ECCLESIASTES 3:12 - Edisana ñwed Abasi Ibom

¹² Mmɔfiɔk nte ke baba eti ŋkpɔ kiet iduhe mmɔ ke esit, ke mibɔhɔke owo ndidat esit, nnyuŋ nnam se ifɔnde ke uwem esie.

ECCLESIASTES 3:12 ပူးပေါင်းရင်းမြစ်များ

ŊWED MME PSALM 37:3

Buɔt idem ye Jehovah, nyuŋ nam se ifɔnde; duŋ ke isɔŋ, nyuŋ dia akpanikɔ.

ECCLESIASTES 11:9

O akparawa, dara ke uyen fo; yak esit fo onyuŋ enem fi ke usen emi afo edide akparawa, nyuŋ tiene usuŋ esit fo, ye se enyin fo okutde: edi fiɔk ete ke Abasi edikot fi edi ikpe abaŋa kpukpru ŋkpɔ emi.

ECCLESIASTES 2:24

Baba ŋkpɔ kiet ifɔnke ye owo, ikan ndidia ŋkpɔ, nnyuŋ ŋŋwɔŋ, nnyuŋ nnam ukpɔŋ esie adia se ifɔnde ke utom esiemɔ. Ama edi emi ŋko, ami mmokut nte ke oto Abasi ke ubɔk.

ECCLESIASTES 2:3

Ŋkekere ke esit mi, nte nda wine mbɔk idem mi, esit mi onyuŋ osuk ada mbufiɔk eteme (mi) usuŋ: nte nnyuŋ mmum ndisime ŋkama, tutu ndikut se ifɔnde ye nditɔ owo, eke mmɔ ekpenamde ke idak ikpa-enyɔŋ, ka adaŋa ibat mme usen uwem mmɔ.

ECCLESIASTES 3:22

Ndien ŋkut nte ke eti ŋkpɔ iduhe ikan nte owo adatde esit ke se enye anamde: koro udeme esie edi oro: koro anie edida enye owut se ididude enye ke edem?

ECCLESIASTES 8:15

Ndien ami ntoro idara, koro owo minyeneke eti ŋkpɔ ke idak utin, ke mibɔhɔke ndidia ŋkpɔ, nnyuŋ ŋŋwɔŋ, nnyuŋ ndara: ndien edi emi edidiana ye enye ke utom esie, ke ofuri uwem esie emi Abasi ɔnɔde enye ke idak utin.

ISAIAH 64:5

Afo osobo ye owo eke adatde esit ke erinam edinen ido, eke adade usuŋ fo eti fi. Sese, afo amayat esit: ndien nnyin inam idiɔk: nsinsi ubigi odu mmɔ oro ke esit, ndien eyenyaŋa nnyin.

LUKE 11:41

Ekam eda mme ŋkpɔ eke edude ke esit mmɔ enɔ mme ubuene, ndien sese, kpukpru ŋkpɔ esana enɔ mbufo.

UTOM MME APOSTLE 20:35

Ke kpukpru ŋkpɔ ŋkɔnɔ mbufo uwut-ŋkpɔ, man mbufo enam utom ntem eŋwam mbio mmem-idem, enyuŋ eti ikɔ Ɔbɔŋ Jesus, emi Enye ɔdɔhɔde ete, Ɔfɔn ndinɔ akan ndibɔ.

DEUTERONOMY 12:18

edi ke iso Jehovah Abasi fo ke afo edidia enye ke ebiet emi Jehovah Abasi fo edimekde, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye mme Levite emi eduŋde ke obio fo: ndien dat esit ke iso Jehovah Abasi fo ke kpukpru ŋkpɔ eke afo anyande ubɔk fo ke esit.

DEUTERONOMY 12:7

Ndien mbufo edia ŋkpɔ do ke iso Jehovah Abasi mbufo, enyuŋ edat esit ke kpukpru ŋkpɔ eke mbufo enyande ubɔk mbufo ke esit, kpa mbufo ye mme ufɔk mbufo, ke se Jehovah adade ɔdiɔŋ mbufo.

DEUTERONOMY 26:11

ndien dat esit ke kpukpru ufɔn emi Jehovah Abasi fo ɔnɔde fi ye ufɔk fo, afo, ye mme Levite, ye esen owo eke odude ke otu fo.

DEUTERONOMY 28:63

Ndien ama ekem, nte Jehovah akadatde esit abaŋa mbufo, ndifɔn ye mbufo, nnyuŋ nnam mbufo ewak; kpa ntre ke Jehovah edinyuŋ adat esit abaŋa mbufo ndibiat mbufo, nnyuŋ nsobo mbufo; ndien eyedibere mbufo efep ke isɔŋ emi mbufo ekade do ndida enye nnyene.

1ŊWED TIMOTHY 6:18

Dɔhɔ mmɔ ete, efɔn ido, enyuŋ enam nti utom uwak-uwak, enyuŋ etat ubɔk, enyime ndinɔ owo ŋkpɔ;