ECCLESIASTES 2:9 - Edisana ñwed Abasi Ibom

⁹ Ndien ami ŋkabare ŋkpon, nnyuŋ ntɔt ŋkan kpukpru mmɔ emi ekebemde mi iso edu ke Jerusalem: ndien ifiɔk mi onyuŋ osuk odu mi ke idem.

ECCLESIASTES 2:9 ပူးပေါင်းရင်းမြစ်များ

1 NDIDEM 10:23

Ntem ke edidem Solomon okpon akan kpukpru ndidem ke ererimbot, ke inyene ye ke eti ibuot.

1 NDIDEM 10:7

Edi ŋkonimke ikɔ oro ke akpanikɔ tutu ndi, enyin mi enyuŋ ekut: ndien, sese, iketiŋke ibio inɔ mi; eti ibuot ye inyene emebe etop oro ŋkokopde.

1 NDIDEM 3:12

sese, mmanam ke uyo fo: sese, mmɔnɔ fi esit ifiɔk ye ɔniɔŋ; ndien baba owo kiet eke ebietde fi idinyuŋ itieneke fi edem idaha ida.

1 CHRONICLES 29:25

Ndien Jehovah anam Solomon okpon eti-eti ke iso ofuri Israel, onyuŋ ɔnɔ enye oruk ubɔŋ itie edidem eke akananam midoroke baba edidem Israel kiet eke ekebemde enye iso.

2 CHRONICLES 1:1

EKEM Solomon eyen David ɔsɔŋ etie ke ubɔŋ esie, Jehovah Abasi esie onyuŋ odu ye enye, onyuŋ anam enye okpon eti-eti.

ECCLESIASTES 1:16

Ami ŋkɔdɔhɔ ke esit mi, nte Sese, mmokpon, nnyuŋ ŋkɔ mbufiɔk ŋkan kpukpru mmɔ emi ebemde mi iso ekara Jerusalem: esit mi onyuŋ okut ata ediwak mbufiɔk ye ifiɔk.

ECCLESIASTES 5:11

Ke ini ŋkpɔ ewakde, mmɔ eke ediade mmɔ enyuŋ ewak; ndien mme andinyene mmɔ ekut nso udori ke mibɔhɔke erise mmɔ ke enyin?