ERIYARARE 1:5 - Edisana ñwed Abasi Ibom

⁵ onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 1:5 ပူးပေါင်းရင်းမြစ်များ

ŊWED MME PSALM 51:2

Diɔŋ yet mme ukwaŋ-ŋkpɔ mi fep, nyuŋ sio mi mme idiɔk ido ke idem fep, nam ndi edisana.

ŊWED MME PSALM 72:11

Ndien kpukpru ndidem eyenuhɔ enɔ enye: kpukpru mme idut eyenam ŋkpɔ esie.

ŊWED MME PSALM 89:27

Ndien ŋko nyenim enye ke akpan, okoŋ akan ndidem isɔŋ.

MME ŊKE 14:5

Ntiense akpanikɔ idiyokke nyok: edi ntiense nsu eyeyok nyok.

ISAIAH 55:4

Sese, mmonim enye ke ntiense mme idut, ɔbɔŋ ye etubom mme idut.

DANIEL 2:2

Ndien edidem ɔnɔ uyo, ete ekot mbon-ŋwed ye mbia-idiɔŋ, ye mbia-mfa, ye mme Chaldean edi edisian edidem ndap esie. Ndien mmɔ edi edida ke iso edidem.

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

LEVITICUS 13:58

Ndien ama edi ɔfɔŋ idem oro, edide nnyan-nnyan, onyuŋ edide mbiɔŋ-mbiɔŋ, onyuŋ edide ŋkpɔ ikpa ekededi, eke afo ediyetde, ndien udɔŋɔ ama okure ke esit, yak etɔŋɔ ntak eyet enye, ndien enye edidi edisana.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

JOHN 13:1

KE ini usɔrɔ Passover mitɔŋɔke kaŋa, Jesus ɔfiɔk ete ekem ini nte Imɔ idikpɔŋde ererimbot emi inyɔŋ itiene Ete; ndien ke erima emi Enye amade ikɔt Esiemɔ emi edude ke ererimbot, Enye ama mmɔ tutu akpatre.

JOHN 13:34

Mmɔnɔ mbufo obufa ibet nte, Mbufo ema kiet eken; nte, mbufo nde ema kiet eken kpa nte ŋkamade mbufo.

JOHN 15:9

Kpa nte Ete akamade Mi, Ami ŋkonyuŋ mma mbufo: esuk eduŋ ke ima Mi.

JOHN 18:37

Ntem Pilate obup Enye ete, Nte Afo edi edidem naŋa? Jesus ɔbɔrɔ ete, Omotim etiŋ ete ndi Edidem. Nkamana kabaŋa ntak emi, ŋkonyuŋ nduk ke ererimbot kabaŋa ŋkpɔ emi, man ndi ntiense nnɔ akpanikɔ. Kpukpru mmɔ eke edide eke akpanikɔ, ekop uyo Mi.

JOHN 3:11

Ke akpanikɔ ke ndɔhɔ fi, nnyin itiŋ se ifiɔkde inyuŋ itie ntiense ibaŋa se ikokutde; edi mbufo ibɔhɔ ikɔ ntiense nnyin.

JOHN 3:16

Koro Abasi akamama erimbot ntem, tutu Enye osio ikpɔŋ-ikpɔŋ Eyen emi Enye obonde ɔnɔ, man owo ekededi eke ɔbuɔtde idem ye Enye okutak, edi enyene nsinsi uwem.

JOHN 3:32

Se Enye okokutde onyuŋ okopde, ke Enye etiŋ nte ntiense abaŋa; ndien baba owo kiet idaha ikɔ ntiense Esie.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

UTOM MME APOSTLE 26:23

ntiŋ adaŋa nte Christ enyenede ndibiom ukut, ye nte Enye edibemde iso eset ke mkpa, onyuŋ ɔkwɔrɔ uŋwana ɔnɔ mbio-obio ye mme Gentile ŋko.

ŊWED MBON ROME 3:25

emi Abasi okosiode onim ete edi uwa emem ke iyip Esie, oto ke mbuɔtidem; man Abasi ayarare edinen ido Esie, sia Enye ke ime osioŋode idem efep ke mme idiɔk-ŋkpɔ emi owo ekenamde ke ini eke ebede;

ŊWED MBON ROME 8:37

Edi ke kpukpru ŋkpɔ emi nnyin imakan, inyuŋ idɔdiɔŋ ikan, oto ke Enye emi akamade nnyin.

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

ŊWED MBON GALATIA 2:20

Ema ewot mi ke cross ye Christ; edi ke ndodu uwem; edi idige aba ami ke idem mi ke ndu uwem, edi Christ ke odu uwem ke esit mi. Ndien uwem eke ndude ke obukidem ke emi, ke ndu ke mbuɔtidem, kpa mbuɔtidem eke nnyenede ye Eyen Abasi, emi akamade mi, okonyuŋ ayakde Idem Esie ɔnɔ abaŋa mi.

ŊWED MBON EPHESUS 2:4

Edi Abasi, emi enyenede uwak mbɔm, oto ke akwa ima eke Enye akamade nnyin,

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

DEUTERONOMY 18:2

Ndien mmɔ ekunyene udeme ke otu nditɔ ete mmɔ: edi Jehovah edi udeme mmɔ, kpa nte enye ɔkɔdɔhɔde mmɔ.

DEUTERONOMY 23:5

Edi Jehovah Abasi fo ikonyimeke ndikop nnɔ Balaam; edi Jehovah Abasi fo ama ɔkpuhɔre isuŋi esin ke eridiɔŋ ɔnɔ fi: koro Jehovah Abasi fo amade fi.

DEUTERONOMY 7:8

edi koro Jehovah amade mbufo, onyuŋ etiŋde enyin ke uŋwɔŋɔ emi enye ɔkɔŋwɔŋɔde ɔnɔ mme ete mbufo, esin Jehovah akada ɔkpɔsɔŋ ubɔk osioŋo mbufo efep, onyuŋ afak mbufo osio ke ubɔk ufin, ye ke ubɔk Pharaoh edidem Egypt.

ŊWED MBON COLOSSAE 1:18

Enye onyuŋ edi Ibuot ɔnɔ idem, emi edide ufɔk Abasi: sia Enye edide akpa, emi ekebemde iso amana ke otu mme akpa-mkpa: man Enye ekpedi ebe-iso ke kpukpru ŋkpɔ.

1ŊWED TIMOTHY 6:13

Ke iso Abasi, emi ɔnɔde kpukpru ŋkpɔ uwem, ye ke iso Christ Jesus, emi eketiŋde eti ikɔ mbuɔtidem ke iso Pontius Pilate,

1ŊWED TIMOTHY 6:15

emi Abasi ediyararede ke edikem ini; kpa Enye emi edide Andikara, emi enyenede itoro onyuŋ ikpɔŋ-ikpɔŋ adade ubɔŋ, onyuŋ edide Edidem mme edidem ye Ɔbɔŋ mme ɔbɔŋ;

MME HEBREW 10:29

mbufo ese ndien ete edibiere ufen ɔsɔŋ adaŋa didie akan enɔ owo, eke edigide Eyen Abasi ke ikpat, onyuŋ abatde iyip ediomi, emi edade enam enye asana, ke ŋkpɔ ndek, onyuŋ esuenede Spirit mfɔn?

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

1 PETER 1:19

edi ekada iyip eke ɔsɔŋde urua efak mbufo, nte iyip eyen-erɔŋ eke ananade ndo onyuŋ ananade ntɔi, kpa eke Christ:

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

1 JOHN 4:10

Ima odu ke oruk usuŋ emi, itoho ke emi nnyin ikamade Abasi, edi oto ke Abasi emi akamade nnyin, onyuŋ osiode Eyen Esie ɔdɔŋ, ete, edidi usio-isop mme idiɔk-ŋkpɔ nnyin.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 11:3

Nyenyuŋ mmen odudu nnɔ ntiense Mi iba, ndien mmɔ eyesine ɔfɔŋ-ikpo etiŋ nte prophet ke thousand usen kiet ye usen ikie iba ye ata.

ERIYARARE 17:14

Mmɔ eyeŋwana ekɔŋ ye Eyen-erɔŋ, ndien Eyen-erɔŋ eyekan mmɔ, koro Enye edide Ɔbɔŋ mbɔŋ ye Edidem ndidem; mmɔ emi edude ye Enye eyenyuŋ ekan, kpa mmɔ emi Abasi okokotde, onyuŋ emekde, emi enyuŋ edide mme anam akpanikɔ.

ERIYARARE 19:11

Ekem ŋkut nte ebererede heaven; ndien sese, afia enaŋ-mbakara, Andidoro enye ke edem ekere Anam-akpanikɔ ye Ata Akpanikɔ, Enye onyuŋ asaŋa ke edinen ido ekpe ikpe onyuŋ aŋwana ekɔŋ.

ERIYARARE 19:16

Enye onyuŋ enyene enyiŋ emi ewetde ke ɔfɔŋ-idem Esie ye ke ifuhi Esie ete, EDIDEM NDIDEM YE ƆBƆŊ MBƆŊ.

ERIYARARE 2:13

Mmɔfiɔk ebiet eke oduŋde do; kpa ebiet eke ebekpo Satan ɔdiɔhɔde; ndien ɔmɔsɔŋɔ omum enyiŋ Mi akama, ukonyuŋ ukaŋke mbuɔtidem Mi, kpa ke mme usen ntiense Mi Antipas, owo akpanikɔ Mi, emi ekowotde ke otu mbufo, ke ebiet oro Satan oduŋde.

ERIYARARE 3:14

Nyuŋ nɔ ŋwed esɔk angel ufɔk Abasi emi odude ke Laodicea, ete: Ntem ke Enye, emi edide Amen, ata ntiense akpanikɔ, ebe-iso ke kpukpru se Abasi obotde, ɔdɔhɔ ete,

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.