ERIYARARE 10:1 - Edisana ñwed Abasi Ibom

¹ NDIEN ŋkut ɔkpɔsɔŋ angel efen otode ke enyɔŋ osuhɔre; enye esine obubit enyɔŋ ke idem; akpara onyuŋ odoro enye ke ibuot, iso esie onyuŋ ebiet utin, ukot esie enyuŋ ebiet mme adaha ikaŋ;

ERIYARARE 10:1 ပူးပေါင်းရင်းမြစ်များ

ŊWED MME PSALM 104:3

ɔkɔŋ ubet esie ke mmɔŋ: ada obubit enyɔŋ onim ke chariot esie: odoro ke mba ofum asaŋa:

ŊWED MME PSALM 97:2

Obubit enyɔŋ ye ekim ekan enye ekuk: edinen ido ye ikpe edi itie ebekpo esie.

EXODUS 16:10

Edikem ke ini Aaron osuk ɔdɔhɔde ye ofuri udim nditɔ Israel, mmɔ ewɔŋɔre ese edem wilderness, ndien, sese, ekut ubɔŋ Jehovah ke obubit enyɔŋ oro.

IKWƆ SOLOMON 5:15

Ukot esie edi adaha marble, eke esinede ke uwuhɔ-ŋkpɔ ata eti gold: iso esie ebiet Lebanon, emeye nte cedar.

ISAIAH 19:1

UYO Abasi emi abaŋa Egypt. Sese, Jehovah ke odoro ke obubit enyɔŋ, awara oduk ke Egypt: ndien mme ibɔk Egypt enyek idem ke iso esie, esit Egypt onyuŋ akpa enye ke idem.

ISAIAH 54:9

Koro emi etiede nte mmɔŋ Noah ye ami: kpa nte ŋkɔŋwɔŋɔde, nte ke mmɔŋ Noah idiyɔhɔke aba ifuk isɔŋ; kpa ntre ke ŋkɔŋwɔŋɔ nte ke nditɔhɔke aba ye afo, ndinyuŋ nduarike aba fi.

ŊWED ESEME 3:44

Afo ada obubit enyɔŋ ofuk idem, ndien mkpeubɔk ikemeke ndibe.

EZEKIEL 1:28

Kpa nte akpara emi odude ke obubit enyɔŋ ke usen edim, etiede, kpasuk ntre ke uyama emi akande enye okuk etie. Mbiet ubɔŋ Jehovah etie ntem. Ndien ke ini ŋkutde, nduɔ ke isɔŋ ŋkubi iso mi, nnyuŋ ŋkop uyo eke etiŋde ikɔ.

DANIEL 10:6

iso esie onyuŋ ebiet mineŋ-mineŋ, enyin esie enyuŋ ebiet utuenikaŋ eke esakde, ubɔk esie ye ukot esie enyuŋ ebiet iso edisem okpoho ŋko: ndien uyo esie ebiet uyom akwa otu owo.

DANIEL 7:13

Ŋkut ke ŋkukut okoneyo, ndien, sese, owo eke ebietde eyen owo asaŋa ke obubit enyɔŋ edi, enye osim Andisɔŋɔ usen, enyuŋ eda enye edi enye ke iso.

LEVITICUS 16:2

ndien Jehovah ɔdɔhɔ Moses, ete, Dɔhɔ Aaron eyen-uka, ete, Enye okuduk kpukpru ini ke edisana ebiet ke edem ukara, ke iso itie-usio-isop, emi odorode ke enyɔŋ ekebe; mbak enye edikpa: koro nyewut idem mi ke cloud ke enyɔŋ itie-usio-isop.

MATTHEW 17:2

ndien mbiet Esie ɔkpuhɔre ke iso mmɔ; iso Esie asiaha nte utin, edisine-ŋkpɔ Esie onyuŋ akabare afia nte uŋwana.

LUKE 21:27

Adaŋoro ndien eyekut Eyen Owo odorode ke obubit enyɔŋ edi ye odudu ye akwa ubɔŋ.

UTOM MME APOSTLE 26:13

ke ufɔt uwemeyo, O edidem, nte nsaŋade ke usuŋ, ŋkut uŋwana eke otode ke enyɔŋ, eke esemde akan utin, nte ayamade akanare mi ye mmɔ emi esaŋade ye ami okuk.

ERIYARARE 1:7

Sese, Enye ɔmɔŋ asaŋa ke obubit enyɔŋ edi; kpukpru enyin eyenyuŋ ekut Enye, ye mmɔ emi ekekimde Enye; ndien kpukpru mme idut isɔŋ eyeseme Enye. Yak edi ntre, Amen.

ERIYARARE 18:1

KE ŋkpɔ emi ema ekebe, ŋkut angel eŋwen nte otode ke heaven ɔsuhɔre ye akwa odudu; isɔŋ onyuŋ ayama ke ubɔŋ esie.

ERIYARARE 18:21

Ekem ŋkpɔsɔŋ angel emen itiat emi etiede nte akwa itiat ukɔk-ibokpot, ɔduɔk ke inyaŋ, onyuŋ ɔdɔhɔ ete, Ntem ke edisio akwa obio Babylon eduɔk ke ɔkpɔsɔŋ iduɔ, ndien idikwe enye aba.

ERIYARARE 20:1

EKEM ŋkut angel otode ke heaven ɔsuhɔre, akama ukpɔhɔre edituŋɔ ukpe ye akwa ŋkpɔkɔbi ke ubɔk.

ERIYARARE 4:3

Anditie ke ebekpo oro onyuŋ ebiet itiat jasper ye sardius ke enyin; akpara onyuŋ akan ebekpo okuk, ebiet emerald ke enyin.

ERIYARARE 5:2

Ndien ŋkut ɔkpɔsɔŋ angel nte ɔkwɔrɔde ke ɔkpɔsɔŋ uyo, ete, Anie omodot ndikibɔre ŋwed emi, ndinyuŋ ndianare mme ufik-ŋkpɔ esie?

ERIYARARE 8:13

Ndien ŋkut, nnyuŋ ŋkop nte ntrukpom, eke efede ke ufɔt-iba enyɔŋ ɔdɔhɔ ke ɔkpɔsɔŋ uyo ete, Mbɔm, mbɔm, mbɔm ɔnɔ mme andiduŋ ke isɔŋ, ke ntak mme uyo ukorowo efen eke mme angel ita eken edifride.