ERIYARARE 12:12 - Edisana ñwed Abasi Ibom

¹² Ntre edara, O mme heaven, ye mbufo emi eduŋɔde ke esit. Mbɔm isɔŋ ye inyaŋ, Koro andidori ikɔt Abasi ikɔ ama ɔsuhɔre etiene mbufo; Enye asaŋa ye akwa ifuresit, sia enye ɔdiɔŋɔde ete ini imɔ edi ibio.

ERIYARARE 12:12 ပူးပေါင်းရင်းမြစ်များ

ISAIAH 44:23

O enyɔŋ, mbufo ekwɔ: koro Jehovah amanam: isɔŋ ke idak, sio mkpo: ikpɔ obot, mbufo ebumere ekwɔ; mbufo, akai ye kpukpru eto emi edude ke esit: koro Jehovah afakde Jacob, eyenyuŋ ada ubɔŋ ke Israel.

ISAIAH 49:13

Mbufo enyɔŋ, ekwɔ; isɔŋ, nyuŋ dara; mbufo ikpɔ obot ebumere ekwɔ: koro Jehovah ɔdɔŋde ikɔt esiemɔ esit, eyenyuŋ atua ikɔt esie emi etuhɔde, mbɔm.

LUKE 15:10

Ndɔhɔ mbufo nte, Kpasuk ntre ke idara odu ke iso mme angel Abasi abaŋa owo kiet emi akabarede esit.

LUKE 2:14

Uboŋ enyene Abasi ke ata enyɔŋ. Emem onyuŋ odu ke isɔŋ ke otu owo emi Enye enende iso ye mmɔ.

MME HEBREW 10:37

Koro osuk ata ekpri esisit, Ndien Enye emi edide eyedi, idinyuŋ ibigike.

2 PETER 3:8

Edi ekufre ŋkpɔ kiet emi, ndima, ete, ke enyin Ɔbɔŋ usen kiet etie nte thousand isua, thousand isua enyuŋ etie nte usen kiet.

ERIYARARE 10:6

onyuŋ otomo Enye emi odude ke nsinsi, emi okobotde enyɔŋ ye se idude ke esit, ye isɔŋ ye se idude ke esit, ye inyaŋ ye se idude ke esit, ete ini idibihike aba;

ERIYARARE 11:10

Ndien mme andiduŋ ke isɔŋ edat esit ebaŋa mmɔ, enyuŋ enam idara, enyuŋ enɔ enɔ esɔk kiet eken, koro mme prophet iba oro ekɔtuhɔrede mme andiduŋ ke isɔŋ.

ERIYARARE 11:14

Udiana ŋkpɔ-nnam ama ebe; sese, ɔyɔhɔ ŋkpɔ-nnam ita ɔmɔŋ edidi.

ERIYARARE 12:9

Ndien esio akwa dragon eduɔk ke isɔŋ, kpa akani urukikɔt oro ekotde enye ete, andidori ikɔt Abasi ikɔ ye Satan, andibiaŋa ofuri ererimbot; esio enye eduɔk ke isɔŋ, enyuŋ esioŋo mme angel esie eduɔŋɔ ye enye.

ERIYARARE 13:6

Ndien enye atat inua osuŋi Abasi, man osuŋi enyiŋ Esie, ye ebiet iduŋ Esie, kpa mmɔ emi eduŋde ke heaven.

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.

ERIYARARE 8:13

Ndien ŋkut, nnyuŋ ŋkop nte ntrukpom, eke efede ke ufɔt-iba enyɔŋ ɔdɔhɔ ke ɔkpɔsɔŋ uyo ete, Mbɔm, mbɔm, mbɔm ɔnɔ mme andiduŋ ke isɔŋ, ke ntak mme uyo ukorowo efen eke mme angel ita eken edifride.

ERIYARARE 9:12

Ŋkpɔ-nnam kiet ama ebe; sese, ŋkpɔ-nnam iba efen ededi ke edem.