ECCLESIASTES 3:18 - Edisana ñwed Abasi Ibom

¹⁸ Ami ŋkɔdɔhɔ ke esit mi, nte (edi ntre) abaŋa nditɔ owo, man Abasi ɔduŋɔ mmɔ, man enyuŋ ekut ete ke mmimɔ idi mme unam ke idem mmimɔ.

ECCLESIASTES 3:18 ပူးပေါင်းရင်းမြစ်များ

ŊWED JOB 15:16

Ŋwaŋwa ediso se idehede inyuŋ ibiarade, kpa owo emi ɔŋwɔŋde idiɔk ido nte mmɔŋ!

ŊWED JOB 40:8

Nte afo ediwuhɔre ikpe mi? anam ikpe otip mi, man etebe fi?

ŊWED MME PSALM 49:12

Edi owo ibigike ke ukpono: enye ebiet mme unam, emi esobode.

ŊWED MME PSALM 49:14

Esin mmɔ ke udi nte otu erɔŋ; mkpa eyedia mmɔ; ndien ndinen owo eyekara mmɔ ke usenubɔk; udi eyenyuŋ enyene ndisio mmɔ ke iduŋ mmɔ nsobo mmɔ idem.

ŊWED MME PSALM 51:4

Mmedue fi, kpa fi ikpɔŋ, mmonyuŋ nnam idiɔk ke iso fo: man afo enen ke ikɔ fo, onyuŋ edi edisana ke ini afo ekpede ikpe.

ŊWED MME PSALM 73:22

Ami nnyuŋ ndi ndisime, nnyuŋ mfiɔkke ŋkpɔ; ntie nte unam ye afo.

ŊWED MBON ROME 3:4

Yak ewut ete Abasi edi akpanikɔ, kpukpru owo ekpedi mme osu-nsu nte ewetde ete, Man ekpetebe Fi ke ikɔ Fo. Afo onyuŋ akan ke ini ekpede ikpe ye Afo.

ŊWED MBON ROME 9:23

man oto do Enye akpayarare uwak ubɔŋ Esie ke idem mme eso mbɔm, emi Enye ekebemde iso onim ɔnɔ ubɔŋ;

MME HEBREW 9:27

Ndien kpa nte ema enim enɔ owo ndikpa ini kiet, ndinyuŋ nda ke itie-ikpe ke oro ebede;

1 PETER 1:24

Koro, Ofuri obukidem etie nte mbiet, Ofuri ubɔŋ esie onyuŋ ebiet ediye ikɔŋ-ikɔt; Mbiet amasat, ediye ikɔŋ onyuŋ okibe;

2 PETER 2:12

Edi mme mmɔ emi, nte ŋkpɔ-uwem eke minyeneke ibuot, eke emanade ke uduot unam, man ekpemum mmɔ ewot, esuŋi ebaŋa se mmɔ mifiɔkke; eyeda nsobo unam esobo mmɔ; mmɔ eyenyuŋ ebɔ idiɔk ke utip idiɔk erinam mmɔ.