ECCLESIASTES 6:2 - Edisana ñwed Abasi Ibom

² kpa owo eke Abasi ɔnɔde enye ata ediwak inyene eti-eti, ye ubɔŋ, ndien baba ŋkpɔ kiet eke ukpɔŋ esie amade, inanake enye, edi Abasi iyakke enye ekeme ndidia ke esit; koro isen owo edidiade enye: emi edi ikpikpu, onyuŋ edi idiɔk udɔŋɔ.

ECCLESIASTES 6:2 ပူးပေါင်းရင်းမြစ်များ

1 NDIDEM 3:13

Ndien ŋko-ŋko, mmonyuŋ nnɔ fi inyene ye ubɔŋ, emi afo mukebeŋeke: ndien baba owo kiet ke otu ndidem idibietke fi ke ofuri uwem fo.

1 CHRONICLES 29:25

Ndien Jehovah anam Solomon okpon eti-eti ke iso ofuri Israel, onyuŋ ɔnɔ enye oruk ubɔŋ itie edidem eke akananam midoroke baba edidem Israel kiet eke ekebemde enye iso.

1 CHRONICLES 29:28

Enye onyuŋ akpa ke eti usɔŋ ɔyuhɔ usen, ye inyene, ye ukpono; ndien Solomon eyen esie ada ubɔŋ ke itie esie.

2 CHRONICLES 1:11

Ndien Abasi ɔdɔhɔ Solomon, ete, Koro emi odude fi ke esit, munyuŋ ubeŋeke okuk, ye inyene, ye ubɔŋ, ye uwem mme asua fo, munyuŋ ubeŋeke anyan uwem; edi ebeŋe eti ibuot ye ifiɔk ke idem fo, man afo ekpe ikpe ikɔt mi emi nnimde fi ke edidem mmɔ:

ŊWED MME PSALM 17:14

da ubɔk fo. O Jehovah, (nam mi mbɔhɔ) owo, kpa ererimbot emi udeme mmɔ odude ke uwem emi, afo eyenyuŋ ada nti ŋkpɔ fo ɔyɔhɔ mmɔ ke idibi: nditɔ eyeyuhɔ mmɔ; ndien mmɔ eyenim nsuhɔ mmɔ enɔ nditɔwɔŋ mmo.

ŊWED MME PSALM 39:6

Owo asasaŋa kpasuk nte ukpɔŋ: mmɔ enam afanikɔŋ edian idem mmɔ ke kpasuk ibifik: enye obok ŋkpɔ onim, ndien ifiɔkke owo eke editaŋde.

ŊWED MME PSALM 73:7

Ubom esin enyin mmɔ ekpon: ekikere esit mmɔ ebe ɔwɔrɔ.

ECCLESIASTES 4:4

Ndien nse ofuri ɔkpɔsɔŋ utom, ke kpukpru utom eke ɔwɔrɔde unen, nte ke enye edi ntak emi mbɔhiduŋ owo ofibede ufup ye owo. Emi ŋko onyuŋ edi ikpikpu ŋkpɔ ye idomo eke miwɔrɔke usuŋ.

ECCLESIASTES 4:8

Owo kiet odu, ndien efen iduhe; ndien enye inyeneke eyen, inyuŋ inyeneke eyen-eka: ndien ofuri ɔkpɔsɔŋ utom esie inyeneke utit; enyin esie ŋko iyuhɔke inyene; inyuŋ idɔhɔke ite, “Ami ŋkpakpa utom, nnyuŋ mbɔ ukpɔŋ mi eti ŋkpɔ, nnɔ anie?” Emi ŋko onyuŋ edi ikpikpu ŋkpɔ; onyuŋ edi ukut-ukut idomo.

ECCLESIASTES 5:13

Enyene ata akamba idiɔk-ŋkpɔ eke ŋkokutde ke idak utin, kpa inyene eke enimde enɔ andinyene mmɔ tutu esobo enye.

ECCLESIASTES 5:16

Emi ŋko onyuŋ edi ata akamba idiɔk-ŋkpɔ, emi enye edinyɔŋde kpasuk nte emi enye ekedide: ndien enye okut nso udori ke erinam ŋkpɔ mbɔ ofum?

ECCLESIASTES 5:18

Se ŋkpɔ emi ami nsede ke eti ŋkpɔ, ye ke ediye ŋkpɔ, kpa owo ndidia nnyuŋ ŋŋwɔŋ, nnyuŋ ŋkut se ifɔnde ke kpukpru utom esie, eke enye anamde ke idak utin, ke adaŋa ibat mme usen esie eke Abasi ɔnɔde enye: koro udeme esie edi oro.

ECCLESIASTES 5:19

Ndien ŋko ama edi kpukpru owo emi Abasi ɔnɔde mmɔ ata ediwak inyene eti-eti, onyuŋ anamde mmɔ ekeme ndidia ke esit, nnyuŋ mbɔ udeme mmɔ, nnyuŋ ndat esit ke utom mmɔ: enɔ Abasi edi oro.

ISAIAH 55:2

Nsinam mbufo edomode silver enɔ ke se midige uyo? ye utom mbufo ke se miyuhɔke? Etim ekop uyo mi, enyuŋ edia se ifɔnde, yak ukpɔŋ mbufo onyuŋ enem esit ke isek.

ŊWED ESEME 5:2

Emekabare udeme nnyin enɔ isen owo, ekabare ufɔk nnyin enɔ mbon idut.

DANIEL 5:18

Afo, O edidem, Abasi Ibom ama ɔnɔ Nebuchadnezzar usɔ ubɔŋ ye ubom ye ukpono ye uyai:

HOSEA 7:9

Isen owo edia odudu esie; ndien enye ifiɔkke: iwat omotibe enye ke ibuot ŋko, ndien enye ifiɔkke.

DEUTERONOMY 28:33

Idut eke afo mufiɔkke eyedia mfri iŋwaŋ fo, ye ofuri utom fo; ndien afo eyesuk edi se efikde, enyuŋ etukde, kpukpru usen.

DEUTERONOMY 28:43

Esen owo eke odude ke otu fo eyeforo akan fi eti-eti; ndien afo eyesuhɔre oduk ke idak.

JUDGES 18:10

Adaŋemi mbufo ekade, eyesim mbio ndue-idem, isɔŋ onyuŋ okpon ke edem kpukpru: koro Abasi adade enye esin mbufo ke ubɔk; ebiet emi baba ŋkpɔ kiet eke odude ke edem emi minanake.