ECCLESIASTES 3:14 - Edisana ñwed Abasi Ibom

¹⁴ Mmɔfiɔk nte ke kpukpru se Abasi anamde edibigi ke nsinsi: inyeneke nte ediande ŋkpɔ ke esit, inyuŋ inyeneke nte esiode ŋkpɔ ke esit efep: ndien Abasi anam ntem, man mmɔ efehe ndik ke iso esie.

ECCLESIASTES 3:14 ပူးပေါင်းရင်းမြစ်များ

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

ŊWED MME PSALM 33:11

Uduak Jehovah eyeda ke nsinsi, mme ekikere esit esie ke ofuri emana.

ŊWED MBON ROME 11:36

Koro kpukpru ŋkpɔ eto Enye, enyuŋ edu ke Enye, enyuŋ ena enɔ Enye. Ubɔŋ enyene Enye ke nsinsi. Amen.

UTOM MME APOSTLE 5:39

edi edieke otode Abasi, mbufo idikemeke ndiwuri mmɔ; mbak mbufo edikut idem nte eŋwanade ye Abasi.

MME ŊKE 30:6

Kuda ikɔ efen ukɔrɔ ke ikɔ esie, mbak enye edisua ɔnɔ fi, edinyuŋ abat fi ke osu-nsu.

TITUS 1:2

Eke Abasi, emi mikemeke ndisu nsu, ekebemde nsinsi ini iso ɔŋwɔŋɔ;

MME ŊKE 21:30

Baba eti ibuot, baba mbufiɔk, baba item eke ekemde ye Jehovah iduhe.

ŊWED MBON EPHESUS 3:11

nte asaŋade ekekem ye nsinsi uduak emi Enye akaduakde ke Christ Jesus Ɔbɔŋ nnyin:

UTOM MME APOSTLE 4:28

man mmɔ enam ŋkpɔ ekededi eke ubɔk Fo ye uduak Fo ekebemde iso onim ete ediwɔrɔ osu.

UTOM MME APOSTLE 2:23

ke ɔkpɔsɔŋ uduak ye mbe-iso ifiɔk Abasi ke ekeda kpa Jesus emi eyak ke ubɔk mme anana-ibet, ekɔŋ ke cross ewot.

ISAIAH 46:10

Emi nsiakde akpatre ke akpa, ndien ke eset nsiak se minamke kaŋa, nte ke uduak mi eyeda, ndien nyenam kpukpru se mmade.

ECCLESIASTES 7:18

Ɔfɔn nte afo ɔsɔŋɔde omum emi; kunyuŋ usio ubɔk ke ŋkpɔ emi ufep: koro owo eke abakde Abasi eyewɔrɔ ke mme mmɔ emi kpukpru ɔbɔhɔ.

ECCLESIASTES 5:7

Koro se idide ikpikpu onyuŋ odu ke uwak ndap ŋko: kpa ntre ŋko odu ke uwak ikɔ: edi bak Abasi.

MME ŊKE 19:21

Ediwak ekikere edu owo ke esit: edi edi uduak Jehovah edisu.

ŊWED MME PSALM 76:10

Koro ifuresit owo otorode fi: afo ada ifuresut eke ɔsuhɔde ɔbɔbɔ ke idem.

ŊWED MME PSALM 64:9

Ndien kpukpru owo edikhe, enyuŋ ebuk utom Abasi: enyuŋ etim efiɔk se enye anamde.

ERIYARARE 15:4

Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.

DANIEL 8:8

Ekem okpo ebot oro akabare okpon eti-eti; ndien adaŋemi enye ɔsɔŋɔde, akamba nduk oro ɔbuŋɔ; ndien ikpɔ nduk inaŋ eke esede ofum enyɔŋ mbinaŋ, etibe ke itie esie.

ECCLESIASTES 12:13

Yak nnyin ikop utit ofuri ŋkpɔ emi: bak Abasi, nyuŋ nim mbet esie: koro emi edi eke kpukpru owo.

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

2 SAMUEL 22:31

Abasi! usuŋ esie ɔfɔn ama: ema edomo uyo Jehovah; enye edi otu - ekɔŋ kpukpru mmɔ eke ebuɔtde idem mmɔ ye enye.

ECCLESIASTES 5:6

Kuyak inua fo esin obukidem fo anam idiɔk: kunyuŋ udɔhɔ ke iso isuŋtom, ete ke ekedi ndudue: ke didie ke Abasi ediyaresit ye uyo fo, ndien abiat se ubɔk fo anamde?