DEUTERONOMY 9:18 - Edisana ñwed Abasi Ibom

¹⁸ Nnyuŋ nduɔ ke isɔŋ ke iso Jehovah, kpa nte eke akpa ini, ke uwemeyo aba, ye okoneyo aba; ndiaha udia, nnyuŋ ŋŋwɔŋke mmɔŋ, mbaŋa kpukpru mme idiɔk ido emi mbufo ekenamde, ke erinam se idiɔkde ke iso Jehovah, nnyuŋ nyat enye esit.

DEUTERONOMY 9:18 ပူးပေါင်းရင်းမြစ်များ

2 SAMUEL 12:16

Ndien David ekpe Abasi ubɔk ɔnɔ eyen oro; David onyuŋ etre udia ŋko, onyuŋ oduk, ɔsuhɔre ana ke isɔŋ ke ofuri okoneyo.

1 NDIDEM 19:8

Ndien enye adaha ke enyɔŋ, adia, onyuŋ ɔŋwɔŋ, onyuŋ asaŋa ke odudu udia oro ke uwemeyo aba ye ke okoneyo aba, aka ke Horeb obot Abasi.

EZRA 10:6

Ekem Ezra adaha ke enyɔŋ ke iso ufɔk Abasi, aka okoduk ke ubet Jehohanan eyen Eliashib: ndien enye aka do, idiaha ŋkpɔ, inyuŋ iŋwɔŋke mmɔŋ: koro enye atuade mme idiɔk ido mbon ntaŋ-mfep.

ŊWED MME PSALM 106:23

Ndien enye ɔdɔhɔ, ete ke imɔ ikposobo mmɔ, ke mikpedige Moses edimek owo esie akada enye ke iso ke ɔtɔ ŋwure, onyuŋ akabare iyaresit esie efep, mbak edisobo mmɔ.

EXODUS 34:28

Ndien enye odu do ye Jehovah ke uwemeyo aba ye okoneyo aba; itaha uyo, inyuŋ iŋwɔŋke mmɔŋ. Ndien Enye emen ikɔ ediomi emi, kpa mme ikɔ duop oro, ewet esin ke itiat-ŋwed oro.

EXODUS 34:9

Enye onyuŋ ɔdɔhɔ ete, Mbɔk, edieke afo enende iso ye ami, O Ɔbɔŋ, mbɔk, yak Ɔbɔŋ mi asaŋa ke otu nnyin; koro mmɔ edide mbon nsɔŋibuot; nyuŋ fen ukwaŋ-ŋkpɔ nnyin, ye idiɔk ido nnyin, nyuŋ da nnyin nim ke udeme fo.

DEUTERONOMY 10:10

Ndien ami ntie ke obot ke uwemeyo aba, ye ke okoneyo aba, kpa nte eke akpa ini; Jehovah onyuŋ okop uyo mi ke ini oro ŋko, Jehovah inyuŋ inyimeke ndisobo fi.

DEUTERONOMY 9:17

ndien mmum itiat-ŋwed iba oro ke ubɔk mi mbiba, ntop mmɔ nduɔk ke isɔŋ ke iso mbufo mbom.

DEUTERONOMY 9:25

Ntem ke ami nduɔ ke isɔŋ ke iso Jehovah ke uwemeyo aba ye ke okoneyo aba, nte ŋkɔduɔde: koro Jehovah ɔkɔdɔhɔde ete iyesobo mbufo.

DEUTERONOMY 9:9

Ke adaŋemi ŋkɔdɔkde obot ŋka ndibɔ itiat-ŋwed ediomi emi Jehovah odiomide ye mbufo, ntie ke obot ke ofuri uwemeyo aba ye okoneyo aba, ndiaha udia, nnyuŋ ŋŋwɔŋke mmɔŋ,