ERIYARARE 11:18 - Edisana ñwed Abasi Ibom

¹⁸ Mme idut ekeyat esit ndien iyaresit Fo ama edi. Ndien ekem ini nte ekpede ikpe mme akpa-mkpa, enyuŋ enɔde ikɔt Fo mme prophet utip mmɔ, enyuŋ enɔde nti owo eke mmɔ ye mmɔ emi eteŋede enyiŋ Fo, ŋkpri ye ikpɔ; nte enyuŋ esobode mmɔ emi esobode isɔŋ.

ERIYARARE 11:18 ပူးပေါင်းရင်းမြစ်များ

ŊWED MME PSALM 103:11

Koro adaŋa nte enyɔŋ okoŋde akan isɔŋ, kpa ntre ke ima esie okpon ye mmɔ eke ebakde enye.

ŊWED MME PSALM 110:5

Ɔbɔŋ emi odude fi ke ubɔk nnasia, asuan ndidem ke usen iyaresit esie.

ŊWED MME PSALM 147:11

Mmɔ eke ebakde Jehovah, ye mmɔ eke edoride enyin ke ima esie, enem enye esit.

ŊWED MME PSALM 2:5

Ndien enye ɔdɔhɔ ye mmɔ ke iyaresit esie, onyuŋ ada ikaŋ ifuresit esie esin mmɔ ndik.

ŊWED MME PSALM 85:9

Erinyaŋa esie emekpere mmɔ eke ebakde enye ikpɔŋ-ikpɔŋ, man ubɔŋ oduŋ ke edem nnyin.

ECCLESIASTES 12:13

Yak nnyin ikop utit ofuri ŋkpɔ emi: bak Abasi, nyuŋ nim mbet esie: koro emi edi eke kpukpru owo.

ECCLESIASTES 8:12

Yak edi nte idiɔk owo anamde idiɔk ido utim ikikie, onyuŋ ebigi anyan uwem, edi ami mmotim mfiɔk nte ke edifɔn ye mmɔ eke ebakde Abasi, eke ebakde enye ke iso:

DANIEL 11:44

Ndien etop emi editode ke edem usiaha-utin, ye ke edem edere eyetimere enye; ndien enye eyewɔrɔ ke akwa ifuresit, ete isuan inyuŋ isobo ediwak owo fap.

DANIEL 7:26

Ndien mmɔ eyenim ikpe, enyuŋ ebɔ enye ubɔŋ esie, enyuŋ esobo enye, enyuŋ ebiat enye tutu osim akpatre.

DANIEL 8:25

Ndien oto ke ŋkari esie enye eyenam ŋkari aka iso ke ubɔk esie; eyenyuŋ okok idem ke esit esie, onyuŋ abiat ediwak owo ke ndueidem mmɔ; onyuŋ adaha ke enyɔŋ aŋwana ye ɔbɔŋ mbɔŋ; ndien eyebom enye, idige ke ubɔk.

MATTHEW 5:12

Edaresit, edara eti-eti: koro utip mbufo ke Heaven omokpon: koro kpa ntre ke mmɔ ekanam mme prophet emi ebemde mbufo iso edu isin enyin.

LUKE 1:50

Mbɔm Esie onyuŋ ana ɔnɔ kpukpru emana, Ɔnɔ mmɔ emi ebakde Enye.

MME HEBREW 9:27

Ndien kpa nte ema enim enɔ owo ndikpa ini kiet, ndinyuŋ nda ke itie-ikpe ke oro ebede;

ERIYARARE 10:7

edi ke mme usen emi ɔyɔhɔ angel itiaba osiorode uyo, ke adaŋemi enye oyomde ndifri ukorowo, adaŋoro ke ndibe uduak Abasi ososu, asaŋa ekekem ye eti etop emi Enye akayararede ɔnɔ nti ikɔt Esie, kpa mme prophet.

ERIYARARE 11:2

Edi sio okure emi odude ke edem temple fep, kunyuŋ udomo enye oro, koro ema eyak enye enɔ mme idut; mmɔ eyenyuŋ edigi edisana obio ke ikpat ke ɔfiɔŋ aba ye iba.

ERIYARARE 13:10

Edieke ekenimde enɔ owo ndidi ibuot-ekɔŋ, enye eyedi ibuot-ekɔŋ; edieke owo owotde owo ke ofut, eyeda ofut ewot enye. Edi mi ke ime ye mbuɔtidem ikɔt Abasi ewut idem.

ERIYARARE 13:16

Enye onyuŋ anam kpukpru owo, ŋkpri ye ikpɔ, ye mbɔŋ ye mme ubuene, ye nditɔ-isɔŋ ye ifin, ete enɔ mmɔ idiɔŋɔ ke ubɔk nnasia, mme ke ɔkpɔ-iso;

ERIYARARE 14:10

enye nde eyeŋwɔŋ wine ifuresit Abasi, emi ebuakde enana mbɔm ke cup iyaresit Esie; eyenyuŋ etuhɔre enye ke ikaŋ ye brimstone ke iso nti angel ye ke iso Eyen-erɔŋ:

ERIYARARE 15:1

EKEM ŋkut idiɔŋɔ eŋwen ke enyɔŋ, akamba ye utibe, angel itiaba, emi enyenede akpatre ufen itiaba, koro iyaresit Abasi ɔyɔhɔ ama ke mmɔ.

ERIYARARE 15:7

Ndien kiet ke otu ŋkpɔ-uwem inaŋ ɔnɔ angel itiaba oro eso o-gold itiaba, eke eyɔhɔde ye iyaresit Abasi, Andidu uwem ke nsinsi-nsinsi.

ERIYARARE 18:6

Nɔ enye usiene kpa nte enye ɔkɔnɔde, nyuŋ nɔ enye ubiom-ikpe esie utim ikaba, nte ekemde ye se enye akanamde. Ke cup emi enye akabuakde ŋkpɔ ke esit ebuak enɔ enye utim ikaba.

ERIYARARE 19:15

Edisɔp ofut onyuŋ oto Enye ke inua ɔwɔrɔ, man Enye ada ekpeŋe mme idut; Enye eyenyuŋ ada esaŋ ukwak akara mmɔ. Enye onyuŋ edigi obube udigi-wine ikaŋ-ikaŋ iyaresit Abasi Andikara kpukpru ŋkpɔ.

ERIYARARE 19:18

man eta obuk ndidem, ye obuk mme etubom-ekɔŋ, ye obuk mkpɔsɔŋ owo, ye obuk enaŋ-mbakara, ye eke mme andidoro mmɔ ke edem, ye obuk kpukpru owo, nditɔ ye ifin, ŋkpri ye ikpɔ.

ERIYARARE 19:5

Uyo onyuŋ oto ke ebekpo ɔwɔrɔ ete, Etoro Abasi nnyin, kpukpru mbufo ikɔt Esie, Emi eteŋede Enye, ŋkpri ye ikpo.

ERIYARARE 20:12

Ndien ŋkut mme akpa-mkpa, ikpɔ ye ŋkpri, nte edade ke iso ebekpo. Ndien ekibɔre mme ŋwed; enyuŋ ekibɔre mme ŋwed mme ŋwed eŋwen, emi edide ŋwed uwem; enyuŋ eda se ewetde esin ke ŋwed oro ekpe ikpe mme akpa-mkpa, nte ekemde ye se mmɔ ekenamde.

ERIYARARE 20:15

Ndien emen owo ekededi eke mikewetke enyiŋ esie ke ŋwed uwem eduɔk esin ke akwa ŋkpɔdiɔhɔ ikaŋ.

ERIYARARE 22:12

Sese, mmɔŋ ndedi idaha emi; nnyuŋ nsaŋa ye utip Mi, ndinɔ kpukpru owo nte ekemde ye ubɔk-utom esie.