ECCLESIASTES 5:10 - Edisana ñwed Abasi Ibom

¹⁰ Owo eke amade silver iyuhɔke silver; ndien owo ekededi eke amade inyene idikwe utɔt; emi onyuŋ edi ikpikpu.

ECCLESIASTES 5:10 ပူးပေါင်းရင်းမြစ်များ

ŊWED MME PSALM 52:1

OWO uko, afo edinam didie obure mbure ke idiɔk? Ima Abasi odu ke ofuri usen.

ŊWED MME PSALM 52:7

“Se owo emi minimke Abasi ke odudu esiemɔ: edi ɔbuɔt idem esie ke uwak inyene esie, onyuŋ ɔsɔŋɔ ke ibak esie.”

ŊWED MME PSALM 62:10

Mbufo ekubuɔt idem ke ufik, ekunyuŋ ebure ke mbume: ke ini inyene etɔtde, mbufo ekusin esit ke mmɔ.

ECCLESIASTES 1:17

Ami nnyuŋ nsin esit mi ndifiɔk mbufiɔk, ndinyuŋ mfiɔk idat ye ebiɔ. Mmɔfiɔk nte ke emi ŋko onyuŋ edi ikpikpu idomo.

ECCLESIASTES 1:8

Kpukpru ikɔ ekpa mba; owo ikemeke nditiŋ mmɔ; erise iyuhɔke enyin, erikop inyuŋ iyuɔhɔke utɔŋ.

ECCLESIASTES 2:10

Ndien nsinke enyin mi baba ŋkpɔ kiet eke mmɔ eyomde, mfarake esit mi ke baba idara kiet: koro esit akadatde mi ke ofuri ɔkpɔsɔŋ utom mi: ndien emi onyuŋ edi udeme mi, eke otode ke ofuri ɔkpɔsɔŋ utom mi.

ECCLESIASTES 2:11

Ndien ŋwɔŋɔre nse kpukpru ŋkpɔ mi emi ubɔk mi enamde, ye ofuri utom emi ŋkaŋwanade ndinam: ndien sese, kpukpru edi ikpikpu ye idomo eke miwɔrɔke usuŋ: baba udori inyuŋ iduhe ke idak utin.

ECCLESIASTES 2:26

Koro enye (Abasi) adade eti-ibuot, ye ifiɔk, ye idaresit, ɔnɔ owo eke ɔfɔnde enye ke iso: edi ama edi idiɔk owo, Enye ɔnɔ enye utom ete ɔkɔ, onyuŋ obon, man ada ɔnɔ owo eke ɔfɔnde Abasi ke iso. Emi onyuŋ edi ikpikpu ye idomo eke miwɔrɔke usuŋ.

ECCLESIASTES 3:19

Koro amadi se inɔmɔde nditɔ owo, oro ɔnɔmɔ mme unam: ŋkɔm ŋkpɔ kiet ɔnɔmɔ mmɔ; nte enye emi akpade, kpa ntre ke eken akpa; kpukpru mmɔ enyene kpasuk ibifik kiet; akakan eke owo akande unam inyuŋ iduhe koro kpukpru edide ikpikpu.

ECCLESIASTES 4:16

Kpukpru mbio oro inyeneke utit, kpa kpukpru mmɔ emi enye adade mmɔ ke iso; edi mmɔ eke editienede edem ididarake enye. Ŋkɔm emi ŋko edi ikpikpu ye idomo eke miwɔrɔke usuŋ.

ECCLESIASTES 4:4

Ndien nse ofuri ɔkpɔsɔŋ utom, ke kpukpru utom eke ɔwɔrɔde unen, nte ke enye edi ntak emi mbɔhiduŋ owo ofibede ufup ye owo. Emi ŋko onyuŋ edi ikpikpu ŋkpɔ ye idomo eke miwɔrɔke usuŋ.

ECCLESIASTES 4:8

Owo kiet odu, ndien efen iduhe; ndien enye inyeneke eyen, inyuŋ inyeneke eyen-eka: ndien ofuri ɔkpɔsɔŋ utom esie inyeneke utit; enyin esie ŋko iyuhɔke inyene; inyuŋ idɔhɔke ite, “Ami ŋkpakpa utom, nnyuŋ mbɔ ukpɔŋ mi eti ŋkpɔ, nnɔ anie?” Emi ŋko onyuŋ edi ikpikpu ŋkpɔ; onyuŋ edi ukut-ukut idomo.

ECCLESIASTES 5:9

Edi udori iŋwaŋ ana ɔnɔ kpukpru: eda iŋwaŋ enam ŋkpɔ enɔ edidem.

ECCLESIASTES 6:7

Ofuri utom owo edi ke eke inua esiemɔ, edi itɔŋ esie iyuhɔke.

MATTHEW 6:19

Ekubon ŋkpɔ-uto enim enɔ idem ke isɔŋ, ke ɔtɔ nte uta-ŋkpɔ ye ŋkarafaŋ ebiatde ŋkpɔ, inɔ enyuŋ ebuŋde, eduk, eyip:

MATTHEW 6:24

Baba owo kiet ikemeke ndisaŋa utom mme ete iba: koro enye eyesua kiet, ama eken; midige ntre, enye eyesɔŋɔ ada ye kiet, esin enye eken ke ndek. Mbufo ikemeke ndisaŋa utom Abasi ye eke mammon.

LUKE 12:15

Enye onyuŋ ɔdɔhɔ mmɔ ete, Etim ekpeme idem mbufo ke kpukpru oruk erisin esit ke ŋkpɔ owo: koro owo enyene se enyenyene, uwem esie isineke enye ke ubɔk.

1ŊWED TIMOTHY 6:10

Koro itɔŋ inyene edi oruŋ kpukpru oruk mme idiɔk-ŋkpɔ; ndien ke erinyanare mbine enye, ndusuk owo ema eyo ekpɔŋ mbuɔtidem, enyuŋ eda ediwak mfuhɔ enɔ idem mmɔ unan.