ECCLESIASTES 9:12 - Edisana ñwed Abasi Ibom

¹² Koro owo minyuŋ ifiɔkke ini esie oro; kpa nte iyak eke emumde ke idiɔk iyire, ye nte ntarusuŋ eke emumde ke afia; kpa ntre ke nditɔ owo esike ke idiɔk ini, ke adaŋemi ɔduɔde mmɔ ke idem ini kiet.

ECCLESIASTES 9:12 ပူးပေါင်းရင်းမြစ်များ

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.

MME ŊKE 29:6

Afia odu ke ndudue idiɔk owo: edi eti owo ɔkwɔ onyuŋ adat esit.

2 ŊWED TIMOTHY 2:26

enyuŋ enyaŋa idem esio ke afia eke Satan akadade omum mmɔ, ke owo Abasi ama akada mmɔ nte mbuot-ekɔŋ, man mmɔ edu uwem esaŋa nte Enye amade.

2 ŊWED CORINTH 6:2

(koro Enye ɔdɔhɔ ntem ete, Mma nyere fi ke ini mfɔn-ido, Mma nnyuŋ nnyaŋa fi ke usen erinyaŋa. Sese, ini mfɔn-ido mi; sese, usen erinyaŋa mi).

MME ŊKE 6:15

Oto oro nsobo esie eyebuat enye; enye eyebuŋɔ ke idaha kiet; ndien baba ŋkpɔ kiet eke aŋwaŋade enye idem ididuhe.

2 PETER 2:12

Edi mme mmɔ emi, nte ŋkpɔ-uwem eke minyeneke ibuot, eke emanade ke uduot unam, man ekpemum mmɔ ewot, esuŋi ebaŋa se mmɔ mifiɔkke; eyeda nsobo unam esobo mmɔ; mmɔ eyenyuŋ ebɔ idiɔk ke utip idiɔk erinam mmɔ.

1 PETER 2:12

Ekama idem nte odotde ke iso mme Gentile, man ke nde eke mmɔ etiŋde ŋkpɔ ebiat mbufo ete edi mme anam-idiɔk, mmɔ ekpada nti ido mbufo, emi edikutde ke ini eke edide ndidomo mbufo nse, enɔ Abasi ubɔŋ.

LUKE 12:39

Edi efiɔk emi ete, edieke enyene-ufɔk ɔkpɔfiɔkde ini eke inɔ edidide, enye ekpekpeme, ikponyuŋ iyakke ebuŋ ufɔk esie eduk.

LUKE 12:20

Edi Abasi ɔdɔhɔ enye ete, Afo anana ibuot, eye-kpak ukpɔŋ fo ke ubɔk fo ke okoneyo emi; ndien anie edidia ŋkpɔ eke ɔkɔkɔde onim?

ISAIAH 30:13

oro esin idiɔk ido emi etiede ye mbufo nte ubak edikoŋ ibibene eke ɔbuŋɔde oyom ndiduɔ, ɔnyuhɔde, ndien okibe ini kiet, owure ɔduɔ.

ECCLESIASTES 8:11

Koro miwarake ndinɔ idiɔk owo ufen, oro esin nditɔ owo esɔŋ esit ke idem mmɔ enam idiɔk.

ŊWED MME PSALM 11:6

Enye eyenam afia edep anam mme idiɔk owo; ikaŋ, ye brimstone, ye edifiop ofum edi udeme cup mmɔ.

ECCLESIASTES 3:19

Koro amadi se inɔmɔde nditɔ owo, oro ɔnɔmɔ mme unam: ŋkɔm ŋkpɔ kiet ɔnɔmɔ mmɔ; nte enye emi akpade, kpa ntre ke eken akpa; kpukpru mmɔ enyene kpasuk ibifik kiet; akakan eke owo akande unam inyuŋ iduhe koro kpukpru edide ikpikpu.

ECCLESIASTES 9:13

Ŋkokut emi ŋko ke idak utin, kpa eti ibuot, ndien nse enye ke akamba ŋkpɔ.

ISAIAH 24:18

Ndien ama ekem, owo eke efehede abak uyom ndik eyeduɔ ke ukpe; ndien owo eke otode ke ufɔt ukpe ɔdɔk eyemum ke mfine: koro eberede window ke enyɔŋ, idak isɔŋ onyuŋ enyek.

HOSEA 9:8

Ephraim odori enyin ye Abasi mi: prophet edi afia ata-ikɔt ke kpukpru usuŋ esie, ye usua ke ufɔk Abasi esie.

MME ŊKE 24:22

Koro nsobo mmɔ eyebumere adaha ke enyɔŋ: anie owo onyuŋ ɔfiɔk ufen eke mbiba (edinɔde)?

ECCLESIASTES 8:8

Baba owo kiet idige etubom spirit, eke edimumde spirit akama; baba owo kiet inyuŋ idige etubom ke usen mkpa: inyuŋ iyakke baba owo kiet ɔkpɔŋ ekɔŋ emi; idiɔk ido idinyuŋ inamke mme anditiene enye ebɔhɔ.

EZEKIEL 32:3

Ntem ke Ɔbɔŋ Jehovah ɔdɔhɔ, ete, Nyetat ndien iyire mi nduɔk fi ke idem ke otu ediwak mme idut; ndien mmɔ eyeda iyire mi ekot fi esio.

HOSEA 7:12

Ke adaŋemi mmɔ ekade, nyetat iyire mi nduɔk mmɔ ke idem; nyesuhɔre mmɔ nte inuen enyɔŋ; nyetunɔ mmɔ kpa nte mbon-esop mmɔ ekopde.