ECCLESIASTES 8:12 - Edisana ñwed Abasi Ibom

¹² Yak edi nte idiɔk owo anamde idiɔk ido utim ikikie, onyuŋ ebigi anyan uwem, edi ami mmotim mfiɔk nte ke edifɔn ye mmɔ eke ebakde Abasi, eke ebakde enye ke iso:

ECCLESIASTES 8:12 ပူးပေါင်းရင်းမြစ်များ

1 NDIDEM 21:25

Edi oruk owo nte Ahab ikoduhe, emi akanyamde idem esie ndinam idiɔk ke iso Jehovah, emi Jezebel ŋwan esie esinde nsɔk.

1 CHRONICLES 16:30

Mbufo, ofuri ekondo, enyek idem ke iso esie: ererimbot eyesɔŋ ada, idi nyuŋ isehekede.

ŊWED JOB 35:15

Ndien ke emi koro iyaresit esie minɔŋɔ owo ufen, enye minyuŋ ikereke ibak eti-eti:

ŊWED MME PSALM 112:1

MBUFO etoro Jehovah. Ɔfɔfɔn ɔnɔ owo eke abakde Jehovah, adara mbet esie eti-eti.

ŊWED MME PSALM 115:13

Eyediɔŋ mmɔ eke ebakde Jehovah, ye ŋkpri ye ikpɔ.

ŊWED MME PSALM 128:2

Koro afo edidiade utom ubɔk fo: ɔfɔn ɔnɔ fi, afo onyuŋ okut eti ŋkpɔ.

ŊWED MME PSALM 37:11

Edi mbon nsukidem eyeda isɔŋ enyene; ediwak emem eyenyuŋ enem mmɔ esit.

ŊWED MME PSALM 96:9

Etuak ibuot enɔ Jehovah ke edisana uyai: mbufo ofuri ererimbot edara enye ke iso.

EXODUS 1:20

Mmɔdo Abasi ɔfɔnde ido ye mme omum uman: ndien mbon oro ewak, enyuŋ esɔŋ eti-eti.

MME ŊKE 13:21

Idiɔk eyebine mme anam-idiɔk: edi eyeda ufɔn enɔ nti owo ke ŋkpɔ eyen utom.

MME ŊKE 28:14

Ɔfɔn ɔnɔ owo eke osuk abakde (Abasi) kpukpru ini: edi owo eke anamde esit esie ɔsɔŋ eyeduɔ ke idiɔk.

ECCLESIASTES 12:13

Yak nnyin ikop utit ofuri ŋkpɔ emi: bak Abasi, nyuŋ nim mbet esie: koro emi edi eke kpukpru owo.

ECCLESIASTES 3:14

Mmɔfiɔk nte ke kpukpru se Abasi anamde edibigi ke nsinsi: inyeneke nte ediande ŋkpɔ ke esit, inyuŋ inyeneke nte esiode ŋkpɔ ke esit efep: ndien Abasi anam ntem, man mmɔ efehe ndik ke iso esie.

ECCLESIASTES 5:16

Emi ŋko onyuŋ edi ata akamba idiɔk-ŋkpɔ, emi enye edinyɔŋde kpasuk nte emi enye ekedide: ndien enye okut nso udori ke erinam ŋkpɔ mbɔ ofum?

ECCLESIASTES 5:7

Koro se idide ikpikpu onyuŋ odu ke uwak ndap ŋko: kpa ntre ŋko odu ke uwak ikɔ: edi bak Abasi.

ECCLESIASTES 7:15

Mma ŋkere kpukpru ŋkpɔ emi ke ikpikpu mme usen mi; enyene eti owo eke esobode enye ke eti ido esie, onyuŋ enyene idiɔk owo eke ebigide uwem ke idiɔk ido esie.

ECCLESIASTES 7:18

Ɔfɔn nte afo ɔsɔŋɔde omum emi; kunyuŋ usio ubɔk ke ŋkpɔ emi ufep: koro owo eke abakde Abasi eyewɔrɔ ke mme mmɔ emi kpukpru ɔbɔhɔ.

JEREMIAH 44:10

Mmɔ isuhɔkede idem-mmɔ inim tutu osim mfin emi, inyuŋ ifeheke ndik, inyuŋ isaŋake ke mme ewuhɔ mi, ye ke ido mi, emi ŋkonimde ke iso mbufo, ye ke iso mme ete mbufo.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

LUKE 1:50

Mbɔm Esie onyuŋ ana ɔnɔ kpukpru emana, Ɔnɔ mmɔ emi ebakde Enye.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

ŊWED MBON ROME 9:22

Edi ekpedi nte Abasi, emi onyimede ndiwut iyaresit Esie, ndiyuŋ nnam owo efiɔk odudu Esie, emede anyan ime ye mme eso iyaresit emi enade enɔ nsobo;

DEUTERONOMY 12:25

Kudia enye; man ɔfɔn fi, ye nditɔ fo emi editienede fi, ke ini afo anamde se inende ke enyin Jehovah.

DEUTERONOMY 12:28

Kpeme, nyuŋ kop kpukpru ikɔ emi ntemede fi, man ɔfɔn fi, ye nditɔ fo emi editienede fi ke nsinsi, ke ini afo anamde se inende ke enyin Jehovah Abasi fo.

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

2 PETER 2:9

Ɔbɔŋ ɔmɔfiɔk ndinyaŋa mmɔ emi eteŋede Enye nsio ke idomo, ndinyuŋ mmum mme idiɔk owo nnim ke itie ufen, tutu osim usen ikpe;