ERIYARARE 10:10 - Edisana ñwed Abasi Ibom

¹⁰ Ekem nsio ekpri ŋwed oro ke ubɔk angel, nnyuŋ nta; enye onyuŋ eniŋe nte aran-ɔkwɔk ke inua mi; edi ke ini mma ŋkata enye, idibi mi akabare odoro.

ERIYARARE 10:10 ပူးပေါင်းရင်းမြစ်များ

ŊWED MME PSALM 104:34

Ekikere mi eke abaŋade enye eyenem mi esit: ami nyedara Jehovah.

ŊWED MME PSALM 119:103

Ikɔ fo eniŋe mi didie ke nsiŋ! akan aran-ɔkwɔk ke inua mi:

ŊWED MME PSALM 19:10

Mmɔ edi se owo ekpeyomde ekan gold ye ata ediwak eti gold, enyuŋ eniŋe ekan aran-ɔkwɔk eke mbukpa ɔtɔide.

MME ŊKE 16:24

Inem ikɔ ebiet obukpa ɔkwɔk: ke eniŋe ukpɔŋ, onyuŋ ɔnɔ ɔkpɔ odudu.

EZEKIEL 2:10

ndien enye atat enye ke iso mi: ndien ewet enye ke esit ye ke edem: ewet eyet, ye utuaŋa, ye eseme esin enye ke esit.

EZEKIEL 3:14

Ntem ke spirit emenere mi, onyuŋ ada mi efep, ndien nsaŋa ke idot ye ke ufiop spirit mi; ubɔk Jehovah onyuŋ odoro mi ɔkpɔsɔŋ.

EZEKIEL 3:3

Ndien enye ɔdɔhɔ mi, ete, Eyen owo, nam idibi fo adia ikpa-ŋwed emi ami nnɔde fi, nyuŋ sin enye ke nsia fo yɔhɔ. Ndien ami ndia, ndien ŋwed akabare eniŋe mi ke inua nte aran-ɔkwɔk.

ERIYARARE 10:11

Ndien edɔhɔ mi ete afo enyene nditɔnɔ ntak ntiŋ nte prophet ndian ediwak mme idut ye mme obio ye mme usem ye ndidem.

ERIYARARE 10:9

Ndien ntiene angel oro, ŋkɔdɔhɔ enye, nte ɔnɔ mi ekpri ŋwed oro. Enye ete mi, bɔ, ta enye; eyenam idibi fo odoro, edi ke inua fo eyeniŋe nte aran-ɔkwɔk.