ECCLESIASTES 4:10 - Edisana ñwed Abasi Ibom

¹⁰ Koro edieke mmɔ eduɔŋɔde, kiet eyemenere ufan esie: edi mbɔm ikpɔŋ owo eke ɔduɔde, ndien owo efen eke emenerede enye miduhe.

ECCLESIASTES 4:10 ပူးပေါင်းရင်းမြစ်များ

GENESIS 4:8

Ndien Cain ɔdɔhɔ ikɔ ye Abel, eyen-eka esie: edikem, ke mmɔ edude ke iŋwaŋ, Cain adaha ke enyɔŋ anam ikɔ ye Abel eyen-eka esie, onyuŋ owot enye.

2 SAMUEL 11:27

Ekem adaŋemi utua-eyet okurede, David ɔdɔŋ ekeda enye edi ke ufɔk esie, ndien enye akabare edi ŋwan esie, onyuŋ aman eyen ɔnɔ enye. Edi ŋkpɔ oro David akanamde ntre ayat Jehovah esit.

2 SAMUEL 14:6

Ofin aŋwan fo okonyuŋ enyene nditɔ-iren iba, ndien mmɔ mbiba eŋwana eŋwan ke iŋwaŋ, baba owo kiet eke adianarede mmɔ efep inyuŋ iduhe ndien kiet ɔtɔ kiet owot.

EXODUS 32:21

Ndien Moses ɔdɔhɔ Aaron, ete, Mbio emi ekenam fi nso ŋkpɔ, eke esinde fi ada akwa idiɔk-ŋkpɔ odori mmɔ?

ECCLESIASTES 4:11

Ndien ŋko, edieke owo iba enade ɔtɔ kiet, mmɔ ekop ufiop; edi ikpɔŋ owo edikop ufiop didie?

ECCLESIASTES 4:9

Owo iba efɔn ekan owo kiet; koro mmɔ ediade eti ŋkpɔ eyen utom mmɔ.

ŊWED MBON GALATIA 6:1

NDITƆ-ETE, edieke ekutde owo ke ndudue ekededi, mbufo, emi edide mbon spirit, esaŋa ke spirit ifure-ifure ido, eda enye efiak esin ke itie; nyuŋ kpeme idem, mbak edidomo fi ŋko.

1 ŊWED THESSALONICA 4:18

Mmɔdo emen ikɔ emi edɔŋ kiet eken esit.

1 ŊWED THESSALONICA 5:11

Mmɔdo mbufo esɔŋɔ kiet eken esit, enyuŋ enam kiet eken ɔkɔri, kpa nte mbufo enanam.

1 SAMUEL 23:16

Ekem Jonathan eyen Saul adaha ke enyɔŋ, aka okosim David ke akai, onyuŋ ɔsɔŋɔ enye ubɔk ke Abasi.