ECCLESIASTES 2:3 - Edisana ñwed Abasi Ibom

³ Ŋkekere ke esit mi, nte nda wine mbɔk idem mi, esit mi onyuŋ osuk ada mbufiɔk eteme (mi) usuŋ: nte nnyuŋ mmum ndisime ŋkama, tutu ndikut se ifɔnde ye nditɔ owo, eke mmɔ ekpenamde ke idak ikpa-enyɔŋ, ka adaŋa ibat mme usen uwem mmɔ.

ECCLESIASTES 2:3 ပူးပေါင်းရင်းမြစ်များ

GENESIS 47:9

uwem fo edi ifaŋ? Ndien Jacob ɔdɔhɔ Pharaoh ete, Isua emi ndaŋde edi isua ikie ye edip ye duop: isua uwem mi iwakke, mmɔ ediɔk, inyuŋ isimke isua uwem mme ete mi eke mmɔ ekedaŋde.

ŊWED JOB 14:14

Ke owo akpade, nte enye ediset? nyebet ke ofuri ini utom mi, tutu erikpuhɔre itie mi edi.

ŊWED MME PSALM 104:15

Wine onyuŋ enem owo esit, anam iso esie ayama akan aran, uyo onyuŋ anam esit ɔsɔŋɔ owo.

MME ŊKE 20:1

WINE edi asak nsahi, mmin edi ifiopesit: ndien kpukpru owo eke eduede ke esit enana ibuot.

ECCLESIASTES 1:17

Ami nnyuŋ nsin esit mi ndifiɔk mbufiɔk, ndinyuŋ mfiɔk idat ye ebiɔ. Mmɔfiɔk nte ke emi ŋko onyuŋ edi ikpikpu idomo.

ECCLESIASTES 10:19

Enam udia ke mbre, wine onyuŋ adat mme odu-uwem esit: inyene onyuŋ ɔbɔrɔ kpukpru ŋkpɔ.

ECCLESIASTES 12:13

Yak nnyin ikop utit ofuri ŋkpɔ emi: bak Abasi, nyuŋ nim mbet esie: koro emi edi eke kpukpru owo.

ECCLESIASTES 2:24

Baba ŋkpɔ kiet ifɔnke ye owo, ikan ndidia ŋkpɔ, nnyuŋ ŋŋwɔŋ, nnyuŋ nnam ukpɔŋ esie adia se ifɔnde ke utom esiemɔ. Ama edi emi ŋko, ami mmokut nte ke oto Abasi ke ubɔk.

ECCLESIASTES 5:18

Se ŋkpɔ emi ami nsede ke eti ŋkpɔ, ye ke ediye ŋkpɔ, kpa owo ndidia nnyuŋ ŋŋwɔŋ, nnyuŋ ŋkut se ifɔnde ke kpukpru utom esie, eke enye anamde ke idak utin, ke adaŋa ibat mme usen esie eke Abasi ɔnɔde enye: koro udeme esie edi oro.

ECCLESIASTES 6:12

Koro anie owo ɔfiɔk se ifɔnde ye owo ke uwem esie, ke adaŋa ibat usen ikpikpu uwem esie, emi enye adiade nte ukpɔŋ? ndien anie ekeme ndisian owo ŋkpɔ eke editienede enye odu ke idak utin?

ECCLESIASTES 7:18

Ɔfɔn nte afo ɔsɔŋɔde omum emi; kunyuŋ usio ubɔk ke ŋkpɔ emi ufep: koro owo eke abakde Abasi eyewɔrɔ ke mme mmɔ emi kpukpru ɔbɔhɔ.

ECCLESIASTES 7:25

Ndien ami nda esit mi ŋkabare ndifiɔk, nnyuŋ nduŋɔ, nnyuŋ nyom eti ibuot ye asian, nnyuŋ mfiɔk idiɔk ido nte ke edi ndisime, ye ndisime nte ke edi idat:

ECCLESIASTES 8:15

Ndien ami ntoro idara, koro owo minyeneke eti ŋkpɔ ke idak utin, ke mibɔhɔke ndidia ŋkpɔ, nnyuŋ ŋŋwɔŋ, nnyuŋ ndara: ndien edi emi edidiana ye enye ke utom esie, ke ofuri uwem esie emi Abasi ɔnɔde enye ke idak utin.

MATTHEW 6:24

Baba owo kiet ikemeke ndisaŋa utom mme ete iba: koro enye eyesua kiet, ama eken; midige ntre, enye eyesɔŋɔ ada ye kiet, esin enye eken ke ndek. Mbufo ikemeke ndisaŋa utom Abasi ye eke mammon.

ŊWED MBON EPHESUS 5:18

Ekunyuŋ ekpa mmin; oro ɔwɔrɔ otime -otime ido: edi eyɔhɔ ye spirit.

JUDGES 9:13

Edi vine ɔdɔhɔ mmɔ, ete, Nte ɔfɔn mi ndikpɔŋ wine mi, emi adatde Abasi ye owo esit, ndien ŋka ŋkenyeŋe ke enyɔŋ mme eto?

1 SAMUEL 25:36

Ndien Abigail aka ke ebiet Nabal; ndien, sese, enye ke onim akamba udia ke ufɔk esie, ebiet udia edidem; esit ke onyuŋ adat Nabal, enye onyuŋ akpa wine eti-eti: ndien ŋwan itiŋke baba ikɔ kiet inɔ enye, ekpekpri, okpokpon, tutu eyo esiere.