ECCLESIASTES 1:13 - Edisana ñwed Abasi Ibom

¹³ Ndien nsin esit mi, nda ifiɔk nyom, nnyuŋ ntim nse kpukpru se enamde ke idak ikpa-enyɔŋ. Idiɔk utom kiet emi ke Abasi ɔmɔnɔ nditɔ owo, ete esin ubɔk ke esit.

ECCLESIASTES 1:13 ပူးပေါင်းရင်းမြစ်များ

ECCLESIASTES 3:10

Mma ŋkut utom emi Abasi ɔnɔde nditɔ owo, ete esin idem ke esit.

GENESIS 3:19

Ke ibibiak iso fo ke afo edidia udia, tutu edifiak ke isɔŋ emi esiode fi ke esit: koro afo edide ntan, eyenyuŋ afiak ke ntan.

ECCLESIASTES 1:17

Ami nnyuŋ nsin esit mi ndifiɔk mbufiɔk, ndinyuŋ mfiɔk idat ye ebiɔ. Mmɔfiɔk nte ke emi ŋko onyuŋ edi ikpikpu idomo.

1ŊWED TIMOTHY 4:15

Tiŋ enyin nam mme ŋkpɔ emi; sin idem ke esit ofuri-ofuri; man kpukpru owo ekut ŋkɔri fo ke eti ido.

ECCLESIASTES 12:12

Ndien ŋko-ŋko, eyen mi, kop item: erinam ediwak ŋwed inyeneke erikure; erikpep ŋkaha onyuŋ esin idem akpa mba.

ECCLESIASTES 7:25

Ndien ami nda esit mi ŋkabare ndifiɔk, nnyuŋ nduŋɔ, nnyuŋ nyom eti ibuot ye asian, nnyuŋ mfiɔk idiɔk ido nte ke edi ndisime, ye ndisime nte ke edi idat:

ECCLESIASTES 8:9

Ŋkokut kpukpru ŋkpɔ emi, nnyuŋ nnim ibuot ke kpukpru ŋkpɔ emi enamde ke idak utin: ini odu eke owo edide etubom owo, onyuŋ abiatde idem esie.

ECCLESIASTES 4:4

Ndien nse ofuri ɔkpɔsɔŋ utom, ke kpukpru utom eke ɔwɔrɔde unen, nte ke enye edi ntak emi mbɔhiduŋ owo ofibede ufup ye owo. Emi ŋko onyuŋ edi ikpikpu ŋkpɔ ye idomo eke miwɔrɔke usuŋ.

ECCLESIASTES 2:26

Koro enye (Abasi) adade eti-ibuot, ye ifiɔk, ye idaresit, ɔnɔ owo eke ɔfɔnde enye ke iso: edi ama edi idiɔk owo, Enye ɔnɔ enye utom ete ɔkɔ, onyuŋ obon, man ada ɔnɔ owo eke ɔfɔnde Abasi ke iso. Emi onyuŋ edi ikpikpu ye idomo eke miwɔrɔke usuŋ.

ECCLESIASTES 2:23

Koro kpukpru usen esie edide ndutuhɔ; utom esie onyuŋ edi uyat-uyat; ke idem okoneyo esit esie inaŋa suŋ. Emi ŋko onyuŋ edi ikpikpu.

MME ŊKE 23:26

Eyen mi, nɔ mi esit fo: Yak enyin fo enyuŋ etim ese usuŋ mi.

MME ŊKE 18:15

Esit asian enyene ifiɔk: ndien utɔŋ owo eti ibuot oyom ifiɔk.

MME ŊKE 18:1

OWO, ido esie ebine se enye oyomde; eyedada aka iso, ikereke item.

MME ŊKE 4:7

Ata akpan ŋkpɔ edi eti ibuot; nyene eti ibuot: nyuŋ nyene asian ye ofuri inyene fo.

ŊWED MME PSALM 111:2

Ŋkpɔ emi Jehovah anamde emekpon, etim enyuŋɔ mmɔ ke ofuri ima esit mmɔ.

ŊWED JOB 28:3

Owo onim utit ɔnɔ ekim, onyuŋ otim ɔduŋɔre ama, oyom itiat ekim ye eke mfut mkpa.

ECCLESIASTES 3:11

Enye ama anam kpukpru ŋkpɔ eye ke ini mmɔ: ama onyuŋ esin mmɔ asian ke esit, koro edieke asian miduhe, owo ikemeke ndikut ŋkpɔ emi Abasi anamde, ɔtɔŋɔde ke ibuot tutu osim utit.

ECCLESIASTES 4:8

Owo kiet odu, ndien efen iduhe; ndien enye inyeneke eyen, inyuŋ inyeneke eyen-eka: ndien ofuri ɔkpɔsɔŋ utom esie inyeneke utit; enyin esie ŋko iyuhɔke inyene; inyuŋ idɔhɔke ite, “Ami ŋkpakpa utom, nnyuŋ mbɔ ukpɔŋ mi eti ŋkpɔ, nnɔ anie?” Emi ŋko onyuŋ edi ikpikpu ŋkpɔ; onyuŋ edi ukut-ukut idomo.

ECCLESIASTES 11:5

Kpa nte afo mufiɔkke se idide usuŋ spirit, ye nte mme ɔkpɔ etiede ke idibi aŋwan eke oyomode: kpa ntre ŋko afo ufiɔkke utom Abasi emi anamde kpukpru.

MME ŊKE 25:2

Ndidip ŋkpɔ edi ubɔŋ Abasi: edi ndiyarare ŋkpɔ edi ubɔŋ edidem.