ECCLESIASTES 3:11 - Edisana ñwed Abasi Ibom

¹¹ Enye ama anam kpukpru ŋkpɔ eye ke ini mmɔ: ama onyuŋ esin mmɔ asian ke esit, koro edieke asian miduhe, owo ikemeke ndikut ŋkpɔ emi Abasi anamde, ɔtɔŋɔde ke ibuot tutu osim utit.

ECCLESIASTES 3:11 ပူးပေါင်းရင်းမြစ်များ

GENESIS 1:31

Ndien Abasi okut kpukpru se enye akanamde, ndien, sese efɔn eti eti. Ndien mbubreyo ye usenubɔk edi ɔyɔhɔ usen itiokiet.

ŊWED JOB 11:7

Nte afo emekeme ndiduŋɔ ata ifiɔk Abasi? Nte afo emekeme nditim ŋkut Ata Ɔkpɔsɔŋ mma?

ŊWED JOB 37:23

Abasi Ibom! nnyin ikemeke ndisim Enye: okpon odudu, ye ikpe, onyuŋ awak eti ido; iditukke tuk.

ŊWED JOB 5:9

Emi anamde ikpɔ ŋkpɔ eke mikemeke ndiduŋɔ; mme utibe ŋkpɔ tutu ekan ibat:

ŊWED MME PSALM 104:24

O Jehovah, ŋkpɔ emi afo anamde ewak didie! Afo amanam mmɔ kpukpru ke ifiɔk; inyene fo ɔyɔhɔ ke ererimbot.

MME ŊKE 16:4

Jehovah amanam kpukpru ŋkpɔ ɔnɔ se ikemde ye mmɔ: anam idem idiɔk owo ɔnɔ usen idiɔk.

ECCLESIASTES 1:13

Ndien nsin esit mi, nda ifiɔk nyom, nnyuŋ ntim nse kpukpru se enamde ke idak ikpa-enyɔŋ. Idiɔk utom kiet emi ke Abasi ɔmɔnɔ nditɔ owo, ete esin ubɔk ke esit.

ECCLESIASTES 11:5

Kpa nte afo mufiɔkke se idide usuŋ spirit, ye nte mme ɔkpɔ etiede ke idibi aŋwan eke oyomode: kpa ntre ŋko afo ufiɔkke utom Abasi emi anamde kpukpru.

ECCLESIASTES 7:13

Se ŋkpɔ emi Abasi anamde: koro anie ekeme ndineŋere se enye akwaŋde?

ECCLESIASTES 7:23

Mmada eti ibuot ndomo kpukpru ŋkpɔ emi nse: ndɔhɔ nte, Yak nnyene ibuot; edi eti ibuot oyom usuŋ ye ami.

ECCLESIASTES 7:29

Sese, mma ŋkut ŋkpɔ emi ikpɔŋ-ikpɔŋ, nte ke Abasi ama anam owo edinen; ndien mmɔ ema eyom ediwak idiɔk usuŋ.

ECCLESIASTES 8:17

ndien ŋkut kpukpru se Abasi anamde, nte ke owo ikemeke ndifiɔk se enamde ke idak utin: koro okposuk edi nte owo ediŋwanade nditim nnyuŋɔ, enye idikwe: ndien idem ɔfiɔkŋkpɔ owo ama ekere ete ke imɔ idifiɔk, enye idikemeke ndikut.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

MATTHEW 13:22

Enye emi esuande mkpasip ke ufɔt ikɔt ŋkukim, edi owo emi okopde ikɔ; ndien ekikere ŋkpɔ eyo emi ye abiaŋa inyene ababa ikɔ oro owot, ntre ke enye akabare anana mfri.

MARK 7:37

Ndien enyene mmɔ ndyɔ ebe adaŋa, mmɔ enyuŋ edɔhɔ ete, Enye ototim anam kpukpru ŋkpɔ; Enye anam kpa mme inan ekop ikɔ, mme imum enyuŋ etiŋ ikɔ.

ŊWED MBON ROME 1:28

Ndien sia mmɔ esinde ndinyene Abasi ke ifiɔk mmɔ, Abasi ada mmɔ ayak ɔnɔ obukpo esit ndinam mme ido eke midotke;

ŊWED MBON ROME 11:33

Uwak ɔniɔŋ ye ifiɔk Abasi edituŋɔ adaŋa didie! Mme ikpe Esie ekak owo ndiduŋɔre adaŋa didie, onyuŋ ayaŋa owo nditiene nde usuŋ Esie.

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.