DEUTERONOMY 8:9 - Edisana ñwed Abasi Ibom

⁹ isɔŋ emi afo mudutaha uyo ke esit ke unana, udunanake baba ŋkpɔ kiet ke esit; isɔŋ emi itiat esie edide ukwak, emi afo edinyuŋ etibide okuk osio ke ikpɔ obot esie.

DEUTERONOMY 8:9 ပူးပေါင်းရင်းမြစ်များ

1 CHRONICLES 22:14

Ndien, sese, ke ukut mi mma mbon tɔsin talent gold ke itie ikie, nnɔ ufɔk Jehovah, ye tɔsin talent silver ke itie tɔsin; edi idomoke okpoho ye ukwak: koro mmɔ ewakde eti-eti; mma nnyuŋ mbon eto ye itiat; afo eyenyuŋ adian efen ke mmɔ.

1 CHRONICLES 22:3

David onyuŋ obon ediwak ukwak, ke eke ɔkpɔ ukwak itim enyin-usuŋ, ye ke eke ntok; ye ediwak okpoho emi midomoke;

ŊWED JOB 28:2

Esioŋo ukwak ke ntan; itiat onyuŋ aŋwaŋa okuk.

DEUTERONOMY 33:25

Ikpa-ukot fo edi ukwak ye okpoho; yak nduɔk-odudu fo onyuŋ ebigi nte mme usen fo.

DEUTERONOMY 8:10

Adaŋemi afo adiade ŋkpɔ ɔyuhɔ, kɔm ndien Jehovah Abasi fo ke eti isɔŋ emi enye ɔnɔde fi.

DEUTERONOMY 8:8

isɔŋ wheat, ye eke barley, ye eke vine, ye eke eto fig, ye eke pomegranate; isɔŋ aran olive, ye eke aran-ɔkwɔk;

JOSHUA 22:8

onyuŋ ɔdɔhɔ mmɔ, ete, Mbufo eda ediwak inyene, ye ediwak ufene eti-eti, ye silver, ye gold, ye okpoho, ye ukwak, ye ɔfɔŋ-idem ediwak eti-eti, enyɔŋɔ ke mme tent mbufo: eda mbume mme asua mbufo edeme enɔ nditɔ-ete mbufo.

JUDGES 18:10

Adaŋemi mbufo ekade, eyesim mbio ndue-idem, isɔŋ onyuŋ okpon ke edem kpukpru: koro Abasi adade enye esin mbufo ke ubɔk; ebiet emi baba ŋkpɔ kiet eke odude ke edem emi minanake.