ECCLESIASTES 3:13 - Edisana ñwed Abasi Ibom

¹³ Ndien ŋko ama edi kpukpru owo eke ediade ŋkpɔ enyuŋ eŋwɔŋde, enyuŋ ekutde eti ŋkpɔ ke kpukpru ɔkpɔsɔŋ utom mmɔ, emi onyuŋ edi enɔ Abasi.

ECCLESIASTES 3:13 ပူးပေါင်းရင်းမြစ်များ

ECCLESIASTES 9:7

Ka kadia udia fo ke idaresit, nyuŋ ŋwɔŋ wine fo ke inemesit: koro utom fo ama enem Abasi esit ama.

ECCLESIASTES 2:24

Baba ŋkpɔ kiet ifɔnke ye owo, ikan ndidia ŋkpɔ, nnyuŋ ŋŋwɔŋ, nnyuŋ nnam ukpɔŋ esie adia se ifɔnde ke utom esiemɔ. Ama edi emi ŋko, ami mmokut nte ke oto Abasi ke ubɔk.

ŊWED MME PSALM 128:2

Koro afo edidiade utom ubɔk fo: ɔfɔn ɔnɔ fi, afo onyuŋ okut eti ŋkpɔ.

ECCLESIASTES 6:2

kpa owo eke Abasi ɔnɔde enye ata ediwak inyene eti-eti, ye ubɔŋ, ndien baba ŋkpɔ kiet eke ukpɔŋ esie amade, inanake enye, edi Abasi iyakke enye ekeme ndidia ke esit; koro isen owo edidiade enye: emi edi ikpikpu, onyuŋ edi idiɔk udɔŋɔ.

DEUTERONOMY 12:7

Ndien mbufo edia ŋkpɔ do ke iso Jehovah Abasi mbufo, enyuŋ edat esit ke kpukpru ŋkpɔ eke mbufo enyande ubɔk mbufo ke esit, kpa mbufo ye mme ufɔk mbufo, ke se Jehovah adade ɔdiɔŋ mbufo.

DEUTERONOMY 26:11

ndien dat esit ke kpukpru ufɔn emi Jehovah Abasi fo ɔnɔde fi ye ufɔk fo, afo, ye mme Levite, ye esen owo eke odude ke otu fo.

ŊWED MME PSALM 34:12

Edi anie owo ke itɔŋ uwem ɔdɔŋ enye, ke ama ini eke okutde nti ŋkpɔ?

ECCLESIASTES 2:3

Ŋkekere ke esit mi, nte nda wine mbɔk idem mi, esit mi onyuŋ osuk ada mbufiɔk eteme (mi) usuŋ: nte nnyuŋ mmum ndisime ŋkama, tutu ndikut se ifɔnde ye nditɔ owo, eke mmɔ ekpenamde ke idak ikpa-enyɔŋ, ka adaŋa ibat mme usen uwem mmɔ.

ECCLESIASTES 8:15

Ndien ami ntoro idara, koro owo minyeneke eti ŋkpɔ ke idak utin, ke mibɔhɔke ndidia ŋkpɔ, nnyuŋ ŋŋwɔŋ, nnyuŋ ndara: ndien edi emi edidiana ye enye ke utom esie, ke ofuri uwem esie emi Abasi ɔnɔde enye ke idak utin.