ERIYARARE 1:18 - Edisana ñwed Abasi Ibom

¹⁸ Ami ndi Mbemiso ye Akpatre ye Andidu uwem; ndien mma ŋkabare ŋkpa, ndien sese, ndodu uwem ke nsinsi, nnyuŋ ŋkama ukpɔhɔre mkpa ye obio ekpo.

ERIYARARE 1:18 ပူးပေါင်းရင်းမြစ်များ

ŊWED JOB 19:25

Ndien ami mmɔfiɔk nte ke Andifak mi odu uwem; ndien ke akpatre enye eyedaha ada ke ntan isɔŋ:

ŊWED JOB 38:17

Nte emeberede enyin-usuŋ mkpa enɔ fi? Nte onyuŋ okut inua-otop mfut mkpa?

ŊWED MME PSALM 18:46

Jehovah ododu uwem: yak enyuŋ etoro akwa itiat mi; Abasi erinyaŋa mi eyenyuŋ okoŋ.

ŊWED MME PSALM 68:20

Abasi edi Abasi emi anyaŋade nnyin; ndien ubɔhɔ mkpa enyene Jehovah Ɔbɔŋ.

ISAIAH 22:22

Nyenyuŋ ndori enye ukpɔhɔre ufɔk David ke afara; ndien enye eyekpɔhɔre, ndien baba owo kiet idiberike; onyuŋ eberi, ndien baba owo kiet idikpɔhɔkede;

MATTHEW 11:23

Ndien afo Capernaum, nte eyemenere okoŋ osim ikpa-enyɔŋ? Eyesuhɔre fi osim obio ekpo: koro edieke ekpekenamde ke Sodom mme utom odudu eke ekanamde ke esit fo, enye okposuk odu osim mfin emi.

MATTHEW 16:19

Nyeda mme ukpɔhɔre Obio Ubɔŋ Heaven nsin fi ke ubɔk; ndien se ededi eke afo edibɔpde ke isɔŋ, ke eyebɔp ke heaven, se ededi afo editatde ke isɔŋ ke eyenyuŋ etat ke heaven.

LUKE 24:5

ndien ke ini iban efehede ndik etuk iso ese isɔŋ, mmɔ oro edɔhɔ ete, Nsinam mbufo eyomde Enye emi odude uwem ke otu mme akpa-mkpa?

JOHN 11:25

Jesus ɔdɔhɔ enye ete, Ami ndi eriset ye uwem: owo eke ɔbuɔtde idem ye Ami, okposuk edi nte enye ama akpa, enye eyedu uwem:

JOHN 14:19

Osuk esisit, ndien ererimbot idikwe Mi aba; edi mbufo ke ekut Mi: sia Ami ndude uwem, mbufo eyedu uwem ŋko.

ŊWED MBON ROME 6:9

Koro nnyin imɔfiɔk ite Christ ikpaha aba ke Enye ama ekeset ke mkpa:

2 ŊWED CORINTH 13:4

Koro ekowot Enye ke cross ke mmem-idem, edi Enye ke odudu uwem ke emi ke odudu Abasi. Nnyin nde idi mmeme ke Enye, edi iyeda odudu Abasi isaŋa ye Enye idu uwem inɔ mbufo.

ŊWED MBON GALATIA 2:20

Ema ewot mi ke cross ye Christ; edi ke ndodu uwem; edi idige aba ami ke idem mi ke ndu uwem, edi Christ ke odu uwem ke esit mi. Ndien uwem eke ndude ke obukidem ke emi, ke ndu ke mbuɔtidem, kpa mbuɔtidem eke nnyenede ye Eyen Abasi, emi akamade mi, okonyuŋ ayakde Idem Esie ɔnɔ abaŋa mi.

ŊWED MBON COLOSSAE 3:3

Koro mbufo ema ekpa ema, uwem mbufo onyuŋ odibe ye Christ ke Abasi.

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

MME HEBREW 7:16

emi midaha item ibet obukidem inim Enye nte oku, edi edade odudu uwem eke midikemeke ndibiara, enim Enye;

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

ERIYARARE 10:6

onyuŋ otomo Enye emi odude ke nsinsi, emi okobotde enyɔŋ ye se idude ke esit, ye isɔŋ ye se idude ke esit, ye inyaŋ ye se idude ke esit, ete ini idibihike aba;

ERIYARARE 15:7

Ndien kiet ke otu ŋkpɔ-uwem inaŋ ɔnɔ angel itiaba oro eso o-gold itiaba, eke eyɔhɔde ye iyaresit Abasi, Andidu uwem ke nsinsi-nsinsi.

ERIYARARE 2:8

Nyuŋ nɔ ŋwed esɔk angel ufɔk Abasi emi odude ke Smyrna, ete: Ntem ke Enye emi edide Mbemiso ye Akpatre, emi akakabarede akpa-mkpa, edi osuk odude uwem, ɔdɔhɔ ete,

ERIYARARE 20:13

Ndien inyaŋ ibom asana mme akpa-mkpa emi edude ke esit ayak; mkpa ye obio ekpo enyuŋ esana mme akpa-mkpa mmɔ eyak: ndien ekpe ikpe kpukpru owo nte ekemde ye se mmɔ ekenamde.

ERIYARARE 20:14

Enyuŋ emen mkpa ye obio ekpo eduɔk ke akwa ŋkpɔdiɔhɔ ikaŋ. Emi edi udiana mkpa, kpa akwa ŋkpɔdiɔhɔ ikaŋ.

ERIYARARE 3:7

Nyuŋ nɔ ŋwed esɔk angel ufɔk Abasi emi odude ke Philadelphia, ete: Ntem ke Enye emi edide edisana, emi edide ata akpanikɔ, emi enyenede ukpɔhɔre David, emi ɔkpɔhɔrede, ndien baba owo kiet iberike; onyuŋ eberide, ndien baba owo kiet ikpɔhɔkere, ɔdɔhɔ ete, Mmɔfiɔk mme utom fo.

ERIYARARE 4:9

Ndien ke adaŋemi ŋkpɔ-uwem edimende ubɔŋ ye ukpono ye ekɔm enɔ Anditie ke ebekpo, kpa

ERIYARARE 5:14

Ndien ŋkpɔ-uwem inaŋ oro edɔhɔ ete, Amen. Mbiowo enyuŋ eduɔŋɔ ke isɔŋ, etuak ibuot.

ERIYARARE 6:8

Ndien ŋkut, ndien sese, ntɔŋ-ntɔŋ enaŋ-mbakara, ye andidoro enye ke edem, emi enyiŋ esie ekerede Mkpa; obio ekpo onyuŋ etiene enye ke edem. Ndien enɔ mmɔ odudu ke ubak isɔŋ kiet ke itie inaŋ, ete, eda ofut, ye akaŋ, ye idiɔk udɔŋɔ, ye mme unam ikɔt, ewot mmɔ.

ERIYARARE 9:1

EKEM ɔyɔhɔ angel ition ofri; nnyuŋ ŋkut ntantafiɔŋ nte otode ke enyɔŋ ɔduɔ ke isɔŋ; ndien enɔ enye ukpɔhɔre obube akwa udem.

1 SAMUEL 2:6

Jehovah owot, onyuŋ onim ke uwem: enye anam ɔsuhɔre ke udi, onyuŋ anam eset.