ERIYARARE 11:8 - Edisana ñwed Abasi Ibom

⁸ Okpo mmɔ eyenyuŋ ena ke efak akwa obio oro esiode enye enyiŋ Sodom ye Egypt ke usem spirit, kpa obio oro Ɔbɔŋ mmɔ nde ɔkɔkɔŋɔde ke cross ke esit.

ERIYARARE 11:8 ပူးပေါင်းရင်းမြစ်များ

GENESIS 13:13

Ndien nditɔ Sodom edediɔk, mmɔ edue Jehovah eti eti.

GENESIS 19:24

Ndien Jehovah anam brimstone ye ikaŋ oto Jehovah ke enyɔŋ edep ke Sodom ye Gomorrah:

EXODUS 20:2

Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

EXODUS 3:7

Ndien Jehovah ɔdɔhɔ ete, Mmotim ŋkut ukut ikɔt mi emi edude ke Egypt, mmonyuŋ ŋkop eseme mmɔ ebaŋa mme otuk mmɔ; koro mfiɔkde ubiak mmɔ;

ISAIAH 3:9

Ŋwud-iso mmɔ ɔbɔrɔ abaŋa mmɔ; mmɔ enyuŋ eyarare idiɔk ido mmɔ nte eke Sodom, idipke. Ifɔnke fɔn inɔ ukpɔŋ mmɔ! koro mmɔ enamde idem mmɔ idiɔk.

JEREMIAH 23:14

ndien ŋkut ata ŋkpɔ ndidien ke mme prophet Jerusalem; ke esin efibe, ke esaŋa ke nsu; mmɔ enyuŋ esɔŋɔ mme idiɔk owo ubɔk, ndien owo ndomo kiet ikabakede ikpɔŋ idiɔk ido esie; kpukpru mmɔ etie ye ami nte Sodom, mme andiduŋ enye enyuŋ ebiet Gomorrah.

JEREMIAH 26:23

Ndien mmɔ eda Uriah ke Egypt esio, enyuŋ emen enye esɔk edidem Jehoiakim; ndien enye owot enye ke ofut, onyuŋ emen okpo esie ɔduɔk esin ke udi mbio-obio.

EZEKIEL 16:46

Ndien akamba eyen-uka edi Samaria, ye nditɔ-iban esie emi eduŋde fi ke ubɔk ufien: ndien eyen-uka emi ekpride akan fi, onyuŋ oduŋde fi ke ubɔk nnasia, edi Sodom ye nditɔ-iban esie.

EZEKIEL 16:49

Sese, emi ekedi idiɔk ido Sodom eyen-uka, iseri, ke uyuhɔ udia, ye ata ifure ekenyene enye ye nditɔ-iban esie, ndien enye isɔŋke eyen ukut ye ubuene ubɔk.

EZEKIEL 23:19

Ndien enye ɔdɔdiɔŋ anam ediwak use, onyuŋ eti usen uyen esie, emi enye akanamde use ke isɔŋ Egypt.

EZEKIEL 23:27

Ndien nyanam oburobut ido fo etre ke idem fo, nnam use fo emi otode isɔŋ Egypt etre, ndien afo udumenekede enyin fo use mmɔ, udunyuŋ utihi aba Egypt.

EZEKIEL 23:3

ndien mmɔ ekenam use ke Egypt; ekenam use ke ini uyen mmɔ: do ke ekefik mmɔ eba, do ŋko ke ekenuak mmɔ eba uyen.

EZEKIEL 23:8

Enye inyuŋ ikpɔŋke use esie oro otode ke Egypt: koro mmɔ efiɔkde enye ke uyen esie, mmɔ oro enyuŋ enuak enye eba uyen, enyuŋ eŋwaŋa enye use mmɔ ke idem.

EZEKIEL 37:11

Ndien enye ɔdɔhɔ mi, ete, Eyen owo, mme ɔkpɔ emi edi ofuri ufɔk Israel. Sese, mmɔ ke edɔhɔ ete, Mme ɔkpɔ nnyin emesat, idorienyin nnyin omonyuŋ atak: emesibe nnyin efep.

AMOS 4:11

Ami nyut ndusuk mbufo ŋkabare nnim, kpasuk nte Abasi okoyutde Sodom ye Gomorrah, mbufo enyuŋ ekabare ebiet ifia eke edabarede ke ikaŋ: edi mbufo ifiakke edem itiene mi; uyo Jehovah edi emi.

MATTHEW 10:15

Ke akpanikɔ ke ndɔhɔ mbufo, Ŋkpɔ eyefɔn ye isɔŋ Sodom ye Gomorrah ke usen ikpe akan ye obio oro.

UTOM MME APOSTLE 9:4

ndien enye ɔduɔ ke isɔŋ, onyuŋ okop uyo nte ɔdɔhɔde ete, Saul, Saul, nsinam afo ɔkɔbɔde Mi?

MME HEBREW 13:12

Mmɔdo Jesus ŋko akakpade ke edem inua-otop obio, man Enye anam mbio-obio esana ke iyip Esiemɔ.

MME HEBREW 6:6

ye mme odudu ererimbot emi edidide, ndien ekem mmɔ edifiak edem; ɔsɔŋ nte owo mikemeke ndikpuhɔre mmɔ ntɔŋɔ ntak nnam mmɔ ekabare esit; sia mmɔ etɔŋɔde ntak ewot Eyen Abasi ke cross enɔ idem mmɔ enyuŋ esuenede Enye ke aŋwa.

2 PETER 2:6

edieke Enye onyuŋ ɔfɔpde mme obio Sodom ye Gomorrah ekabare ntɔŋ, ke ini Enye adade nsobo obiom mmɔ ikpe onyuŋ anamde mmɔ edi uwut-ŋkpɔ ɔnɔ mmɔ eke midibakke Abasi;

JUDE 1:7

Kpasuk ntre ŋko ke Enye ama osio Sodom ye Gomorrah ye ŋkpet-ŋkpet obio eken, emi ekonyuŋ etienede mmɔ esin idem ke use ye ido eke mikemke, onim nte uwut-ŋkpɔ, mmɔ enyuŋ ekut ufen nsinsi ikaŋ.

ERIYARARE 11:13

Ke idem ini oro akwa unyek-isɔŋ otibe, ubak obio kiet ke itie duop onyuŋ ɔduɔ; thousand owo itiaba enyuŋ ekpaŋa ke unyek-isɔŋ oro. Ndien mmɔ eke esuhɔde ekabare edikhe eti-eti, enyuŋ eyak ubɔŋ enɔ Abasi heaven.

ERIYARARE 11:9

Mme owo eto ke kpukpru obio ye esien ye usem ye idut edi edise okpo mmɔ ke usen ita ye ubak, inyuŋ iyakke ebuk okpo mmɔ ke udi.

ERIYARARE 14:20

Ndien edigi mmɔ ke obube udigi-wine ke edem obio; iyip onyuŋ ɔwɔrɔ ke obube udigi-wine ɔdɔk okosim ke ukpaha-inua enaŋ-mbakara, onyuŋ ɔfiɔrɔ osim thousand furlong kiet ye ikie itiokiet.

ERIYARARE 14:8

Ekem angel eŋwen, emi edide udiana-akpa, etiene ke edem, ɔdɔhɔ ete, Babylon, akwa obio oro, ɔmɔduɔ, ɔmɔduɔ, emi akanamde kpukpru mme idut eŋwɔŋ wine ifuresit use esie.

ERIYARARE 16:19

Unyek-isɔŋ oro okpon, onyuŋ ɔsɔŋ eti-eti. Akwa obio onyuŋ abahare ke mbak ita, mme obio eke mme idut enyuŋ ewure. Ndien Abasi eti akwa obio Babylon, ete inɔ enye cup wine ikaŋ-ikaŋ iyaresit Imɔ.

ERIYARARE 17:1

EKEM angel kiet ke otu mme angel itiaba oro enyenede eso itiaba edi edidɔhɔ mi ete, Di ken; nyewut fi ubiom-ikpe akamba akpara oro etiede ke enyɔŋ ediwak mmɔŋ;

ERIYARARE 17:18

Ndien ŋwan oro okokutde edi akwa obio eke akarade ndidem isɔŋ.

ERIYARARE 17:5

Enyuŋ ewet enyiŋ ke ɔkpɔ-iso esie, ndibe ikɔ emi ɔwɔrɔde ete, AKWA BABYLON! EKA MME AKPARA YE MBUBIAM IDO EKE EDUDE KE ISƆŊ.

ERIYARARE 18:10

Mbɔm, mbɔm, akwa obio, ɔkpɔsɔŋ obio Babylon! koro ke hour kiet ubiom-ikpe akabuat fi.

ERIYARARE 18:18

eda nsan-nsan ese nsuŋ-ikaŋ emi enye ɔfɔbɔde ke esit, efiori ete, Ewe obio etie nte akwa obio?

ERIYARARE 18:2

Ndien enye ofiori ke ɔkpɔsɔŋ uyo ete, Akwa Babylon ɔmɔduɔ, ɔmɔduɔ, omonyuŋ akabare edi iduŋ mme demon, ye itie udibe kpukpru spirit ndek, ye itie-udibe kpukpru ndidehe inuen eke owo esuade:

ERIYARARE 18:21

Ekem ŋkpɔsɔŋ angel emen itiat emi etiede nte akwa itiat ukɔk-ibokpot, ɔduɔk ke inyaŋ, onyuŋ ɔdɔhɔ ete, Ntem ke edisio akwa obio Babylon eduɔk ke ɔkpɔsɔŋ iduɔ, ndien idikwe enye aba.

ERIYARARE 18:24

ndien ke obio emi ema ekut iyip mme prophet ye nti ikɔt Abasi, ye iyip kpukpru mmɔ emi owo ekewotde ke isɔŋ.