ECCLESIASTES 5:8 - Edisana ñwed Abasi Ibom

⁸ Afo ama okut nte efikde mme ubuene, enyuŋ eyutde ikpe ye se inende ke mme province, kuyik oruk ŋkpɔ ntem: koro kiet emi okoŋde akan edikoŋ ekpeme; ndien Ata Andikoŋ akan mmɔ.

ECCLESIASTES 5:8 ပူးပေါင်းရင်းမြစ်များ

2 CHRONICLES 26:10

Enye onyuŋ ɔbɔp tower ke wilderness, onyuŋ otibi ediwak obube mmoŋ; koro enye enyenede ediwak ufene ke una-isɔŋ edem inyaŋ, ye ke una-isɔŋ edem Jordan; ye mme andifuŋ isɔŋ ye mbon-udiɔŋ vine ke ikpɔ obot, ye ke Carmel: koro enye edide ama-iŋwaŋ.

ŊWED JOB 24:23

Enye (Abasi) ɔnɔ enye ifure, ndien enye eberi edem; Enye onyuŋ etiŋ enyin ke usuŋ mmɔ.

ŊWED MME PSALM 12:5

Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

ŊWED MME PSALM 55:9

O Ɔbɔŋ, sosobo, bahare edeme mmɔ, koro ŋkutde afai ye utɔk ke obio.

ŊWED MME PSALM 82:1

ABASI ada ke esop ata mkpɔsɔŋ; ke otu mme ebierikpe ke enye ekpe ikpe.

ŊWED MME PSALM 83:18

Ndien owo eyefiɔk ete ke afo emi enyiŋ fo ikpɔŋ ekerede Jehovah, edi Ata Edikoŋ ke ofuri ererimbot.

ŊWED MME PSALM 95:3

Koro Jehovah edide akwa Abasi ye akwa edidem akan kpukpru mme abasi.

MME ŊKE 22:16

Etuk ubuene, aka ndifori enye: enɔ ɔbɔŋ ŋkpɔ, aka ke unana ikpɔŋ-ikpɔŋ.

MME ŊKE 24:12

Afo ama ɔdɔhɔ ete, “Sese, mmimɔ ikɔfiɔkke;” nte andidomo esit itimke ikut? Nte andikpeme ukpɔŋ fo ifiɔkke? Nte enye idinyuŋ inɔŋɔ owo nte utom owo edide?

MME ŊKE 8:17

Ami mmama mmɔ eke emade mi; ndien mmɔ eke ebakde eyom mi eyekut mi.

ECCLESIASTES 3:16

Ndien ŋko ŋkonyuŋ ndu ke idak utin ŋkut ebiet emi ekpede ikpe, nte ke idiɔk ido odu do; ŋkut ebiet edinen ido, nte ke mme idiɔk owo edu do.

ECCLESIASTES 4:1

NDIEN ami ŋwɔŋɔre nnyuŋ nse kpukpru ufik emi enamde ke idak utin: ndien se mmɔŋ-eyet mmɔ emi owo efikde: ndien baba owo kiet eke ɔdɔŋde mmɔ esit iduhe; mme andifik mmɔ enyuŋ ekan mmɔ ubɔk; ndien baba owo kiet eke ɔdɔŋde mmɔ esit iduhe.

ECCLESIASTES 5:9

Edi udori iŋwaŋ ana ɔnɔ kpukpru: eda iŋwaŋ enam ŋkpɔ enɔ edidem.

ECCLESIASTES 7:7

Koro ufik anamde enyene-ibuot owo akabare edi ndisime; enɔ onyuŋ abiat owo esit.

ECCLESIASTES 8:9

Ŋkokut kpukpru ŋkpɔ emi, nnyuŋ nnim ibuot ke kpukpru ŋkpɔ emi enamde ke idak utin: ini odu eke owo edide etubom owo, onyuŋ abiatde idem esie.

ISAIAH 10:12

Ndien eyedi nte Ɔbɔŋ edisibede ofuri utom esiemɔ efep ke obot Zion, ye ke Jerusalem; ndien nyeda ufen ntiene mfri iseri esit edidem Assyria, ye ubɔŋ mmenere iso esie.

ISAIAH 3:15

Nsinam mbufo enuakde ikɔt mi, enyuŋ etukde mme ubuene iso?” Ntem ke Ɔbɔŋ Jehovah mme udim ɔdɔhɔ.

ISAIAH 37:36

Ndien angel Jehovah ɔwɔrɔ okowot tɔsin owo itie ikie ye anaŋ, ye tɔsin owo ition, ke nna-ekɔŋ Assyria; ndien ke mmɔ ebakde edemere ke usenubɔk, sese, kpukpru mmɔ edi okpo-okpo.

ISAIAH 5:7

koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

EZEKIEL 18:18

Ama edi ete esie, koro enye efikde ufik, owode eyen-eka, onyuŋ anamde se mifɔnke ke otu oruk esie, sese, ndien enye akpa ke idiɔk ido esie.

AMOS 5:12

Koro mmɔfiɔk ediwak mme idiɔk ido mbufo, ye mkpɔsɔŋ ukwaŋ-ŋkpɔ mbufo: ke etuk nti owo, ke ebɔ utip, enyuŋ enuk mme ubuene efep ke inua-otop.

AMOS 6:12

Nte horse eyefeŋe ke enyɔŋ akwa itiat? Nte owo eyeda enaŋ ofuŋ enye? Koro mbufo ekabarede ikpe esin ke etidot, ekabare mfri edinen ido esin ke wormwood:

MICAH 2:9

Mbufo emebin iban ikɔt mi ke edima ufɔk mmɔ efep: emesio abak-inua mmɔ ubɔŋ mi ke idem efep ke nsinsi.

ZECHARIAH 8:6

Ntem ke Jehovah mme udim ɔdɔhɔ, ete, Koro eyedi utibe ŋkpɔ ke enyin mbio emi esuhɔde ke ini oro: nte eyenyuŋ edi utibe ŋkpɔ ke enyin mi? Jehovah mme udim ɔdɔhɔ.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

LUKE 1:32

Enye eyekpon, eyenyuŋ ekere Eyen Andikoŋ-ŋkan; Jehovah Abasi eyenyuŋ ɔnɔ Enye ebekpo ete Esie David:

LUKE 1:35

Ndien angel ɔbɔrɔ enye ete, Edisana Spirit eyedoro fi ke idem, odudu Andikoŋ-ŋkan eyeyuŋ ofuk fi: mmɔdo se idimanade eyekere Edisana, Eyen Abasi.

LUKE 1:76

Edi afo, eyen mi, eyekere prophet Andikoŋ-ŋkan: Koro afo eyebem Ɔbɔŋ iso ndidiɔŋ usuŋ Esie;

UTOM MME APOSTLE 12:23

Edi idaha oro angel Ɔbɔŋ ɔtɔ enye, koro enye minɔŋɔ Abasi ubɔŋ: ndien ndɔŋ eta enye, enye onyuŋ akpa.

ŊWED MBON ROME 11:33

Uwak ɔniɔŋ ye ifiɔk Abasi edituŋɔ adaŋa didie! Mme ikpe Esie ekak owo ndiduŋɔre adaŋa didie, onyuŋ ayaŋa owo nditiene nde usuŋ Esie.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

1 PETER 4:12

Ndima, ekuyik ikaŋ-ikaŋ idomo eke odude ke otu mbufo, eke etienede mbufo man edomo mbufo efiɔk, nte edide utibe ŋkpɔ ɔwɔrɔ mbufo.

1 JOHN 3:13

Ekuyak idem akpa mbufo, nditɔ-ete, edieke ererimbot asuade mbufo.