ECCLESIASTES 2:18 - Edisana ñwed Abasi Ibom

¹⁸ Ndien ŋko ami nsua ofuri ɔkpɔsɔŋ utom mi emi nnamde ke idak utin: koro nnyenede ndinim enye nnɔ owo eke editienede mi edem.

ECCLESIASTES 2:18 ပူးပေါင်းရင်းမြစ်များ

ŊWED MME PSALM 17:14

da ubɔk fo. O Jehovah, (nam mi mbɔhɔ) owo, kpa ererimbot emi udeme mmɔ odude ke uwem emi, afo eyenyuŋ ada nti ŋkpɔ fo ɔyɔhɔ mmɔ ke idibi: nditɔ eyeyuhɔ mmɔ; ndien mmɔ eyenim nsuhɔ mmɔ enɔ nditɔwɔŋ mmo.

ŊWED MME PSALM 39:6

Owo asasaŋa kpasuk nte ukpɔŋ: mmɔ enam afanikɔŋ edian idem mmɔ ke kpasuk ibifik: enye obok ŋkpɔ onim, ndien ifiɔkke owo eke editaŋde.

ŊWED MME PSALM 49:10

Koro enye eyekut; mme ɔfiɔk-ŋkpɔ owo eyekpaŋa; mbon ndisime ye eke unana-ibuot eyetak ini kiet, enyuŋ ekpɔŋ inyene mmɔ enɔ owo efen.

ECCLESIASTES 1:13

Ndien nsin esit mi, nda ifiɔk nyom, nnyuŋ ntim nse kpukpru se enamde ke idak ikpa-enyɔŋ. Idiɔk utom kiet emi ke Abasi ɔmɔnɔ nditɔ owo, ete esin ubɔk ke esit.

ECCLESIASTES 1:3

Owo adia nso udori ke ofuri ɔkpɔsɔŋ utom esie emi enye anamde ke idak utin?

ECCLESIASTES 2:11

Ndien ŋwɔŋɔre nse kpukpru ŋkpɔ mi emi ubɔk mi enamde, ye ofuri utom emi ŋkaŋwanade ndinam: ndien sese, kpukpru edi ikpikpu ye idomo eke miwɔrɔke usuŋ: baba udori inyuŋ iduhe ke idak utin.

ECCLESIASTES 2:21

Koro enyenede owo eke akanamde ŋkpɔ ke eti-ibuot, ye ke ifiɔk, ye ke ikike; ndien enye enyene ndida udeme esit nnɔ owo eke mika-namke ŋkpɔ ke esit. Emi ŋko edi ikpikpu ye akamba idiɔk ŋkpɔ.

ECCLESIASTES 2:26

Koro enye (Abasi) adade eti-ibuot, ye ifiɔk, ye idaresit, ɔnɔ owo eke ɔfɔnde enye ke iso: edi ama edi idiɔk owo, Enye ɔnɔ enye utom ete ɔkɔ, onyuŋ obon, man ada ɔnɔ owo eke ɔfɔnde Abasi ke iso. Emi onyuŋ edi ikpikpu ye idomo eke miwɔrɔke usuŋ.

ECCLESIASTES 3:22

Ndien ŋkut nte ke eti ŋkpɔ iduhe ikan nte owo adatde esit ke se enye anamde: koro udeme esie edi oro: koro anie edida enye owut se ididude enye ke edem?

ECCLESIASTES 4:3

Ndien ama edi owo eke mika-iduhe kaŋa, minyuŋ ikwe mme idiɔk ŋkpɔ emi enamde ke idak utin, ɔfɔn enye akan mmɔ mbiba.

ECCLESIASTES 5:18

Se ŋkpɔ emi ami nsede ke eti ŋkpɔ, ye ke ediye ŋkpɔ, kpa owo ndidia nnyuŋ ŋŋwɔŋ, nnyuŋ ŋkut se ifɔnde ke kpukpru utom esie, eke enye anamde ke idak utin, ke adaŋa ibat mme usen esie eke Abasi ɔnɔde enye: koro udeme esie edi oro.

ECCLESIASTES 9:9

Afo ye ŋwan emi afo amade, dia uwem kpukpru usen ikpikpu uwem fo, emi Enye ɔnɔde fi ke idak utin, kpa kpukpru usen ikpikpu uwem fo: koro enye emi edide udeme fo ke uwem, ye ke utom fo eke afo anamde ke idak utin.

LUKE 12:20

Edi Abasi ɔdɔhɔ enye ete, Afo anana ibuot, eye-kpak ukpɔŋ fo ke ubɔk fo ke okoneyo emi; ndien anie edidia ŋkpɔ eke ɔkɔkɔde onim?

1 ŊWED CORINTH 3:10

Nte mfɔn emi Abasi ɔkɔnɔde mi edide, nte etubom ubɔp-ufɔk emi enyenede eti ibuot, mma nnim itiat-ukot-ufɔk, owo efen ke onyuŋ ɔbɔp odori ke esit. Edi ɔfɔn kpukpru owo ekpeme se mmɔ ebɔpde edori ke esit.