ECCLESIASTES 3:3 - Edisana ñwed Abasi Ibom

³ ini eke ewotde, ye ini eke ekɔkde (unan); ini eke ewuride, ye ini eke ediɔŋde;

ECCLESIASTES 3:3 ပူးပေါင်းရင်းမြစ်များ

GENESIS 9:6

Ama edi owo eke ɔduɔkde iyip owo, owo eyeduɔk iyip esie: koro ke mbiet Abasi ke enye akanam owo.

ISAIAH 44:26

edi enye ɔsɔŋɔ owuk ikɔ owo esie, onyuŋ anam item mme isuŋutom esie ɔwɔrɔ; emi ɔdɔhɔde Jerusalem, ete, Eyeduŋ enye ke esit; ɔdɔhɔ mme obio Judah, ete, Eyebɔp mmɔ, ami nyenyuŋ ndiɔŋ ŋwure esie:

ISAIAH 6:10

Nam esit mbio emi odobi, nyuŋ nam utɔŋ odobi mmɔ, nyuŋ tibi mmɔ enyin: mbak mmɔ edikut ke enyin mmɔ, edinyuŋ ekop ke utɔŋ mmɔ, enyuŋ etim efiɔk ŋkpɔ ke esit mmɔ, enyuŋ ekabare, ndien ekɔk mmɔ. Ndien ndɔhɔ nte, Ɔbɔŋ adaŋa didie?

JEREMIAH 1:10

Sese, mfin emi mmonim fi nte akan mme idut ye mme obio, onyuŋ odibere onyuŋ owuri, nte osobo onyuŋ abiat, nte ɔbɔp onyuŋ ɔtɔ.

JEREMIAH 31:28

Jehovah onyuŋ ɔdɔhɔ, ete, Ama ekem, kpa nte ŋkpemede mbaŋa mmɔ, man ndibere, nnyuŋ ŋwuri nnyuŋ nsobo, nnyuŋ mbiat, nnyuŋ ntuk: kpasuk ntre ke ndikpeme mbaŋa mmɔ, man mbɔp nnyuŋ ntɔ.

JEREMIAH 33:6

Sese, ami nyeda ibɔk ukure unan ndian enye, nyenyuŋ ŋkɔk mmɔ, nnyuŋ nyarare uwak emem ye akpanikɔ nnɔ mmɔ.

JEREMIAH 45:4

Dɔhɔ ntem ye enye, ete, Ntem ke Jehovah ɔdɔhɔ, ete, Sese, ami mmɔŋ ŋwuri se ŋkɔbɔpde, nnyuŋ ndibere se ŋkɔtɔde, kpasuk ofuri isɔŋ oro.

EZEKIEL 13:14

Ndien nyebiat ibibene emi mbufo eyetde ndom, nnyuŋ ŋwuri enye tutu osim isɔŋ, ndien nyeyarare ɔtɔ emi enye odorode ke esit, ndien enye eyeduɔ, mbufo eyenyuŋ etak ke esit: ndien mbufo eyefiɔk ete ke ami ndi Jehovah.

HAGGAI 1:2

Ntem ke Jehovah mme udim ɔdɔhɔ, ete, Mbio-obio emi edɔhɔ ete, Ini ikemke, ini eke ekpebɔpde ufɔk Jehovah.

HAGGAI 1:4

Nte edi ini eke mbufo ekpeduŋde ke ufɔk mbufo eke ekɔŋde ke obukpɔk, ndien ufɔk emi abiara?

ZECHARIAH 1:12

Ndien angel ɔbɔrɔ, ete, O Jehovah mme udim, adaŋa didie ke afo udutuaha Jerusalem mbɔm, ye mme obio Judah emi afo ayatde esit ye mmɔ ke ofuri isua ata ye duop emi?

DEUTERONOMY 32:39

Mbufo ese, ndien, ete ke ami, ami, ndi enye, abasi inyuŋ iduhe idian ye ami: ami ŋwot, nnyuŋ nnim owo uwem; ami nnɔ unan, nnyuŋ nsiri: baba owo kiet eke osiode ke ubɔk mi, inyuŋ iduhe.

1 SAMUEL 2:25

Edieke owo eduede ye owo, Abasi eyekpe ikpe esie; edi edieke owo eduede ye Jehovah, anie edikpe ubɔk inɔ enye? Edi mmɔ ikopke uyo ete mmɔ, koro Jehovah amade ndiwot mmɔ.

1 SAMUEL 2:6

Jehovah owot, onyuŋ onim ke uwem: enye anam ɔsuhɔre ke udi, onyuŋ anam eset.