DEUTERONOMY 9:5 - Edisana ñwed Abasi Ibom

⁵ Idige eti ido fo, inyuŋ idige eti esit fo esin fi oduk aka akada isɔŋ mmɔ: koro edi idiɔk ido mme idut emi esin Jehovah Abasi fo osio mmɔ ke iso fo efep, man enye onyuŋ anam ikɔ esie osu nte Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob.

DEUTERONOMY 9:5 ပူးပေါင်းရင်းမြစ်များ

GENESIS 12:7

Ndien Jehovah ayarade idem esie ɔnɔ Abram ete, Nyemen isɔŋ emi nnɔ ubon fo; ndien enye anam itie uwa do ɔnɔ Jehovah emi akayararede idem esie ɔnɔ enye.

GENESIS 13:15

ye nnasia; koro nyeda ofuri isɔŋ emi afo okutde, nnɔ fi ye ubon fo ke nsinsi.

GENESIS 15:16

Ndien ke ɔyɔhɔ emana inaŋ mmɔ eyenyɔŋ ken: koro mme idiɔkŋkpɔ mme Amorite mika-iyɔhɔke kaŋa.

GENESIS 15:7

Ndien enye ɔdɔhɔ enye, ete, Ami ndi Jehovah emi ŋkosiode fi ke Ur mme Chaldee, nte nnɔ fi isɔŋ emi ada enye enyene.

GENESIS 17:8

Nyenyuŋ nda isɔŋ emi afo edide esen owo ke esit, kpa ofuri isɔŋ Canaan nnɔ fi, ye ubon fo eke editienede fi, ke nsinsi udeme; ndien ami nyedi Abasi mmɔ.

GENESIS 19:29

furnace. Edikem, ke ini Abasi osobode obio una-isɔŋ oro, ndien Abasi eti Abraham, onyuŋ osio Lot efep ke ŋwure oro, ke ini Enye owuride obio oro Lot oduŋde ke esit.

GENESIS 26:4

nyenyuŋ nnam ubon fo ɔtɔt nte ntantafiɔŋ ke enyɔŋ, nnyuŋ nnɔ ubon fo mme idut emi kpukpru: ndien ofuri ekondo eyekut mfɔn

GENESIS 28:13

Ndien, sese, Jehovah adada ke enyɔŋ, ete, Ami ndi Jehovah Abasi Abraham usɔ, ye Abasi Isaac nde: nda isɔŋ emi afo anade ke esit nnɔ fi ye ubon fo.

EXODUS 32:13

Ti Abraham, ye Isaac, ye Israel, ikɔt fo emi afo ɔkɔŋwɔŋɔde ma idem fo ɔnɔ mmɔ, okonyuŋ ɔdɔhɔde mmɔ ete, Nyenam ubon mbufo ewak nte ntantafiɔŋ enyɔŋ; nyenyuŋ nda ofuri isɔŋ emi ŋkɔdɔhɔde mbaŋa, nnɔ ubon mbufo, ndien mmɔ eyeda enye enyene ke nsinsi.

EZEKIEL 20:14

Ndien nnam ntre mbaŋa enyiŋ mi, man ekusabare enye ke enyin mme idut emi ŋkosiode mmɔ ke esit ke enyin mmɔ.

EZEKIEL 36:22

Dɔhɔ ndien ufɔk Israel, ete, Ntem ke Ɔbɔŋ Jehovah ɔdɔhɔ, ete, Ami nnamke ntem mbaŋa mbufo, ufɔk Israel, edi mbaŋa edisana enyiŋ mi emi mbufo esabarede ke otu mme idut emi mbufo ekade do.

EZEKIEL 36:32

Ɔbɔŋ Jehovah ɔdɔhɔ, ete, Mbufo efiɔk ete ke ami nnamke ntem mbaŋa mbufo: mbufo eda but ye esuene ebaŋa usuŋ mbufo, O ufɔk Israel.

LEVITICUS 18:24

Mbufo ekuda mme mmɔ emi ndomo kiet esabare idem mbufo ke esit: koro mme idut emi ami mmɔŋ mbin mmɔ mfep ke iso mbufo, edade kpukpru ŋkpɔ emi esabare idem mmɔ ke esit:

LEVITICUS 18:25

isɔŋ omonyuŋ edehe: ndien nyeda ufen esie ntiene enye, isɔŋ onyuŋ ɔkpɔhi mme andiduŋ enye efep.

MICAH 7:20

Afo eyenɔ Jacob akpanikɔ, ɔnɔ Abraham ufɔn oro afo ɔkɔŋwɔŋɔde ɔnɔ mme ete nnyin ke eyo oko.

UTOM MME APOSTLE 3:25

Mbufo edi nditɔ mme prophet ye nditɔ ediomi oro Abasi okodukde ye mme ete mbufo, ke adaŋemi Enye ɔdɔhɔde Abraham ete, Ndien oto ke ubon fo kpukpru oruk owo ke ererimbot eyekut ufɔn.

ŊWED MBON ROME 11:28

Ke ŋkaŋ gospel, mmɔ edi mme asua kabaŋa mbufo: edi ke ŋkaŋ erimek, Abasi ama mmɔ kabaŋa mme ete mmɔ.

ŊWED MBON ROME 15:8

Koro mmɔdɔhɔ nte Christ amakabare edi asaŋa-utom ɔnɔ mme ana-mbobi kabaŋa akpanikɔ Abasi, man anam se ekɔŋwɔŋɔde enɔ mme ete nnyin ɔsɔŋɔ ada,

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 12:31

Kunam ntre ye Jehovah Abasi fo: koro mmɔ enamde kpukpru oruk mbubiam emi Jehovah asuade enɔ mme abasi mmɔ: koro mmɔ efɔpde idem nditɔ-iren mmɔ ye nditɔ mmɔ iban enɔ mme abasi mmɔ.

DEUTERONOMY 18:12

Koro Jehovah esede kpukpru mmɔ eke enamde ŋkpɔ emi ke mbubiam; Jehovah Abasi fo onyuŋ ebin mmɔ efep ke iso fo abaŋa mbubiam emi.

DEUTERONOMY 18:9

Ke adaŋemi afo edide ke isɔŋ emi Jehovah Abasi fo ɔnɔde fi, kukpebe ndinam mbubiam ido mme idut oro.

DEUTERONOMY 20:18

mbak mmɔ edikpep mbufo edinam kpukpru mbubiam mmɔ, emi mmɔ enamde enɔ mme abasi mmɔ; mbak mbufo edidue Jehovah Abasi mbufo.

TITUS 3:5

itoho ke ŋkpɔ eke nnyin inamde ke edinen ido, edi oto ke mbɔm Esie ke Enye akanyaŋa nnyin, ɔtɔŋɔ ntak obot nnyin ke eriyet nnyin isana,