ERIYARARE 1:13 - Edisana ñwed Abasi Ibom

¹³ nnyuŋ ŋkut ke ufɔt udiɔk-utuenikaŋ oro Kiet, emi ebietde eyen owo, emi esinede ɔfɔŋidem emi ɔduɔde osim ukot, onyuŋ ɔbɔbɔde mbɔbɔ o-gold ke ikpanesit.

ERIYARARE 1:13 ပူးပေါင်းရင်းမြစ်များ

EXODUS 39:5

Ndien ubɔp-ephod esie emi odude enye ke esit, asaŋa idem kiet ye enye, ebiet ubɔk-utom esie, gold, ye awawa, ye purple, ye ididuot, ye eti edifiak linen; kpa nte Jehovah eketemede Moses.

ISAIAH 11:5

Ndien edinen ido eyedi ubɔp-ŋkpɔ idem esie, akpanikɔ eyenyuŋ edi mbɔbɔ esie.

DANIEL 10:16

Ndien, sese, owo kiet emi ebietde nditɔ owo edi edituk mi ke mkpɔk-inua. Ndien ntat inua mi nnyuŋ ntiŋ ikɔ, ndien ndɔhɔ enye oro adade mi ke iso, nte, Ɔbɔŋ mi, ŋkukut esin ukut mi akabare oduk mi ke idem, ndien nnyeneke aba odudu.

DANIEL 7:13

Ŋkut ke ŋkukut okoneyo, ndien, sese, owo eke ebietde eyen owo asaŋa ke obubit enyɔŋ edi, enye osim Andisɔŋɔ usen, enyuŋ eda enye edi enye ke iso.

DANIEL 7:9

Ŋkut tutu ebekpo ediɔhɔ, andisɔŋɔ usen onyuŋ etie, edisine-ŋkpɔ esie edi afia nte snow, idet ibuot esie onyuŋ ebiet edisana idet erɔŋ: ebekpo esie ebiet edemikaŋ, mme wheel esie edi ikaŋ eke asakde.

LEVITICUS 8:7

Ndien enye ada frock esine enye ke idem, onyuŋ ɔbɔp enye ubɔp-isin, onyuŋ ɔfɔri enye ekura, onyuŋ esine enye ephod, ɔbɔp enye ubɔp-ephod, onyuŋ akpaha enye idem ke esit.

MME HEBREW 4:15

Koro nnyin minyeneke Akwa Oku eke mikemeke nditiene nnyin ŋkut mmem-idem nnyin; edi Akwa Oku emi okokutde idomo ke kpukpru nde kpa nte nnyin, edi minyeneke idiɔk-ŋkpɔ.

ERIYARARE 14:14

Ekem ŋkut, ndien sese, afia ikpa-enyɔŋ; ndien kiet ke etie ke ikpa-enyɔŋ emi ebietde eyen owo; enye ayara anyanya o-gold ke ibuot esie, onyuŋ enyene edisɔp ofut ke ubɔk esie.

ERIYARARE 15:6

ndien angel itiaba emi enyenede ufen itiaba eto ke temple oro ewɔŋɔ, esine edisana nsem-nsem itiat, enyuŋ ebɔbɔ mbɔbɔ o-gold ke ikpanesit mmɔ.

ERIYARARE 2:1

NƆ ŋwed esɔk angel ufɔk Abasi emi edude ke Ephesus, ete: Ntem ke Enye, emi omumde ntantafiɔŋ itiaba akama ke ubɔk nnasia Esie, onyuŋ asaŋade ke ufɔt udiɔk-utuenikaŋ o-gold itiaba, ɔdɔhɔ ete,