DEUTERONOMY 9:4 - Edisana ñwed Abasi Ibom

⁴ Kudɔhɔ ke esit fo, ke adaŋemi Jehovah Abasi fo ama ekebin mmɔ efep ke iso fo ama, ete, Ke edi eti ido mi esin Jehovah ada mi oduk, ete nda isɔŋ emi nnyene: koro ke edi idiɔk ido mme idut emi esin Jehovah ebin mmɔ ke iso fo efep.

DEUTERONOMY 9:4 ပူးပေါင်းရင်းမြစ်များ

GENESIS 15:16

Ndien ke ɔyɔhɔ emana inaŋ mmɔ eyenyɔŋ ken: koro mme idiɔkŋkpɔ mme Amorite mika-iyɔhɔke kaŋa.

EZEKIEL 36:22

Dɔhɔ ndien ufɔk Israel, ete, Ntem ke Ɔbɔŋ Jehovah ɔdɔhɔ, ete, Ami nnamke ntem mbaŋa mbufo, ufɔk Israel, edi mbaŋa edisana enyiŋ mi emi mbufo esabarede ke otu mme idut emi mbufo ekade do.

EZEKIEL 36:32

Ɔbɔŋ Jehovah ɔdɔhɔ, ete, Mbufo efiɔk ete ke ami nnamke ntem mbaŋa mbufo: mbufo eda but ye esuene ebaŋa usuŋ mbufo, O ufɔk Israel.

LEVITICUS 18:3

Mbufo ekunam nte isɔŋ Egypt, emi mbufo ekeduŋde ke esit, enamde: ekunyuŋ enam nte isɔŋ Canaan, emi ami ndade mbufo nduk do, enamde: ekunyuŋ esaŋa ke mme ewuhɔ mmɔ.

ŊWED MBON ROME 11:20

Edi ntre: ekewak mmɔ eduɔk oto ke unana mbuɔtidem mmɔ, afo onyuŋ ada do ke mbuɔtidem fo.

ŊWED MBON ROME 11:6

Edi edieke otode ke mfɔn, itoho aba ke se mmɔ enamde: midige ntre, mfɔn idige aba mfɔn.

1 ŊWED CORINTH 4:4

Mfiɔkke ŋkpɔ eke obiomde mi, edi oro itebeke mi ikpe.

1 ŊWED CORINTH 4:7

Koro anie anam fi ɔkpuhɔre ye owo eŋwen? Nso ŋkpɔ ke onyuŋ enyene eke mukɔbɔhɔ bɔ? Ndien edieke ɔkɔbɔde bɔ, nsinam oburede mbure nte ŋkpɔ eke mukɔbɔhɔ.

DEUTERONOMY 12:31

Kunam ntre ye Jehovah Abasi fo: koro mmɔ enamde kpukpru oruk mbubiam emi Jehovah asuade enɔ mme abasi mmɔ: koro mmɔ efɔpde idem nditɔ-iren mmɔ ye nditɔ mmɔ iban enɔ mme abasi mmɔ.

DEUTERONOMY 31:27

Koro ami mmɔfiɔk nsɔŋ-ibuot fo, ye itun fo: kam sese, ke ami ndodu uwem ye mbufo mfin emi, mbufo esɔŋ ibuot ye Jehovah: ŋwaŋwa ediso adaŋemi ndikpade!

DEUTERONOMY 8:17

mbak afo edidɔhɔ ke esit fo, ndien, ete, ke odudu fo ye ŋsɔŋubɔk fo ke ekekɔ kpukpru inyene emi enɔ imɔ.

DEUTERONOMY 9:24

Mbufo esuk esɔsɔŋ ibuot ye Jehovah, toto ke usen emi ŋkɔfiɔkde mbufo.

DEUTERONOMY 9:5

Idige eti ido fo, inyuŋ idige eti esit fo esin fi oduk aka akada isɔŋ mmɔ: koro edi idiɔk ido mme idut emi esin Jehovah Abasi fo osio mmɔ ke iso fo efep, man enye onyuŋ anam ikɔ esie osu nte Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob.

DEUTERONOMY 9:7

Ti, kufre nte afo akayatde Jehovah Abasi fo esit ke wilderness: ɔtɔŋɔde ke usen emi afo otode ke isɔŋ Egypt, tutu mbufo edisim ebiet emi, mbufo emesɔŋ ibuot ye Jehovah.

2 ŊWED TIMOTHY 1:9

emi ama anyaŋa nnyin, onyuŋ okot nnyin edisana ikot; itoho ke se nnyin inamde edi oto ke uduak ye mfɔn Esiemɔ, emi ekɔnɔde nnyin ke Christ Jesus, ndien nsinsi eyo edidu;