DEUTERONOMY 9:3 - Edisana ñwed Abasi Ibom

³ Fiɔk ndien mfin emi, ete ke Jehovah Abasi fo emi ebemde fi iso ebe, edi ikaŋ eke atade, enye eyesobo mmɔ, enye eyenyuŋ ɔsuhɔre mmɔ ke iso fo onim: ndien afo eyewara ebin mmɔ efep, onyuŋ osobo mmɔ, kpa nte Jehovah ɔkɔdɔhɔde fi.

DEUTERONOMY 9:3 ပူးပေါင်းရင်းမြစ်များ

EXODUS 23:23

Koro angel mi eyebem fi iso, eyenyuŋ ada fi aka ebiet mme Amorite, ye mme Hittite, ye mme Perizzite, ye mme Canaanite, ye mme Hivite, ye mme Jebusite;

EXODUS 24:17

Ndien iso ubɔŋ Jehovah ebiet ikaŋ asakde ke enyɔŋ obot ke enyin nditɔ Israel.

ISAIAH 27:4

Ifuresit iduhe mi ke idem: akpap ye ŋkukim ekpekam eyi ke ekɔŋ ye ami, ŋkpobumere nduk ke esit, mfɔp mmɔ ini kiet.

ISAIAH 30:27

Sese, enyiŋ Jehovah ke oto ke anyan ebiet edi, iyaresit esie ke asak, edemikaŋ onyuŋ odobi: ifuresit ɔyɔhɔ enye ke mkpɔk-inua, edeme esie onyuŋ ebiet ikaŋ eke asakde.

ISAIAH 30:30

Ndien Jehovah eyenam ekop ubom uyo esiemɔ, onyuŋ owut mmɔ iduɔ ubɔk esie, ke ifuresit ye ikpahesit ye edemikaŋ eke atade, ke oyobio, ye edim, ye edim itiat.

ISAIAH 30:33

Koro ema etim Topheth ebigi; ema enyuŋ ediɔŋ enye enɔ edidem; enye ama otuŋ enye, ama onyuŋ anam okpon: ebok ikaŋ ye ifia emekpon: ibifik Jehovah, nte akpa brimstone, ɔfɔp enye.

ISAIAH 33:14

Mme idiɔk owo ke Zion ke edikhe; unyek-idem omum mme oburobut owo: “Anie ke otu nnyin ekeme ndiduŋ ke ikaŋ eke atade? Anie ke otu nnyin ekeme ndiduŋ ke nsinsi erisak?”

MICAH 2:13

Andibuŋ emebem mmɔ iso ɔdɔk: mmɔ emebuŋ, enyuŋ ebe eduk ke inua-otop, enyuŋ eto ke esit ewɔrɔ: edidem mmɔ omonyuŋ ebem mmɔ iso ebe; Jehovah onyuŋ asaŋa nte etubom mmɔ.

MATTHEW 15:10

Ndien Enye okot otu owo, onyuŋ ɔdɔhɔ mmɔ ete, Ekop, enyuŋ etim efiɔk ŋkpɔ.

MARK 7:14

Ndien Enye ɔtɔŋɔ ntak okot otu owo edi, onyuŋ ɔdɔhɔ mmɔ ete, Kpukpru mbufo ekop uyo Mi, enyuŋ etim efiɔk:

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

ŊWED MBON EPHESUS 5:17

Mmɔdo ekudi mme ɔkɔi, edi etim efiɔk se Ɔbɔŋ amade.

DEUTERONOMY 1:30

Jehovah Abasi mbufo emi ebemde mbufo iso aka, edi enye edi ŋwana ekɔŋ inɔ mbufo, kpa nte enye akanamde kpukpru ŋkpɔ ɔnɔ mbufo ke Egypt ke iso mbufo;

DEUTERONOMY 20:1

KE adaŋemi afo ediwɔrɔde aka ekɔŋ ye mme asua fo, edinyuŋ okutde mme horse, ye mme chariot, ye mbon ekɔŋ ewakde ekan fi, kubak mmɔ: koro Jehovah Abasi fo emi okosiode fi ke isɔŋ Egypt, ododu ye afo.

DEUTERONOMY 20:4

koro edi Jehovah Abasi mbufo asaŋa ye mbufo, aka ndiŋwana ekɔŋ ye mme asua mbufo nnɔ mbufo, ete inyaŋa mbufo.

DEUTERONOMY 4:24

Koro Jehovah Abasi fo edide edisak ikaŋ ye Abasi ufup.

DEUTERONOMY 7:16

Ndien afo eyedia kpukpru mme idut eke Jehovah Abasi fo edinɔde fi; enyin fo okutua mmɔ mbɔm: kunyuŋ unam ido mme abasi mmɔ: koro oro eyekɔk afia ɔnɔ fi.

DEUTERONOMY 7:22

Ndien Jehovah Abasi fo eyebin mme idut emi efep ke iso fo nsit nsit: udukemeke ndisobo mmɔ tak ini kiet, mbak mme unam ikɔt ediwak ekan fi.

DEUTERONOMY 9:6

Fiɔk, ndien, ete idige eti ido fo esin Jehovah Abasi fo ɔnɔ fi eti isɔŋ emi enyene; koro mbufo edide mbon nsɔŋ-ibuot.

2 ŊWED THESSALONICA 1:8

Edisio usiene ɔnɔ mmɔ emi mifiɔkke Abasi minyuŋ isukke ibuot inɔ gospel Ɔbɔŋ nnyin Jesus;

MME HEBREW 12:29

Koro Abasi nnyin edi ikaŋ eke atade ta.

JOSHUA 11:12

Ndien Joshua ada kpukpru obio mbɔŋ oro, ye kpukpru mbɔŋ mmɔ, onyuŋ owot mmɔ ke iso ofut, osobo mmɔ fap, kpa nte Moses owo Jehovah okowukde.

JOSHUA 11:8

Ndien Jehovah emen mmɔ esin Israel ke ubɔk, ndien mmɔ ewot mmɔ, enyuŋ ebine mmɔ tutu esim ke akwa Zidon, ye ke Misrephoth-maim, ye ke itihere Mizpeh ke edem usiaha-utin; enyuŋ ewot mmɔ, tutu isuhɔke baba nsuhɔ kiet inɔ mmɔ.

JOSHUA 14:12

Kam nɔ mi, ndien, obot emi, nte Jehovah ɔkɔdɔhɔde ke usen oro: koro afo ama okop ke usen oro: koro mme Anakim edudu do, mme obio enyuŋ ekponi, enyuŋ enyene ibibene; Jehovah ama odu ye ami, ndien nyekeme ndibɔ mmɔ itie, kpa nte Jehovah ɔkɔdɔhɔde.

JOSHUA 3:11

Sese, ekebe ediomi Ɔbɔŋ ofuri ererimbot ɔmɔŋ asaŋa mbufo ke iso ebe okoduk ke Jordan.

JOSHUA 3:14

Ndien edikem adaŋemi kpukpru owo ewuhɔrede mme tent mmɔ, man ebe Jordan, mme oku enyuŋ ebiom ekebe ediomi ebem mmɔ iso,

JUDGES 4:14

Ndien Deborah ɔdɔhɔ Barak, ete, Daha ke enyɔŋ; koro mfin emi edide usen emi Jehovah edidade Sisera esin fi ke ubɔk: nte Jehovah ibemke fi iso iwɔrɔ? Ndien Barak oto ke obot Tabor ɔsuhɔre, ye tɔsin owo duop oro etienede enye ke edem.