ECCLESIASTES 5:1 - Edisana ñwed Abasi Ibom

¹ KPEME ukot fo ke adaŋemi afo akade ke ufɔk Abasi, ndien ndisaŋa ŋkpere man okop, ɔfɔn akan uwa eke ndisime owo awade: koro mmɔ mikereke ite ke mmimɔ inam idiɔk.

ECCLESIASTES 5:1 ပူးပေါင်းရင်းမြစ်များ

2 CHRONICLES 26:16

Ekem adaŋemi enye ɔsɔŋɔde ntre, esit esie akabare okpon, esin enye ɔdiɔk, ndien enye edue Jehovah Abasi esie, onyuŋ oduk ke temple Jehovah ndifɔp incense ke itie ufɔp incense.

ŊWED JOB 11:2

Nte idibɔrɔke uwak ikɔ? Nte ɔtɔri utɔri edikaŋ idem esie?

ŊWED JOB 22:12

Nte Abasi iduhe ke edikoŋ ikpa-enyɔŋ? Nyuŋ se ibuot ntantafiɔŋ nte mmɔ ekoŋde!

ŊWED MME PSALM 89:7

Abasi ekpenyene uteŋe ke odu ndisana owo; ndik esie okonyuŋ odoro kpukpru owo eke ekande enye ekuk.

EXODUS 3:5

Ndien enye ɔdɔhɔ ete, Kusaŋa ukpere ken; sio ikpa-ukot fo ke ukot fo fep: koro ɔtɔ oro afo adade ke esit edi edisana isɔŋ.

EXODUS 30:18

Nyuŋ da okpoho nam akpaŋ-ŋkpaŋ uyere mmɔŋ, ye ukot esie; ndien diɔk enye ke ufɔt tent esop ye itie-uwa, nyuŋ sin mmɔŋ ke esit.

MME ŊKE 10:19

Awak ikɔ inua itreke ndidue: edi owo eke omumde mkpɔk-inua esie akama edi ɔniɔŋ.

MME ŊKE 15:8

Jehovah abat uwa mme idiɔk owo ke mbubiam: edi akam mbon eti ido enem enye esit.

MME ŊKE 21:27

Uwa idiɔk ido edi mbubiam: ŋwaŋwa ediso ke adaŋemi enye adade enye edi ye idiɔk ekikere.

ISAIAH 66:3

Eke ɔyɔkde enaŋ owot owo; eke awade eyen erɔŋ atuak ebua itɔŋ; eke odoride inuak-udia osime iyip edi; eke ɔfɔpde incense ɔkɔm ibɔk. Mmɔ ememek usuŋ mmɔ ŋko, ŋkpɔ mbubiam mmɔ enyuŋ enem mmɔ esit.

LEVITICUS 10:3

Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo.

UTOM MME APOSTLE 10:33

Mmɔdo idaha oro ndɔŋ ebine fi; ndien omotim anam emi ama edi. Mmɔdo ke emi kpukpru nnyin idu mi ke iso Abasi, man ikop kpukpru se Jehovah ɔdɔhɔde fi etiŋ.

UTOM MME APOSTLE 17:11

Mmɔ emi edi enyene-ido ekan mme andiduŋ Thessalonica; mmɔ ekop ikɔ ke erinyime esit, enyuŋ eduŋɔre ŋwed Abasi ke usen ke usen, ete ifiɔk mme mme ikɔ oro ekem ntre.

1 ŊWED CORINTH 11:22

Mme nte mbufo inyeneke ufɔk eke etiede ke esit edia enyuŋ eŋwɔŋ ŋkpɔ? mme nte mbufo esin ufɔk Abasi ke ndek, enyuŋ esuene mmɔ emi edide ubuene? nso ke ŋkpetetiŋ ye mbufo? Nte nditoro mbufo ke ŋkpɔ emi? Ntoroke mbufo.

MME HEBREW 10:26

Koro edieke nnyin iduede ke nkoi-nnam, ke ini nnyin ima ikɔbɔ ifiɔk akpanikɔ, uwa iduhe aba inɔ idiɔk-ŋkpɔ, edi idori-enyin ikpe eke enyenede ndik,

JAMES 1:19

Mbufo efiɔk emi, ndima nditɔ-ete mi. Edi yak kpukpru owo esɔp ndikop ikɔ, ekusɔp nditiŋ ikɔ, ekusɔp ndiyat esit;

JOSHUA 5:15

Ndien etubom mbon - ekɔŋ Jehovah ɔdɔhɔ Joshua, ete, Sio ikpa-ukot fo ke ukot fo fep: koro ebiet emi afo adade ke esit edide edisana. Ndien Joshua anam ntre.