ERIYARARE 1:16 - Edisana ñwed Abasi Ibom

¹⁶ Ndien Enye akama ntantafiɔŋ itiaba ke ubɔk nnasia Esie; edisɔp ofut iso iba onyuŋ ɔwɔrɔ Enye ke inua; iso Esie onyuŋ ebiet nte utin asiahade ke odudu esie.

ERIYARARE 1:16 ပူးပေါင်းရင်းမြစ်များ

ŊWED JOB 38:7

Ke ini mme ntantafiɔŋ usen-ubɔk ekwɔde uyo kiet, kpukpru nditɔ Abasi enyuŋ esiode mkpo.

ŊWED MME PSALM 45:3

Owo uko, bɔp ofut fo ke ifuhi fo, kpa ubɔŋ fo ye uyai fo.

IKWƆ SOLOMON 6:10

Anie owo edi emi esierede nte eyo, ediye nte ɔfiɔŋ, edisem nte utin, onyuŋ enyene ndik nte mbon-ekɔŋ ekama banner?

ISAIAH 11:4

edi eyekpe ikpe mme ubuene esin ke edinen, onyuŋ ebiere ikɔ nte enende ɔnɔ suŋ-suŋ mbio isɔŋ: onyuŋ amia isɔŋ ke eto inua esie, onyuŋ owot mme idiɔk owo ke ibifik mkpɔk-inua esie.

ISAIAH 24:23

Ndien but eyenam ɔfiɔŋ, utin eyenyuŋ ofuk but iso, koro Jehovah mme udim adade ubɔŋ ke obot Zion, ye ke Jerusalem, ubɔŋ onyuŋ odu ke iso mbiowo esie.

ISAIAH 49:2

Enye onyuŋ anam inua mi ebiet edisɔp ofut; omodip mi ke mfut ubɔk esiemɔ, onyuŋ anam mi ndi edisɔp idaŋ; odip mi ke odibe-idaŋ esie.

DANIEL 12:3

Ndien mmɔ eke enyenede eti ibuot, eyeyama nte ikpa-enyɔŋ ayamade: mmɔ eke enamde ediwak owo ekabare edi edinen, eyenyuŋ ebiet ntanta-ɔfiɔŋ ke nsinsi-nsinsi.

DANIEL 8:10

Ndien enye akabare okpon tutu osim mme udim enyɔŋ; ndien emen usuk udim enyɔŋ ye usuk ntanta ɔfiɔŋ ɔduɔk ke isɔŋ, enyuŋ edigi mmɔ.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

MATTHEW 17:2

ndien mbiet Esie ɔkpuhɔre ke iso mmɔ; iso Esie asiaha nte utin, edisine-ŋkpɔ Esie onyuŋ akabare afia nte uŋwana.

UTOM MME APOSTLE 26:13

ke ufɔt uwemeyo, O edidem, nte nsaŋade ke usuŋ, ŋkut uŋwana eke otode ke enyɔŋ, eke esemde akan utin, nte ayamade akanare mi ye mmɔ emi esaŋade ye ami okuk.

ŊWED MBON EPHESUS 6:17

Enyuŋ eyara erinyaŋa nte ndun ke ibuot, enyuŋ ekama ofut Spirit, emi edide ikɔ Abasi:

MME HEBREW 4:12

Koro ikɔ Abasi enyene uwem, onyuŋ ananam ŋkpɔ, onyuŋ ɔsɔp akan kpukpru ofut iso iba, okim abahare ukpɔŋ ye spirit, ye ikek ye ndia; onyuŋ enyene ukeme ndiduŋɔre ekikere ye uduak esit owo.

ERIYARARE 1:20

ndibe-ŋkpɔ emi odude ke ntantafiɔŋ itiaba oro okutde Mi ke ubɔk nnasia, ye udiɔk-utuen-ikaŋ o-gold itiaba oro. Ntantafiɔŋ itiaba oro edi mme angel ufɔk Abasi mbitiaba: udiɔk-utuenikaŋ itiaba enyuŋ edi ufɔk Abasi mbitiaba.

ERIYARARE 10:1

NDIEN ŋkut ɔkpɔsɔŋ angel efen otode ke enyɔŋ osuhɔre; enye esine obubit enyɔŋ ke idem; akpara onyuŋ odoro enye ke ibuot, iso esie onyuŋ ebiet utin, ukot esie enyuŋ ebiet mme adaha ikaŋ;

ERIYARARE 12:1

EKEM akamba idiɔŋɔ owut idem ke enyɔŋ; ŋwan emi esinede utin ke idem, ɔfiɔŋ onyuŋ odude enye ke idak ikpat, anyanya ntantafiɔŋ duopeba onyuŋ odorode enye ke ibuot;

ERIYARARE 19:15

Edisɔp ofut onyuŋ oto Enye ke inua ɔwɔrɔ, man Enye ada ekpeŋe mme idut; Enye eyenyuŋ ada esaŋ ukwak akara mmɔ. Enye onyuŋ edigi obube udigi-wine ikaŋ-ikaŋ iyaresit Abasi Andikara kpukpru ŋkpɔ.

ERIYARARE 19:21

Ama edi mmɔ eken emi esuhɔde, ewot mmɔ ke ofut Andidoro ke edem enaŋ-mbakara, kpa ofut oro ɔwɔrɔde Enye ke inua. Kpukpru mme inuen enyuŋ eta obuk eyuhɔ.

ERIYARARE 2:1

NƆ ŋwed esɔk angel ufɔk Abasi emi edude ke Ephesus, ete: Ntem ke Enye, emi omumde ntantafiɔŋ itiaba akama ke ubɔk nnasia Esie, onyuŋ asaŋade ke ufɔt udiɔk-utuenikaŋ o-gold itiaba, ɔdɔhɔ ete,

ERIYARARE 2:12

Nyuŋ nɔ ŋwed esɔk angel ufɔk Abasi emi odude ke Pergamum, ete: Ntem ke Enye emi enyenede edisɔp ofut iso iba ɔdɔhɔ ete,

ERIYARARE 2:16

Kabare esit ndien; midige ntre, nsɔsɔp ndi ke ɔtɔ fo, nyenyuŋ nda ofut inua Mi ŋwana ekɔŋ ye mmɔ.

ERIYARARE 3:1

NYUŊ nɔ ŋwed esɔk angel ufɔk Abasi emi odude ke Sardis, ete: Ntem ke Enye emi enyenede mme Spirit Abasi itiaba, ye ntantafiɔŋ itiaba, ɔdɔhɔ ete; Mmɔfiɔk mme utom fo, nte emenyene enyiŋ, ete ke odu uwem, ndien ama akpa.

JUDGES 3:16

Ndien Ehud anam ikwa iso iba ɔnɔ idem esie, emi uniɔŋ esie edide ibio idomo-okuk kiet; ndien ada enye etebe ke idak ɔfɔŋidem esie ke ifuhi nnasia.

JUDGES 5:31

O Jehovah, nam kpukpru mme asua fo etak ntem! Edi mmɔ eke emade enye ebiet nte utin asiahade ke odudu esie. Ndien isɔŋ ana suŋ ke ofuri isua aba.