ECCLESIASTES 7:14 - Edisana ñwed Abasi Ibom

¹⁴ Dat esit ke usen unen, nyuŋ kere ekikere ke usen nnanenyin: Abasi ama onyuŋ anam emi adian ye oro, man owo okukut baba ŋkpɔ kiet eke editienede enye edem.

ECCLESIASTES 7:14 ပူးပေါင်းရင်းမြစ်များ

1 NDIDEM 8:47

edi mmɔ ema ekere ke esit mmɔ ke isɔŋ eke etaŋde mmɔ efep eka do, enyuŋ ekabarede, ekpe fi ubɔk ke isɔŋ mmɔ eke etaŋde mmɔ efep, ete, Nnyin imedue, imonyuŋ inam ukwaŋ - ŋkpɔ, imonyuŋ idiɔk;

ŊWED JOB 2:10

Kpɔŋ Abasi, ndien kpa mkpa. Ndien enye ɔdɔhɔ ŋwan, ete, Afo ɔdɔhɔ nte ndisime ŋwan ɔdɔhɔde; nte nnyin ibɔ Abasi eti ŋkpɔ, ndien idibɔhɔ idiɔk ŋkpɔ ŋko? Ke ofuri ŋkpɔ emi Job inamke idiɔk ke mkpɔk-inua esie.

ŊWED MME PSALM 119:71

Ɔfɔn ye ami koro ŋkokutde ukut; man ŋkpep mbet fo.

ŊWED MME PSALM 40:3

Onyuŋ esin mi obufa ikwɔ ke inua, kpa itoro Abasi nnyin: ediwak owo eyekut, enyuŋ efehe ndik, enyuŋ ebuɔt idem ye Jehovah.

ECCLESIASTES 10:14

Ndien ndisime owo etiŋ ediwak ikɔ: owo ifiɔkke se ididide: ndien anie ekeme ndisian owo se iditienede enye ke edem?

ECCLESIASTES 11:9

O akparawa, dara ke uyen fo; yak esit fo onyuŋ enem fi ke usen emi afo edide akparawa, nyuŋ tiene usuŋ esit fo, ye se enyin fo okutde: edi fiɔk ete ke Abasi edikot fi edi ikpe abaŋa kpukpru ŋkpɔ emi.

ECCLESIASTES 12:13

Yak nnyin ikop utit ofuri ŋkpɔ emi: bak Abasi, nyuŋ nim mbet esie: koro emi edi eke kpukpru owo.

ECCLESIASTES 12:8

Ɔkwɔrɔ-ikɔ ɔdɔhɔ, ete Ata akpatre ikpikpu ŋkpɔ; kpukpru ŋkpɔ edi ikpikpu.

ECCLESIASTES 3:22

Ndien ŋkut nte ke eti ŋkpɔ iduhe ikan nte owo adatde esit ke se enye anamde: koro udeme esie edi oro: koro anie edida enye owut se ididude enye ke edem?

ECCLESIASTES 3:4

ini eke etuade, ye ini eke esakde; ini eke esemede, ye ini eke enekde;

ECCLESIASTES 5:17

Ndien ŋko enye adia kpukpru usen esie ke ekim, onyuŋ okut ediwak iyaresit, ye udɔŋɔ, ye ifiopesit.

ECCLESIASTES 8:7

Koro baba owo kiet mifiɔkke se ididide: koro anie ekeme ndisian enye ini nte enye edidide?

ECCLESIASTES 9:7

Ka kadia udia fo ke idaresit, nyuŋ ŋwɔŋ wine fo ke inemesit: koro utom fo ama enem Abasi esit ama.

ISAIAH 26:11

Jehovah, afo ememenere ubɔk fo; mmɔ ikwe enye; mmɔ eyekut, enyuŋ etimere ke ufup emi afo ofibede ɔnɔ ikɔt fo; idem ikaŋ eyeta mme asua fo.

ISAIAH 42:25

Ndien enye ada ikaŋ iyaresit esie ye odudu ekɔŋ aŋwaŋa enye ke idem; ndien oro okim enye ikaŋ akanade okuk, edi enye ifiɔkke; onyuŋ ɔfɔp enye, edi enye inimke ibuot ke esit.

JEREMIAH 23:20

Iyaresit Jehovah idikabakede, tutu enye anam, onyuŋ ama uduak esit esie: mbufo eyetim efiɔk enye ke utit mme usen oro.

ŊWED ESEME 3:38

Nte idiɔk ye eti itoho Ata Andikoŋ ke inua?

MICAH 6:9

Uyo Jehovah ofiori okot obio, ndien mbon ifiɔk eyese enyiŋ fo: mbufo ekop eto ye uyo enye emi owukde enye.

MATTHEW 9:13

Edi eka ekekpep se ikɔ emi ɔwɔrɔde, Edi mbɔm ke nyom, idige uwa. Koro ŋkedige ndikot ndinen owo, edi mme idiɔk owo.

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

DEUTERONOMY 26:11

ndien dat esit ke kpukpru ufɔn emi Jehovah Abasi fo ɔnɔde fi ye ufɔk fo, afo, ye mme Levite, ye esen owo eke odude ke otu fo.

DEUTERONOMY 28:47

Koro mukanamke ŋkpɔ Jehovah Abasi fo ke idara, ye ke inemesit, ke ini kpukpru ŋkpɔ ewakde;

DEUTERONOMY 8:3

Ntem ke enye ɔsuhɔre fi onyuŋ ayak fi etie biɔŋ, onyuŋ ada manna, emi afo mukɔfiɔkke, ye eke mme usɔ mikenyuŋ ifiɔkke, ɔnɔ fi adia; ete ikpep fi ite ke idige uyo ikpɔŋ-ikpɔŋ ke owo ada odu uwem, ke edi kpukpru se itode Jehovah ke inua ke owo ada odu uwem.

DEUTERONOMY 8:5

Fiɔk ndien ke esit fo, ete ke nte owo ɔtunɔde eyen esiemɔ, kpa ntre ke Jehovah Abasi fo ɔtɔtunɔ fi.

JAMES 5:13

Nte owo okut ukut ke otu mbufo? Yak enye ɔbɔŋ akam. Nte owo odu ke inemesit? yak enye ɔkwɔ ikwɔ itoro.