ERIYARARE 1:20 - Edisana ñwed Abasi Ibom

²⁰ ndibe-ŋkpɔ emi odude ke ntantafiɔŋ itiaba oro okutde Mi ke ubɔk nnasia, ye udiɔk-utuen-ikaŋ o-gold itiaba oro. Ntantafiɔŋ itiaba oro edi mme angel ufɔk Abasi mbitiaba: udiɔk-utuenikaŋ itiaba enyuŋ edi ufɔk Abasi mbitiaba.

ERIYARARE 1:20 ပူးပေါင်းရင်းမြစ်များ

EXODUS 25:37

Nyuŋ nam utuenikaŋ esie itiaba; ndien domo mme utuenikaŋ esie, man eŋwaŋa edem emi asakde iso ese enye.

EXODUS 37:23

Enye onyuŋ ada ata eti gold anam utuenikaŋ esie itiaba, ye udiɔŋ-utuenikaŋ esie, ye usin-udiɔŋ esie.

ZECHARIAH 4:2

Ndien enye obup mi, ete, Afo omokut nso ŋkpɔ? Ndien ami ndɔhɔ nte, Mmokut, ndien, sese, uwuk-utuenikaŋ eke enamde ofuri ke gold, ye bowl esie ke ibuot esie, utuenikaŋ itiaba esie enyuŋ edoro enye; mme utuenikaŋ emi edoro enye enyuŋ enyene ekwa itiaba itiaba;

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

MATTHEW 13:11

Enye ɔbɔrɔ ete, Eyak enɔ mbufo ndifiɔk ndibe ŋkpɔ Obio Ubɔŋ Heaven, edi iyakka inɔ mmɔ.

LUKE 8:10

Ndien Enye ete, Eyak enɔ mbufo ndifiɔk ndibe ŋkpɔ Obio Ubɔŋ Abasi, edi enɔ mmɔ eken ndifiɔk ke ŋke, man ke erise, mmɔ ekukut ŋkpɔ, ye ke erikop, mmɔ ekunyuŋ efiɔk.

ŊWED MBON ROME 11:25

Koro nyomke mbufo enana ifiɔk, nditɔ-ete, ebaŋa ndibe ŋkpɔ emi, ete nsɔŋ okomum Israel ubak-ubak, tutu uyɔhɔ ibat mme Gentile eduk edi, mbak mbufo edise idem mbufo ke mme ɔfiɔk-ŋkpɔ owo:

ERIYARARE 1:11

Wet se afo okutde sin ke ŋwed, nyuŋ nɔ esɔk mme ufɔk Abasi itiaba oro; nɔ esɔk Ephesus, ye Smyrna, ye Pergamum, ye Thyatira, ye Sardis, ye Philadelphia, ye Laodicea.

ERIYARARE 1:16

Ndien Enye akama ntantafiɔŋ itiaba ke ubɔk nnasia Esie; edisɔp ofut iso iba onyuŋ ɔwɔrɔ Enye ke inua; iso Esie onyuŋ ebiet nte utin asiahade ke odudu esie.

ERIYARARE 1:4

John ɔnɔ ŋwed esɔk mme ufɔk Abasi itiaba emi edude ke Asia. Mfɔn ye emem akpakam oto Enye emi odude-du, emi okonyuŋ odude-du, emi edinyuŋ edide, osim mbufo: onyuŋ oto ke mme Spirit itiaba emi edude ke iso ebekpo Esie;

ERIYARARE 17:5

Enyuŋ ewet enyiŋ ke ɔkpɔ-iso esie, ndibe ikɔ emi ɔwɔrɔde ete, AKWA BABYLON! EKA MME AKPARA YE MBUBIAM IDO EKE EDUDE KE ISƆŊ.

ERIYARARE 17:7

Edi angel ete mi, Nsinam idem akpade fi? Ami nyesian fi ndibe-ŋkpɔ mbaŋa ŋwan oro, ye unam emi obiomde enye, kpa unam oro enyenede ibuot itiaba ye nduk duop.

ERIYARARE 2:1

NƆ ŋwed esɔk angel ufɔk Abasi emi edude ke Ephesus, ete: Ntem ke Enye, emi omumde ntantafiɔŋ itiaba akama ke ubɔk nnasia Esie, onyuŋ asaŋade ke ufɔt udiɔk-utuenikaŋ o-gold itiaba, ɔdɔhɔ ete,

ERIYARARE 2:12

Nyuŋ nɔ ŋwed esɔk angel ufɔk Abasi emi odude ke Pergamum, ete: Ntem ke Enye emi enyenede edisɔp ofut iso iba ɔdɔhɔ ete,

ERIYARARE 2:18

Nyuŋ nɔ ŋwed esɔk angel ufɔk Abasi emi odude ke Thyatira, ete: Ntem ke eyen Abasi, emi enyin Esie ebietde edeme-ikaŋ, ukot Esie enyuŋ ebietde nsak-nsak okpohɔ, ɔdɔhɔ ete,

ERIYARARE 2:5

Mmɔdo ti itie emi ɔkɔduɔde ɔkpɔŋ, nyuŋ kabare esit, nyuŋ nam se akanamde ke akpa; midige ntre, mmɔŋ ndi ke ɔtɔ fo, nyenyuŋ mmen udiɔk-utuenikaŋ mfep ke itie esie, ke afo mukabakere esit.

ERIYARARE 2:8

Nyuŋ nɔ ŋwed esɔk angel ufɔk Abasi emi odude ke Smyrna, ete: Ntem ke Enye emi edide Mbemiso ye Akpatre, emi akakabarede akpa-mkpa, edi osuk odude uwem, ɔdɔhɔ ete,

ERIYARARE 3:1

NYUŊ nɔ ŋwed esɔk angel ufɔk Abasi emi odude ke Sardis, ete: Ntem ke Enye emi enyenede mme Spirit Abasi itiaba, ye ntantafiɔŋ itiaba, ɔdɔhɔ ete; Mmɔfiɔk mme utom fo, nte emenyene enyiŋ, ete ke odu uwem, ndien ama akpa.

ERIYARARE 3:14

Nyuŋ nɔ ŋwed esɔk angel ufɔk Abasi emi odude ke Laodicea, ete: Ntem ke Enye, emi edide Amen, ata ntiense akpanikɔ, ebe-iso ke kpukpru se Abasi obotde, ɔdɔhɔ ete,

ERIYARARE 3:7

Nyuŋ nɔ ŋwed esɔk angel ufɔk Abasi emi odude ke Philadelphia, ete: Ntem ke Enye emi edide edisana, emi edide ata akpanikɔ, emi enyenede ukpɔhɔre David, emi ɔkpɔhɔrede, ndien baba owo kiet iberike; onyuŋ eberide, ndien baba owo kiet ikpɔhɔkere, ɔdɔhɔ ete, Mmɔfiɔk mme utom fo.