ECCLESIASTES 2:22 - Edisana ñwed Abasi Ibom

²² Koro nso ŋkpɔ ana ɔnɔ owo ke ofuri utom esie ye ɔkpɔsɔŋ ifik esit esiemɔ emi enye anamde ke idak utin?

ECCLESIASTES 2:22 ပူးပေါင်းရင်းမြစ်များ

ŊWED MME PSALM 127:2

Mbufo ndibak ndemere, nnyuŋ mbigi nditie, nnyuŋ nta uyo ukut, edi ikpikpu: ntem ke enye ɔnɔ ima esie idap.

MME ŊKE 16:26

Udɔŋ anam-utom anam ɔnɔ enye: koro edi inua esie esin enye.

ECCLESIASTES 1:3

Owo adia nso udori ke ofuri ɔkpɔsɔŋ utom esie emi enye anamde ke idak utin?

ECCLESIASTES 2:11

Ndien ŋwɔŋɔre nse kpukpru ŋkpɔ mi emi ubɔk mi enamde, ye ofuri utom emi ŋkaŋwanade ndinam: ndien sese, kpukpru edi ikpikpu ye idomo eke miwɔrɔke usuŋ: baba udori inyuŋ iduhe ke idak utin.

ECCLESIASTES 3:9

Owo eke anamde ŋkpɔ adia nso udori ke se enye akpade utom?

ECCLESIASTES 4:6

Ifure eke ɔyɔhɔde ubɔk kiet ɔfɔn akan ɔkpɔsɔŋ utom ye ikpikpu idomo eke eyɔhɔde ubɔk mbiba.

ECCLESIASTES 4:8

Owo kiet odu, ndien efen iduhe; ndien enye inyeneke eyen, inyuŋ inyeneke eyen-eka: ndien ofuri ɔkpɔsɔŋ utom esie inyeneke utit; enyin esie ŋko iyuhɔke inyene; inyuŋ idɔhɔke ite, “Ami ŋkpakpa utom, nnyuŋ mbɔ ukpɔŋ mi eti ŋkpɔ, nnɔ anie?” Emi ŋko onyuŋ edi ikpikpu ŋkpɔ; onyuŋ edi ukut-ukut idomo.

ECCLESIASTES 5:17

Ndien ŋko enye adia kpukpru usen esie ke ekim, onyuŋ okut ediwak iyaresit, ye udɔŋɔ, ye ifiopesit.

ECCLESIASTES 8:15

Ndien ami ntoro idara, koro owo minyeneke eti ŋkpɔ ke idak utin, ke mibɔhɔke ndidia ŋkpɔ, nnyuŋ ŋŋwɔŋ, nnyuŋ ndara: ndien edi emi edidiana ye enye ke utom esie, ke ofuri uwem esie emi Abasi ɔnɔde enye ke idak utin.

MATTHEW 16:26

Koro nso udori ke owo edikut, edieke enye adiade ofuri ererimbot, ndien ada uwen esie osio isop? mme nso ke owo edinɔ ke ibuot uwem esie?

MATTHEW 6:11

Nɔ nnyin udia eke ekemde nnyin ke usen mfin;

MATTHEW 6:25

Mmɔdo ndɔhɔ mbufo nte, Ekutimere esit ebaŋa uwem mbufo, ete ididia nso? mme idiŋwɔŋ nso? mme ebaŋa ikpɔhidem mbufo, ete idisine nso? Nte uwem ikanke udia? nte ikpɔhidem inyuŋ ikanke edisine-ŋkpɔ?

MATTHEW 6:34

Ekutimere esit ebaŋa mkpɔŋ ndien; koro mkpɔŋ eyeda utimere-esit esie edi. Afanikɔŋ usen ekem ye usen.

LUKE 12:22

Edi Enye ɔdɔhɔ mbet Esie ete, Mmɔdo ndɔhɔ mbufo nte, Ekutimere esit ebaŋa uwem mbufo, ete, ididia nso? mme ikpɔhidem mbufo, ete, idisine nso?

LUKE 12:29

Mbufo ekunyuŋ eyom se mbufo edidiade, ye se mbufo ediŋwɔŋde, ekunyuŋ eyik ke ekikere esit mbufo.

1 ŊWED CORINTH 16:16

Nyom mbufo esuk idem enɔ mmɔ emi etiede ntem, enyuŋ esuk idem enɔ kpukpru mmɔ emi eŋwamde ke utom, enyuŋ enamde utom ɔkpɔsɔŋ.

ŊWED MBON PHILIPPI 4:6

Ekutimere esit ke baba ŋkpɔ kiet, edi ke kpukpru ŋkpɔ, esaŋa ye akam ye mkpe-ubɔk ye ekɔm, esian Abasi se mbufo eyomde.

1ŊWED TIMOTHY 6:8

Mmɔdo edieke nnyin inyenede se idiade ye se idade ifuk iferi, nnyin iyekut ite oro ekem.

1 PETER 5:7

Etop kpukpru ɔkpɔsɔŋ ekikere eke otimerede mbufo esit eduɔk edori Enye, koro Enye ke ekere mbufo.