri ye ikpɔ; nte enyuŋ esobode mmɔ emi esobode isɔŋ.

ERIYARARE 14:12

Mi ke ekut ime nti ikɔt Abasi, kpa mmɔ emi enimde mbet Abasi, enyuŋ ebuɔtde idem ye Jesus.

ERIYARARE 16:6

koro owo ema eduɔk iyip nti ikɔt Fo ye mme prophet Fo; ndien Afo omonyuŋ ɔnɔ mmɔ iyip eŋwɔŋ: mmɔ edot ufen emi.

ERIYARARE 17:11

Ama edi unam emi ama odu, minyuŋ iduhe aba, enye edi ɔyɔhɔ itiaita; enye onyuŋ edi kiet ke otu itiaba oro; ndien aka nsobo.

ERIYARARE 17:8

Unam oro okutde ama odu, inyuŋ iduhe; edi ɔmɔŋ edito ke akwa ukpe ɔdɔk edi, onyuŋ ebe oduk ke nsobo. Idem eyekpa kpukpru mme andiduŋ ke isɔŋ, kpukpru mmɔ eke mikewetke enyiŋ mmɔ isin ke ŋwed uwem toto nte ekebotde ererimbot, ke ini mmɔ esede unam oro, ete ama odu, inyuŋ iduhe, edi ɔmɔŋ edidu mi.

ERIYARARE 2:19

Mmɔfiɔk mme utom fo, ima ye mbuɔtidem fo, ye se anamde ɔnɔ Mi, ye anyan ime fo; mmonyuŋ mfiɔk nte ukperedem utom fo okpon akan akpa.

ERIYARARE 2:2

Mmɔfiɔk mme utom fo, ye ɔkpɔsɔŋ eŋwan, ye ime fo; mmonyuŋ mfiɔk nte ukemeke ndibiom mme idiɔk owo, okonyuŋ odomo mmɔ emi ekotde idem mme apostle, ndien midige, okonyuŋ ayarare ɔfiɔk ete mmɔ edi mme osu-nsu;

ERIYARARE 3:10

Sia ama ekekpeme uyo anyan ime Mi, Ami nyenyuŋ ŋkpeme fi ke ini idomo, emi ɔmɔŋ edisim ofuri ererimbot, ndidomo mmɔ emi eduŋde ke isɔŋ.

ERIYARARE 3:3

Ti ndien usuŋ nte akasaŋade ɔbɔ enyene, ye adaŋa nte okokopde, nyuŋ kpeme, nyuŋ kabare esit. Edieke mudu-kpemeke, nyedi nte inɔ, ndien udufiɔkke ini eke ndibuatde fi.