ECCLESIASTES 5:6 - Edisana ñwed Abasi Ibom

⁶ Kuyak inua fo esin obukidem fo anam idiɔk: kunyuŋ udɔhɔ ke iso isuŋtom, ete ke ekedi ndudue: ke didie ke Abasi ediyaresit ye uyo fo, ndien abiat se ubɔk fo anamde?

ECCLESIASTES 5:6 ပူးပေါင်းရင်းမြစ်များ

GENESIS 48:16

angel emi akafakde mi osio ke kpukpru idiɔk-ŋkpɔ osuk ɔdiɔŋ nditɔ emi; yak mmɔ enyuŋ ekere enyiŋ mi, ye enyiŋ mme ete mi Abraham ye Isaac; yak mmɔ enyuŋ etɔt ekabare ediwak ke ufɔt isɔŋ.

MME ŊKE 23:17

Kuyak esit fo ofibe mme idiɔk owo ufup: edi du ke uteŋe Jehovah kpukpru ini.

ECCLESIASTES 10:12

Ikɔ-inua enyene-ibuot owo emeye; edi mkpɔk-inua ndisime owo emen enye:

ECCLESIASTES 3:14

Mmɔfiɔk nte ke kpukpru se Abasi anamde edibigi ke nsinsi: inyeneke nte ediande ŋkpɔ ke esit, inyuŋ inyeneke nte esiode ŋkpɔ ke esit efep: ndien Abasi anam ntem, man mmɔ efehe ndik ke iso esie.

LEVITICUS 4:2

Ke ini owo eduede mbet Jehovah ekededi, eke mikpanamke, mikoho koi, onyuŋ anamde mmɔ oro kiet:

LEVITICUS 4:22

Adaŋemi ɔbɔŋ eduede, onyuŋ anamde ŋkpɔ ekededi eke Jehovah Abasi esie ebetde, eke mikpanamke, mikoho koi, ndien enyene isop;

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

NUMBERS 15:25

Ntem ke oku edisio isop ɔnɔ ofuri esop nditɔ Israel, ndien eyedahado enɔ mmɔ: koro enye edide ndudue: ntem ke mmɔ edida enɔ mmɔ, kpa uwa ikaŋ Jehovah, ye uwa idiɔk ido mmɔ ŋko-ŋko, edi ke iso Jehovah, ke ikɔ ndudue mmɔ:

1 ŊWED CORINTH 11:10

Ke ntak emi ŋwan ekpenyene ndiyara idiɔŋɔ erikara ke ibuot, kabaŋa mme angel.

1ŊWED TIMOTHY 5:21

Mmowuk fi ke iso Abasi, ye Christ Jesus, ye ndimek angel, nte afo ekpeme ndinam uyo emi; okubem iso obiom owo ke unana ntak, okunyuŋ anam baba ŋkpɔ kiet ke uma.

MME HEBREW 1:14

Nte mmɔ kpukpru idige mme spirit emi esaŋade utom, emi esiode edɔŋ mmɔ ete, enam ŋkpɔ enɔ mmɔ emi edidade erinyaŋa enyene?

JAMES 1:26

Edieke owo abatde idem ke owo Abasi, minyuŋ imumke edeme esie ikama, edi abiaŋade esit esie, erinim eke enye onimde ido Abasi ɔwɔrɔ ikpikpu.

JAMES 3:2

Koro kpukpru nnyin idedue ke ediwak ŋkpɔ. Edieke owo ekededi miduehe ke ikɔ-inua, enye ɔfɔn ama, onyuŋ ekeme ndikara ofuri idem esie nde.

2 JOHN 1:8

Ekpeme idem mbak mbufo edibiat se nnyin ikanamde utom ibaŋa enye, edi man ekpɔbɔ utip ɔyɔhɔ-ɔyɔhɔ.