DEUTERONOMY 9:9 - Edisana ñwed Abasi Ibom

⁹ Ke adaŋemi ŋkɔdɔkde obot ŋka ndibɔ itiat-ŋwed ediomi emi Jehovah odiomide ye mbufo, ntie ke obot ke ofuri uwemeyo aba ye okoneyo aba, ndiaha udia, nnyuŋ ŋŋwɔŋke mmɔŋ,

DEUTERONOMY 9:9 ပူးပေါင်းရင်းမြစ်များ

1 NDIDEM 19:8

Ndien enye adaha ke enyɔŋ, adia, onyuŋ ɔŋwɔŋ, onyuŋ asaŋa ke odudu udia oro ke uwemeyo aba ye ke okoneyo aba, aka ke Horeb obot Abasi.

2 NDIDEM 6:22

Ndien enye ɔbɔrɔ ete, Kuwot: wot mmɔ eke afo omumde ke ofut fo ye utiga fo. Da uyo ye mmɔŋ nim ke iso mmɔ, man mmɔ eta, enyuŋ eŋwɔŋ; ndien yak mmɔ enyɔŋ etiene ete mmɔ.

EXODUS 24:12

Ndien Jehovah ɔdɔhɔ Moses, ete, Dɔk tiene mi ke obot, nyuŋ du do: ndien nyenɔ fi itiat ŋwed, ye mbet, ye ewuhɔ emi ŋwetde, nditeme mmɔ.

EXODUS 24:15

Ntre ke Moses ɔdɔk obot, obubit enyɔŋ onyuŋ ofuk obot.

EXODUS 24:18

Ndien Moses okoduk ke ufɔt obubit enyɔŋ, ɔdɔk obot; Moses onyuŋ odu ke obot oro ke uwemeyo aba ye okoneyo aba.

EXODUS 31:18

Ekem, adaŋemi Enye ama ɔkɔdɔhɔ ye Moses ama, ke obot Sinai, Enye ada ŋwed-ntiense iba, itiat-ŋwed, emi nnuenubɔk Abasi ekewetde ɔnɔ enye.

EXODUS 32:1

EDIKEM adaŋemi kpukpru owo ekutde nte Moses ebigide ndito ke enyɔŋ obot nsuhɔre, mmɔ esop idem ɔtɔ kiet etiene Aaron, enyuŋ edɔhɔ enye, ete, Daha ke enyɔŋ nam abasi kiet nɔ nnyin, eke edibemde nnyin iso aka: koro ama edi Moses, owo emi akadade nnyin ke isɔŋ Egypt, ɔdɔk edi, nnyin ifiɔkke se itibede ye enye.

EXODUS 34:28

Ndien enye odu do ye Jehovah ke uwemeyo aba ye okoneyo aba; itaha uyo, inyuŋ iŋwɔŋke mmɔŋ. Ndien Enye emen ikɔ ediomi emi, kpa mme ikɔ duop oro, ewet esin ke itiat-ŋwed oro.

MATTHEW 4:2

Enye inyuŋ idiaha ŋkpɔ uwemeyo aba ye okoneyo aba, ndien oro ema ekebe, Enye okop biɔŋ.

ŊWED MBON GALATIA 4:24

Ŋke odu ke esit oruk ŋkpɔ emi esine. Iban iba emi edi ediomi iba; kiet oto ke Obot Sinai, aman nditɔ esin ke ufin, emi edide Hagar.

DEUTERONOMY 8:3

Ntem ke enye ɔsuhɔre fi onyuŋ ayak fi etie biɔŋ, onyuŋ ada manna, emi afo mukɔfiɔkke, ye eke mme usɔ mikenyuŋ ifiɔkke, ɔnɔ fi adia; ete ikpep fi ite ke idige uyo ikpɔŋ-ikpɔŋ ke owo ada odu uwem, ke edi kpukpru se itode Jehovah ke inua ke owo ada odu uwem.

DEUTERONOMY 9:11

Edikem ke utit uwemeyo aba ye okoneyo aba, Jehovah ɔnɔ mi itiat-ŋwed ediomi iba oro.

DEUTERONOMY 9:15

Ndien ŋkabare nto ke obot nsuhɔre, obot onyuŋ asak ikaŋ itiat-ŋwed iba ediomi enyuŋ edu mi ke ubɔk mbiba.

DEUTERONOMY 9:18

Nnyuŋ nduɔ ke isɔŋ ke iso Jehovah, kpa nte eke akpa ini, ke uwemeyo aba, ye okoneyo aba; ndiaha udia, nnyuŋ ŋŋwɔŋke mmɔŋ, mbaŋa kpukpru mme idiɔk ido emi mbufo ekenamde, ke erinam se idiɔkde ke iso Jehovah, nnyuŋ nyat enye esit.

MME HEBREW 9:4

emi enyenede ŋkpɔ ufɔp-incense o-gold, ye ekebe ediomi emi edade gold efuk ekanare ekuk, emi eso o-gold emi mana esinede ke esit,