ERIYARARE 1:6 - Edisana ñwed Abasi Ibom

⁶ Enye omonyuŋ anam nnyin idi obio Ubɔŋ, idi mme oku inɔ Abasi ye Ete Esie; enɔ Enye ubɔŋ ye erikara ekondo ke nsinsi-nsinsi. Amen.

ERIYARARE 1:6 ပူးပေါင်းရင်းမြစ်များ

EXODUS 19:6

Mbufo eyenyuŋ enyene mi nte obio oku, ye nte edisana idut. Mme ikɔ emi ke afo editiŋ ɔnɔ nditɔ Israel.

ISAIAH 61:6

Ndien mbufo eyekere mme oku Jehovah; eyenyuŋ edɔhɔ ebaŋa mbufo, ete, Mme anam-ŋkpɔ Abasi nnyin: mbufo eyedia inyene mme idut, enyuŋ ebɔ mmɔ ubɔŋ eda ke idem mbufo.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

JOHN 5:23

man kpukpru owo ekpono Eyen kpa nte mmɔ ekponode Ete. Owo eke mikponoke Eyen ikponoke Ete emi ɔkɔdɔŋde Enye.

ŊWED MBON ROME 11:36

Koro kpukpru ŋkpɔ eto Enye, enyuŋ edu ke Enye, enyuŋ ena enɔ Enye. Ubɔŋ enyene Enye ke nsinsi. Amen.

ŊWED MBON ROME 15:6

man mbufo ekpeda esit kiet ye inua kiet enɔ Abasi ye Ete Ɔbɔŋ nnyin Jesus Christ ubɔŋ.

ŊWED MBON PHILIPPI 2:11

kpukpru edeme ekponyuŋ enyime ete Jesus Christ edi Ɔbɔŋ, enɔ Abasi Ete ubɔŋ.

1ŊWED TIMOTHY 6:16

emi Enye ikpɔŋ mikpaha mkpa, emi oduŋde ke uŋwana eke owo mikemeke ndisaŋa ŋkpere; emi akanam owo mikwe, midinyuŋ ikemeke ndikut: ubɔŋ enyene Enye ye nsinsi odudu. Amen.

MME HEBREW 13:21

kpa Ɔbɔŋ nnyin Jesus Christ akpakam ɔnɔ mbufo kpukpru nti ŋkpɔ eda enam se Enye amade, onyuŋ anam utom ke esit nnyin, nte ɔfɔnde Enye ke enyin, oto ke Jesus Christ. Ubɔŋ enyene Enye ke nsinsi-nsinsi. Amen.

1 PETER 4:11

Edieke owo etiŋde ikɔ, yak enye etiŋ nte etiŋ ikɔ Abasi: ŋko, edieke owo anamde ŋkpɔ ɔnɔ ekemmɔ owo yak enye anam nte ada odudu eke Abasi ɔnɔde anam; man ke kpukpru ŋkpɔ Abasi edinyene ubɔŋ oto ke Jesus Christ. Ubɔŋ ye erikara enyene Enye ke nsinsi-nsinsi. Amen.

1 PETER 5:11

Yak edi Enye edi Andikara ke nsinsi-nsinsi. Amen.

2 PETER 3:18

Edi etie ke mfɔn ye ifiɔk Ɔbɔŋ ye Andinyaŋa nnyin Jesus Christ ekɔri ŋkɔri. Yak ubɔŋ enyene Enye ke emi ye ke nsinsi. Amen.

JUDE 1:25

kpa Enye emi edide Abasi kierakiet, Andinyaŋa nnyin, oto ke Jesus Christ Ɔbɔŋ nnyin; yak ubɔŋ, ye ubom, ye edikara, ye odudu enyene Enye, toto ke eritɔŋɔ, ye ke emi, ye ke nsinsi. Amen.

ERIYARARE 1:9

Ami John, eyen-ete mbufo, emi mbuanade ye mbufo ke ukut ye Obio Ubɔŋ ye ime eke edude ke Jesus, ŋkodu ke isuo emi ekerede Patmos, ke ntak ikɔ Abasi, ye ikɔ-ntiense mbaŋa Jesus.

ERIYARARE 20:6

Ɔfɔfɔn ɔnɔ owo emi enyenede udeme ke akpa eriset: enye edi edisana; udiana akpa mkpa inyeneke odudu ke idem mmɔ emi: edi mmɔ eyedi mme oku Abasi ye Christ, mmɔ eyenyuŋ eda ubɔŋ ye Enye ke tɔsin isua.

ERIYARARE 4:11

Ɔbɔŋ ye Abasi nnyin, Afo omodot ndibɔ ubɔŋ ye ukpono ye odudu, koro Afo okobotde kpukpru ŋkpɔ; ndien oto uduak Fo ke mmɔ edu, ekenyuŋ eboro.

ERIYARARE 5:10

omonyuŋ anam mmɔ edi Obio Ubɔŋ ye mme oku enɔ Abasi: mmɔ eyenyuŋ eda ubɔŋ ke isɔŋ.