ECCLESIASTES 2:8 - Edisana ñwed Abasi Ibom

⁸ Nnyuŋ ŋkɔ silver ye gold, ye inyene ndidem, ye eke mme province, nnɔ idem mi: nnyuŋ ŋkɔ mme ɔkwɔ-ikwɔ iren ye iban, ye ŋkpɔ eke enemde nditɔ owo esit, ɔbɔŋ-aŋwan ye iban-esa, nnɔ idem mi.

ECCLESIASTES 2:8 ပူးပေါင်းရင်းမြစ်များ

2 SAMUEL 19:35

Ami ndi owo isua anaŋ mfin emi: nte mmɔfiɔk se idide eti, ye se inyuŋ idide idiɔk? Nte owo fo okop inem ke se ndiade, ye ke se nnyuŋ ŋŋwɔŋde? Nte mmekeme ndikop ŋko uyo iren ye iban eke ekwɔde ikwɔ? Ke didie ndien ke owo fo okpobiomo ɔbɔŋ mi edidem?

1 NDIDEM 10:10

Ndien enye ɔnɔ edidem talent gold ikie ye edip, ye ediwak ufuɔ ŋkpɔ eti -eti, ye ɔsɔŋ-urua itiat: oruk uwak ufuɔ ŋkpɔ idige aba nte eke ɔbɔŋ aŋwan Sheba ɔkɔnɔde Solomon.

1 NDIDEM 10:14

Ndien udobi gold emi osimde Solomon ke isua kiet edi talent gold ikie itiokiet ye talent ata ye itiokiet,

1 NDIDEM 10:21

Ndien kpukpru uŋwɔŋ-ŋkpɔ edidem Solomon edi gold, kpukpru mkpoduoho ufɔk akai Lebanon enyuŋ edi ata eti gold: silver iduhe: ibatke enye ke baba ŋkpɔ kiet ke eyo Solomon.

1 NDIDEM 11:3

Ndien enye enyene iban eke edide nditɔ mbɔŋ ikie itiaba, ye iban esa ikie ita: ndien iban esie eyut enye esit.

1 NDIDEM 14:27

Ndien edidem Rehoboam ada okpoho anam otu-ekɔŋ ke ibuot mmɔ, ada mmɔ esin ke ubɔk mme etubom mme andikpeme edidem, emi ekpemede inua-otop ufɔk edidem.

1 NDIDEM 9:14

Ndien Hiram ɔkɔnɔ gold talent ikie ye edip esɔk edidem.

1 NDIDEM 9:28

Ndien mmɔ ema ke Ophir, ekeda talent gold ikie inaŋ ye edip do, edisɔk edidem Solomon.

1 CHRONICLES 25:1

NDIEN David ye mme etubom mme ŋka edianare nditɔ Asaph, ye eke Heman, ye eke Jeduthun, enɔ utom, man ebre harp, ye psaltery, ye cymbal; ndien ibat mme anam-ŋkpɔ nte utom mmɔ etiede, edi:

1 CHRONICLES 25:6

Ete mmɔ eteme mme mmɔ emi kpukpru ke ikwɔ ufɔk Jehovah, ke cymbal, ye psaltery, ye harp, ke utom ufɔk Abasi, kpa nte edidem ye Asaph, ye Jeduthun, ye Heman, etemede.

2 CHRONICLES 9:11

Ndien edidem ada eto algum oro, anam udigukot ke ufɔk Jehovah, ye ke ufɔk edidem, ye harp, ye psaltery, ɔnɔ mbon-ikwɔ: akananam ikwe oruk oro ke isɔŋ Judah.

EZRA 2:65

ekɔrɔ ye ifin iren mmɔ ye ifin iban mmɔ, emi esimde tɔsin itiaba, ye ikie ita ye edip ye efureba: ndien mme ɔkwɔ-ikwɔ iren ye iban ikie iba enyuŋ edu ke otu mmɔ.

ECCLESIASTES 1:2

Ɔkwɔrɔ-ikɔ ɔdɔhɔ, ete, Ata akpatre ikpikpu ŋkpɔ, ata akpatre ikpikpu ŋkpɔ; kpukpru ŋkpɔ edi ikpikpu.

DANIEL 3:15

Edi edieke mbufo enyimede ndien ndiduɔŋɔ ke isɔŋ nnyuŋ ntuak ibuot nnɔ owo o-gold emi ŋkowukde, ke adaŋemi mbufo edikopde uyo obukpoŋ, ye ifiom, ye harp, ye sacbut, ye psaltery, ye dulcimer, ye kpukpru oruk ndido, ɔfɔn: edi mbufo mituakke ibuot, ke ndo-ndo emi eyemen mbufo eduɔk ke akwa ikaŋ eke asakde; ndien ewe abasi odu eke edikemede ndinyaŋa mbufo nsio mi ke ubɔk?

DANIEL 3:5

Ke ini emi mbufo ekopde uyo obukpoŋ, ye ifiom, ye harp, ye sackbut, ye psaltery, ye dulcimer, ye kpukpru oruk ndido, mbufo eduɔŋɔ ke isɔŋ enyuŋ etuak ibuot enɔ owo o-gold emi edidem Nebuchadnezzar okonimde:

DANIEL 3:7

Oto oro kpasuk ini oro kpukpru mme idut ekopde uyo obukpoŋ, ye ifiom, ye harp, ye sackbut, ye psaltery, ye kpukpru oruk ndido, kpukpru mme idut ye obio ye usem eduɔŋɔ ke isɔŋ enyuŋ etuak ibuot enɔ owo o-gold oro edidem Nebuchadnezzar okonimde.

AMOS 6:5

eke ekwɔde harp ebɔ: mmɔ esin ibuot enam ndido idem mmɔ, nte David;