ERIYARARE 11:7 - Edisana ñwed Abasi Ibom

⁷ Ke ini mmɔ edimade ikɔ mmɔ nte ntiense, unam emi otode ke akwa udem ɔwɔrɔ ɔdɔk edi, eyeŋwana ekɔŋ ye mmɔ, onyuŋ akan mmɔ, onyuŋ owot mmɔ.

ERIYARARE 11:7 ပူးပေါင်းရင်းမြစ်များ

DANIEL 7:25

Ndien enye eyetiŋ ikɔ abaŋa Ata Edikoŋ, onyuŋ osobo edisana ikɔt Ata Edikoŋ; onyuŋ ekere ndikpuhɔre ini ye mme ewuhɔ: ndien eyeda mmɔ esin enye ke ubɔk tutu ekem ke ini ye ini iba ye ubak ini.

LUKE 13:32

Edi Enye ɔdɔhɔ mmɔ ete, Eka ekɔdɔhɔ ebua-ikɔt oro ete, Sese, mmebin demon nduɔk, nnyuŋ nnam udɔŋɔ ekure mfin ye mkpɔŋ, ndien ke ɔyɔhɔ usen ita eyenam Mi mfɔn mma.

LUKE 8:31

Ndien mme demon ebeŋe Enye ete Enye okudɔhɔ mme imɔ iwɔŋɔ ikoduk ke ukpe ndutuhɔ.

JOHN 17:4

Ami mma nnɔ Fi ubɔŋ ke isɔŋ, ke emi ŋkanamde utom eke Afo ɔkɔnɔde Mi nnam.

JOHN 19:30

Ndien ke adaŋemi Jesus ɔbɔde vinegar, Enye ete, Okure: ndien onuk ibuot, onyuŋ ayak ukpɔŋ Esie.

UTOM MME APOSTLE 20:24

Edi mbatke uwem mi ke ŋkpɔ, man ŋkeme ndifehe mbuba mi mma, nnyuŋ nnam utom oro Ɔbɔŋ Jesus ɔnɔde mi, ete ŋkwɔrɔ gospel mfɔn Abasi.

2 ŊWED TIMOTHY 4:7

Mma ŋŋwana eti eŋwan, mma mfehe mbuba mi mma, mma nsɔŋɔ mmum mbuɔtidem ŋkama.

ERIYARARE 11:3

Nyenyuŋ mmen odudu nnɔ ntiense Mi iba, ndien mmɔ eyesine ɔfɔŋ-ikpo etiŋ nte prophet ke thousand usen kiet ye usen ikie iba ye ata.

ERIYARARE 12:17

Ndien dragon ayat esit ye ŋwan, onyuŋ adaha ndiŋwana ekɔŋ ye nditɔ esie emi esuhɔde emi enimde mme item Abasi, enyuŋ eyirede emum ikɔ-ntiense Jesus ekama.

ERIYARARE 13:11

Ekem ŋkut unam eŋwen otode ke isɔŋ ɔwɔrɔ; enye enyene nduk iba nte eyen-erɔŋ, edi etiŋ nte dragon.

ERIYARARE 13:7

Ndien enɔ enye ndiŋwana eŋwan ye ikɔt Abasi, ndinyuŋ ŋkan mmɔ; enyuŋ enɔ enye nsɔŋ-uyo ndikara kpukpru esien ye obio ye usem ye idut.