ERIYARARE 1:17 - Edisana ñwed Abasi Ibom

¹⁷ Ndien ke adaŋemi ŋkutde Enye, nduɔ Enye ke ukot nte akpa-mkpa. Ndien Enye odori mi ubɔk nnasia Esie ke idem, ete, Kufehe;

ERIYARARE 1:17 ပူးပေါင်းရင်းမြစ်များ

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

ŊWED MME PSALM 139:5

Afo amakan mi okuk ke iso ye ke edem; omonyuŋ ada ubɔk fo odori mi ke idem.

EXODUS 14:13

Ndien Moses ɔdɔhɔ kpukpru owo, ete, Mbufo ekufehe ndik, etuak eda, enyuŋ ekut erinyaŋa Jehovah, emi enye edinyaŋade mbufo mfin emi: koro nte emi mbufo ekutde nditɔ Egypt mfin emi, mbufo idikwe aba mmɔ ke nsinsi.

EXODUS 20:20

Ndien Moses ɔdɔhɔ mmɔ ete, Mbufo ekufehe ndik; koro Abasi emedi ndidomo mbufo, man uteŋe esie odu mbufo ke iso ŋko, man mbufo ekunam idiɔk.

EXODUS 3:6

Enye onyuŋ ɔdɔhɔ ŋko ete, Ami ndi Abasi usɔ, Abasi Abraham, ye Abasi Isaac, ye Abasi Jacob. Ndien Moses ofuk iso esie: koro enye efehede Abasi ndise.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

ISAIAH 41:4

Anie ekesin okonyuŋ anam, ke okot mme emana toto ke eritɔŋɔ? ami Jehovah, akpa, emi nnyuŋ ndude ke akpatre; ami ndi Enye.

ISAIAH 44:6

Ntem ke edidem Israel, ye andifak enye, Jehovah mme udim, ɔdɔhɔ, ete, Ami ndi mbemiso, ami nnyuŋ ndi akpatre; ndien baba owo kiet iduhe ke mibɔhɔke ami.

ISAIAH 48:12

Kop uyo mi, O Jacob, ye Israel, emi ŋkotde; ami ndi enye; ami ndi mbemiso, ami ŋko ndi akpatre.

ŊWED ESEME 3:57

Afo asaŋa ekpere ke usen eke mfioride ŋkot fi: afo ɔdɔhɔ, ete, Kufehe.

EZEKIEL 1:28

Kpa nte akpara emi odude ke obubit enyɔŋ ke usen edim, etiede, kpasuk ntre ke uyama emi akande enye okuk etie. Mbiet ubɔŋ Jehovah etie ntem. Ndien ke ini ŋkutde, nduɔ ke isɔŋ ŋkubi iso mi, nnyuŋ ŋkop uyo eke etiŋde ikɔ.

DANIEL 10:12

Ndien enye ɔdɔhɔ mi, ete, Kufehe, Daniel; koro ekekopde uyo fo toto ke akpa usen oro afo okonimde esit fo ndifiɔk nnyuŋ nsuhɔre idem fo nnim ke iso Abasi fo: ami ndi ndien ke uyo fo.

DANIEL 10:15

Ndien adaŋaemi enye ɔdɔhɔde oruk ikɔ ntem ye ami, ŋkubi iso mi ke isɔŋ, nnyuŋ ndop uyo.

HABAKKUK 3:16

Ŋkop, ndien nsia oyomo mi; uyom esin mkpɔk-inua mi enyek: mme ɔkpɔ mi etɔŋɔ ndiyap; nyek idem ke itie mi: koro nyetie suŋ mbet ini ukut, ini eke mmɔ emi edidide ekɔŋ ye nnyin edidɔkde edi.

MATTHEW 14:27

Edi idaha oro Jesus etiŋ ikɔ ye mmɔ ete, Esɔŋ esit; edi Ami; ekufehe ndik.

MATTHEW 28:4

ndien oto ndik esie mbon-ukpeme enyek, enyuŋ ekabare etie nte mme akpa-mkpa.

MATTHEW 28:5

Edi angel ɔbɔrɔ iban oro, ete, Mbufo ekufehe ndik: koro mmɔfiɔk nte mbufo eyom Jesus emi ekowotde ke cross.

JOHN 13:23

Mbet kiet emi Jesus amade odu ke okpokoro, etie ebere Jesus ke ikpanesit.

JOHN 21:20

Peter ɔwɔŋɔre, okut mbet emi Jesus amade nte asaŋade etiene mmɔ, kpa mbet oro ekebeherede ana ke ikpanesit Jesus ke itie-udia okonyuŋ obupde ete, Ɔbɔŋ, anie edida Fi ɔnɔ?

ERIYARARE 1:11

Wet se afo okutde sin ke ŋwed, nyuŋ nɔ esɔk mme ufɔk Abasi itiaba oro; nɔ esɔk Ephesus, ye Smyrna, ye Pergamum, ye Thyatira, ye Sardis, ye Philadelphia, ye Laodicea.

ERIYARARE 1:4

John ɔnɔ ŋwed esɔk mme ufɔk Abasi itiaba emi edude ke Asia. Mfɔn ye emem akpakam oto Enye emi odude-du, emi okonyuŋ odude-du, emi edinyuŋ edide, osim mbufo: onyuŋ oto ke mme Spirit itiaba emi edude ke iso ebekpo Esie;

ERIYARARE 1:8

Ami ndi Alpha ye Omega; ntem ke Jehovah Abasi, emi odude-du, okonyuŋ odude-du, edinyuŋ edide, Andikara kpukpru ŋkpɔ, ɔdɔhɔ.

ERIYARARE 2:8

Nyuŋ nɔ ŋwed esɔk angel ufɔk Abasi emi odude ke Smyrna, ete: Ntem ke Enye emi edide Mbemiso ye Akpatre, emi akakabarede akpa-mkpa, edi osuk odude uwem, ɔdɔhɔ ete,

ERIYARARE 22:13

Ami ndi Alpha ye Omega, mbemiso ye akpatre, ntɔŋɔ ye utit.