DEUTERONOMY 9:26 - Edisana ñwed Abasi Ibom

²⁶ Ndien ŋkpe Jehovah ubɔk, nte, O Jehovah ɔbɔŋ, kusobo ikɔt fo, kpa udeme fo, emi afo akadade ubom fo afak, emi afo akadade ɔkpɔsɔŋ ubɔk osioŋo mmɔ ke Egypt.

DEUTERONOMY 9:26 ပူးပေါင်းရင်းမြစ်များ

2 SAMUEL 7:23

Ndien ewe idut kiet ke ererimbot ebiet ikɔt fo Israel, emi Abasi akakade ndifak nnim ke ikɔt esiemɔ, nnyuŋ nnam enyiŋ ke idemesie, nnyuŋ nnam ikpɔ ŋkpɔ nnɔ mbufo, ye ŋkpɔ ndik nnɔ isɔŋ fo ke iso ikɔt fo, emi afo akafakde ke Egypt (ɔbɔ) mme idut ye mme abasi mmɔ, osio ɔnɔ idemfo?

1 NDIDEM 8:51

koro mmɔ edide ikɔt fo, ye udeme fo, emi afo akadade ke Egypt ɔwɔrɔ, ke ufɔt furnace ikaŋ:

1 NDIDEM 8:53

Koro edi afo okosio mmɔ ke kpukpru mme idut ererimbot emi, adianare onim ke idemfo ke udeme, kpa nte afo akadade ubɔk Moses owo fo ɔdɔhɔ, ke ini afo osiode mme ete nnyin ke Egypt efep, O Ɔbɔŋ Jehovah.

NEHEMIAH 1:10

Ndien mme mmɔ emi edi ifin fo, emi afo akafakde ke akwa odudu fo, ye ke ɔkpɔsɔŋ ubɔk fo.

ŊWED MME PSALM 106:23

Ndien enye ɔdɔhɔ, ete ke imɔ ikposobo mmɔ, ke mikpedige Moses edimek owo esie akada enye ke iso ke ɔtɔ ŋwure, onyuŋ akabare iyaresit esie efep, mbak edisobo mmɔ.

ŊWED MME PSALM 107:2

Yak mme mmɔ emi Jehovah afakde edɔhɔ ntem, kpa mme mmɔ emi enye afakde osio mme asua ke ubɔk;

ŊWED MME PSALM 28:9

Nyaŋa ikɔt fo, nyuŋ diɔŋ mbon udeme fo: bɔk mmɔ ŋko, nyuŋ menere mmɔ ke enyɔŋ ke nsinsi.

ŊWED MME PSALM 57:1

TUA mi mbɔm, O Abasi, tua mi mbɔm, koro ukpɔŋ mi ɔbuɔtde idem ye afo: ami nnyuŋ mbuɔt idem ke mfut mba fo tutu mme idiɔk-ŋkpɔ emi efehe ebe.

ŊWED MME PSALM 77:15

Afo amada ubɔk nnasia fo afak ikɔt fo, kpa nditɔ Jacob ye eke Joseph. [Selah.]

ŊWED MME PSALM 78:35

ndien mmɔ ekabare, enyuŋ ebak eyom Abasi, enyuŋ eti ete ke Abasi edi akwa itiat mmɔ ke onyuŋ edi Abasi Ata Edikoŋ anyaŋa mmɔ.

ŊWED MME PSALM 99:6

Moses ye Aaron ke otu mme oku esie, ye Samuel ke otu mmɔ eke esemede ekot enyiŋ esie; mmɔ ekeseme ekot Jehovah, ndien enye eyere mmɔ.

EXODUS 15:13

Ima fo esin fi ada ikɔt emi afo akafakde ɔwɔrɔ; ada odudu fo eteme mmɔ usuŋ edisana ebiet fo.

EXODUS 33:13

Edieke afo enende iso ye ami, ndien, mbɔk, wut mi usuŋ fo, man mfiɔk fi, man afo enen iso ye ami; nyuŋ bat mbio emi ke ikɔt fo.

EXODUS 34:9

Enye onyuŋ ɔdɔhɔ ete, Mbɔk, edieke afo enende iso ye ami, O Ɔbɔŋ, mbɔk, yak Ɔbɔŋ mi asaŋa ke otu nnyin; koro mmɔ edide mbon nsɔŋibuot; nyuŋ fen ukwaŋ-ŋkpɔ nnyin, ye idiɔk ido nnyin, nyuŋ da nnyin nim ke udeme fo.

ISAIAH 44:23

O enyɔŋ, mbufo ekwɔ: koro Jehovah amanam: isɔŋ ke idak, sio mkpo: ikpɔ obot, mbufo ebumere ekwɔ; mbufo, akai ye kpukpru eto emi edude ke esit: koro Jehovah afakde Jacob, eyenyuŋ ada ubɔŋ ke Israel.

ISAIAH 63:19

Nnyin ikodu ke eyo oko; afo ukakarake mmɔ; mmɔ ikekereke enyiŋ fo.

JEREMIAH 14:21

Kusin nnyin ke ndek, ubaŋa enyiŋ fo, kusuene ebekpo ubɔŋ fo: ti, kubiat ediomi fo ye nnyin.

JEREMIAH 15:1

NDIEN Jehovah ɔdɔhɔ mi, ete, Moses ye Samuel ekpedu ke iso mi, ukpɔŋ mi ikpamaŋa mbio emi: sio mmɔ ke iso mi duɔk, yak mmɔ enyuŋ ewɔŋɔ.

ŊWED ESEME 2:20

O Jehovah, se nyuŋ tiŋ enyin ke idem owo emi afo anamde ntem ye enye. Nte iban ekpeta mfri mmɔ, nsek nditɔ emi mmɔ ekamade ke ubɔk? Nte ekpewot oku ye prophet ke edisana ebiet Ɔbɔŋ?

MICAH 6:4

Ŋkɔm ŋkada mbufo ke isɔŋ Egypt ndɔk, nnyuŋ mfak mbufo nsio ke ufɔk ufin; nnyuŋ ndɔŋ Moses ye Aaron ye Miriam, nte ebem mbufo iso.

DEUTERONOMY 13:5

Ndien prophet oro, mme adaba ndap oro enyene ndikpa: koro enye ɔdɔhɔde, ete mbufo ekabare ekpɔŋ Jehovah Abasi mbufo emi okosiode mbufo ke isɔŋ Egypt, okonyuŋ afakde fi osio ke ufɔk ufin, ete inuk fi ifep ke usuŋ emi Jehovah Abasi fo etemede fi ete asaŋa ke esit. Ntem ke afo edinam idiɔk-ŋkpɔ oro okure ke otu fo.

DEUTERONOMY 15:15

Nyuŋ ti nte afo ekedide ofin ke isɔŋ Egypt, nte Jehovah Abasi fo okonyuŋ afakde fi; mmɔdo ami ntemede fi ŋkpɔ emi mfin emi.

DEUTERONOMY 21:8

Dahado nɔ ikɔt fo Israel, emi afo, O Jehovah akafakde; kunyuŋ uda iyip owo emi miduehe isop udori ikɔt fo Israel. Ndien eyedahado ke iyip oro enɔ mmɔ.

DEUTERONOMY 32:9

Koro udeme Jehovah edi ikɔt esie: Jacob edi ubak emi enye odomode ada.

DEUTERONOMY 7:8

edi koro Jehovah amade mbufo, onyuŋ etiŋde enyin ke uŋwɔŋɔ emi enye ɔkɔŋwɔŋɔde ɔnɔ mme ete mbufo, esin Jehovah akada ɔkpɔsɔŋ ubɔk osioŋo mbufo efep, onyuŋ afak mbufo osio ke ubɔk ufin, ye ke ubɔk Pharaoh edidem Egypt.

DEUTERONOMY 9:12

Ndien Jehovah ɔdɔhɔ mi, ete, Wawara daha ke ebiet emi suhɔre; koro oruk fo emi afo okosiode ke Egypt, emekabare ediɔk: mmɔ emewara ndiwaha ŋkpɔŋ usuŋ emi ŋketemede mmɔ; emenam editara mbiet enɔ idem mmɔ.

DEUTERONOMY 9:27

Ti ikɔt fo, Abraham, ye Isaac, ye Jacob; kuse nsɔŋ-ibuot mbon emi, ye mme idiɔk ido mmɔ, ye mme ukwaŋkpɔ mmɔ:

DEUTERONOMY 9:29

Edi mmɔ edi ikɔt fo, ye udeme fo, emi afo akadade akwa odudu fo ye edimenere ubɔk fo osio mmɔ efep.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

MME HEBREW 9:12

Enye inyuŋ idaha iyip ebot ye enaŋ isaŋa ibe iduk, edi ada iyip Esiemɔ oduk ke Edisana ebiet ini kiet kpɔt, ke Enye ama ɔkɔbɔ nsinsi ufak ɔnɔ owo.

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;

1 SAMUEL 7:9

Ndien Samuel ada eyen erɔŋ kiet eke awapde eba, ɔfɔp enye ofuri ɔnɔ Jehovah ke edifɔp uwa; Samuel onyuŋ ekpe Jehovah ubɔk ɔnɔ Israel: ndien Jehovah ɔbɔrɔ enye.