ECCLESIASTES 5:18 - Edisana ñwed Abasi Ibom

¹⁸ Se ŋkpɔ emi ami nsede ke eti ŋkpɔ, ye ke ediye ŋkpɔ, kpa owo ndidia nnyuŋ ŋŋwɔŋ, nnyuŋ ŋkut se ifɔnde ke kpukpru utom esie, eke enye anamde ke idak utin, ke adaŋa ibat mme usen esie eke Abasi ɔnɔde enye: koro udeme esie edi oro.

ECCLESIASTES 5:18 ပူးပေါင်းရင်းမြစ်များ

ŊWED MME PSALM 42:8

Jehovah owuk ima esie ke uwemeyo, ikwɔ esie onyuŋ odu ye ami ke okoneyo, nnyuŋ ŋkpe Abasi uwem mi ubɔk.

ECCLESIASTES 11:9

O akparawa, dara ke uyen fo; yak esit fo onyuŋ enem fi ke usen emi afo edide akparawa, nyuŋ tiene usuŋ esit fo, ye se enyin fo okutde: edi fiɔk ete ke Abasi edikot fi edi ikpe abaŋa kpukpru ŋkpɔ emi.

ECCLESIASTES 2:10

Ndien nsinke enyin mi baba ŋkpɔ kiet eke mmɔ eyomde, mfarake esit mi ke baba idara kiet: koro esit akadatde mi ke ofuri ɔkpɔsɔŋ utom mi: ndien emi onyuŋ edi udeme mi, eke otode ke ofuri ɔkpɔsɔŋ utom mi.

ECCLESIASTES 2:24

Baba ŋkpɔ kiet ifɔnke ye owo, ikan ndidia ŋkpɔ, nnyuŋ ŋŋwɔŋ, nnyuŋ nnam ukpɔŋ esie adia se ifɔnde ke utom esiemɔ. Ama edi emi ŋko, ami mmokut nte ke oto Abasi ke ubɔk.

ECCLESIASTES 2:3

Ŋkekere ke esit mi, nte nda wine mbɔk idem mi, esit mi onyuŋ osuk ada mbufiɔk eteme (mi) usuŋ: nte nnyuŋ mmum ndisime ŋkama, tutu ndikut se ifɔnde ye nditɔ owo, eke mmɔ ekpenamde ke idak ikpa-enyɔŋ, ka adaŋa ibat mme usen uwem mmɔ.

ECCLESIASTES 3:22

Ndien ŋkut nte ke eti ŋkpɔ iduhe ikan nte owo adatde esit ke se enye anamde: koro udeme esie edi oro: koro anie edida enye owut se ididude enye ke edem?

ECCLESIASTES 6:2

kpa owo eke Abasi ɔnɔde enye ata ediwak inyene eti-eti, ye ubɔŋ, ndien baba ŋkpɔ kiet eke ukpɔŋ esie amade, inanake enye, edi Abasi iyakke enye ekeme ndidia ke esit; koro isen owo edidiade enye: emi edi ikpikpu, onyuŋ edi idiɔk udɔŋɔ.

ECCLESIASTES 8:15

Ndien ami ntoro idara, koro owo minyeneke eti ŋkpɔ ke idak utin, ke mibɔhɔke ndidia ŋkpɔ, nnyuŋ ŋŋwɔŋ, nnyuŋ ndara: ndien edi emi edidiana ye enye ke utom esie, ke ofuri uwem esie emi Abasi ɔnɔde enye ke idak utin.

ECCLESIASTES 9:7

Ka kadia udia fo ke idaresit, nyuŋ ŋwɔŋ wine fo ke inemesit: koro utom fo ama enem Abasi esit ama.

JEREMIAH 52:34

Ndien ama edi udeme udia esie, edidem Babylon esin enɔ enye udeme kpukpru ini, nte ekemde kpukpru usen, tutu osim usen enye akpade, ke ofuri usen uwem esie.

1 ŊWED CORINTH 16:16

Nyom mbufo esuk idem enɔ mmɔ emi etiede ntem, enyuŋ esuk idem enɔ kpukpru mmɔ emi eŋwamde ke utom, enyuŋ enamde utom ɔkpɔsɔŋ.

DEUTERONOMY 12:18

edi ke iso Jehovah Abasi fo ke afo edidia enye ke ebiet emi Jehovah Abasi fo edimekde, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye mme Levite emi eduŋde ke obio fo: ndien dat esit ke iso Jehovah Abasi fo ke kpukpru ŋkpɔ eke afo anyande ubɔk fo ke esit.

DEUTERONOMY 12:7

Ndien mbufo edia ŋkpɔ do ke iso Jehovah Abasi mbufo, enyuŋ edat esit ke kpukpru ŋkpɔ eke mbufo enyande ubɔk mbufo ke esit, kpa mbufo ye mme ufɔk mbufo, ke se Jehovah adade ɔdiɔŋ mbufo.

DEUTERONOMY 26:11

ndien dat esit ke kpukpru ufɔn emi Jehovah Abasi fo ɔnɔde fi ye ufɔk fo, afo, ye mme Levite, ye esen owo eke odude ke otu fo.

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.